الأحب لقلبي (7) الأخيرة ♥️
بقلم أمل محمد
#الأحب – لقلبي 《7》♥
الاخــــــــــــــــــيرة
#بقلم أمل محمد🖤
عاينت ليو نظرة وحدة بس كان لابس بنطلون اسود وقميص م متأكدة لان اتلبشت بس تقريبا مخطط♥️♥️
وقف مسافة كدة وعلى وشو ابتسامة لمن عاينت ليو تانى قوتة ليو يلا غوووور😁😂
ضحك وقال لى اغوور؟😂
المهم دخلت جوا البيت وبتبسم
تلفونى رن لقيتو دة هو
قال لى ي مجنونة وكان بضحك وحلات الضحكة 🩵🩵قال لى طيب ح اغور واصلا راجع بس ممكن اشوفك لى اخر مرة لانك حتتعابطى لى في الصور قولتة لا قالى عليك الله مرة وحدة
المهم طلعت ليو في دة كان راجع من الجهة التانية كان بيضحك وقال لى حاجة بس م سمعت وبعدو على طول رجع ” في الأول م عرف البيت كان جمبنا روضة وصفت ليو الروضة واتهابلنا قدرتنا في الاسم حتن عرف 😂”
شوية كدة واتصل لى قال لى عندى كلام كتير داير اقولو ليكى بس اسي لمن ارجع البيت اتصل ليكى تمام قوتة اوكى
في المسافة دى تعالو اوصفو ليكم
طبعا طبعا اسمرانى طويل 🔥♥️عندو حبة دقينة كدة وحالق شعرق حلاقة ظبوووطة 🔥♥️شعرو كتير ♥️وعندو هيبة في المشى يلا نجى لى صوتو ♥️يخ عندو صووت ماشاء الله تبارك الله بحب صوتو وبحبو هو زاتو العجب لمن يقول طيرتى أو دبدوبتى أو بق…..🙂😂😂😂😂😂بحب الكلمات دى منو
هى هى شايفاكم انبرشتو 😒أخير الم خشمى بعد كدة
المهم الكلام دة كان الضهر مشيت رقدت شوى وانا بتزكر في تفاصيل اليوم وتفاصيلو وببتسم براى 😪😂 بعد المغرب اتصل لى واتكلمنا كتير وقال لى م كنت متخيلك كدة طلعتى احلى احلى احلى يخ ربي لا يحرمني منك ويجمعنا قريب ♥️♥️
قال لى وحلاة الصوت لمن قال لى ” غوور ” 😂بلاى رمة كيف انتى قال غوور وبقى يحاكى 😂
قال لى انتى عارفة أنا يوم الليلة دة مستحيل انساو طول عمرى وحيفضل من اجمل لحظاتى والله بي الجد أنا بحبك ي امل
وانا خجلانة م قادرة اتكلم بعدو قال يلا شفتك وشفتينى صح قوتة صح وعجبتك وعجبتينى صح قوتة صح قال لى تانى مافى حاجة بتاخرنا عن العرس أنا حفاتح امى في الموضوع وبعدو ابوى ومنو نجى بي الباب عديل تمام
امل : لاكن ي ابراهيم والجامعة
ابراهيم: مش باقى ليكى ٤ سمسترات ؟
امل : ااى ٤ بس
ابراهيم: وبس كمان ي بت أنا م بقدر اصبر عشان مافى زول يخطفك منى أنا عارف ناسكم ديل خاتين عينهم عليكى ودايرنك يلا أنا طوالى اخش واطلبك♥️♥️
امل: بس …
ابراهيم: م بس ولا حاجة أنا عارف انك بتحبي القراية ونفسك تقدمى حاجة لى ابوكى وم بتتمنى تعرسي قبل التخريج عارف دة كلو ويلا أنا اوعدك لو اهلك وافقوا وان شاء الله حيوافقو انو اخليكى تكملى جامعة من بيتك ومستحيل امنعك من حلمك ي غلاى طيب
المهم كدة كدة ابراهيم اقنع امل بي كلامو
وفاتح امو وأبو في الموضوع بعد النقاش قالو ليه م عندنا مانع
توضيح بسيط
* القبيلة وم ادراك م القبيلة *
شباب شوفو مافى حاجة اسمها من قبيلة كدة ودى من قبيلة كدة تمام أنا حلفاوى أنا شايقى أنا نوباوى أنا بنى عامراوى أنا محسى أنا جعلى أنا جعفرى الخ…..
القبائل كتيرة في السودان يلا في عنصرية بتحصل صح بلاى عليكم بطلو التفرغة والعنصرية
الرسول صلى الله عليه وسلم قال لا فرق بين عربي ولا اعجمئ إلا بي التقوى صح طيب اذا الحبيب المصطفى قال كدة انت منو عشان تجى تفرق وتتعنصر ؟ بي الجد حاجة بتمغص 🔪💔
أنا وحدة من الناس المابتحب * العنصرية*و التفرقة بين الناس أو أى شىء تانى
بتمنى اتكلم اكتر عن العنصرية الحاصلة في بلادى لاكن عشان م اخش برا الموضوع الاساسي حكتب ليكم رواية تانية بتتكلم عن الحاصل والعنصرية
ف من الليلة ورايح بتمنى نخلى شعااارنا لا للعنصرية ✌🏻🫶🏻
امل اتصلت لى ابرار وقالت ليهم ابراهيم طالبنى للزواج وقريبا حيتكلم مع أهلى ونتلم في بيت الحلال♥️
طبعا ابرار اتفاحاءت لأن م كانت قايلة ابراهيم جادى وكانت متخيلة بكزب عليها وكدة بس فرحت لى فرح امل واتمنت ليها كل الخير في حياتها♥️♥️
امل رجعت بيتهم
بعد كم يوم اتكلمت مع امى ومهدت ليها الموضوع 🩵 مبدئيا كدة وافقت بي كلامى عن الزول الجاى دة انو محط ثقة ف قالت تتاكد منو وبعدو لو في الخير ربنا يكملو
المهم ابراهيم اتصل لى امل وقال ليها حنجى يوم الجمعة عشان رجال البيت بكونو قاعدين قالت ليو اوكى تشرفو
طبعا من الصباح هى وامها يشيلو ويجهزو من نضافة لى اكل لى عصائر لى مقبلات المهم ااى شى كان جاهز وأبو امل دة مستغرب فيهم كم مرة قال ليهم في شنو بس قالو مافى حاجة حبينا ندلعكم شوية
ام امل قالت افضل تكلم الاب عشان يكون عندو خلفية عن الموضوع لمن كلمتو م قال حاجة بس قال كدة نشوفهم وبعدو نقرر
ابراهيم وعيلتو وصلو ضيفوهم تمام واستقبلوهم احسن استقبال
الاب طوالى بدأ في الموضوع الجاين عشانو وكلامو كان موزون وحتى ابراهيم اتكلم وكلامو مقنع المهم الاب اداهم موافقة مبدئية لمن يسال منهم ويطمن
استاذنو عشان يطلعو بعد كدة قدر م حنسوهم عشان يتعشو رفضو
امل كانت مبسووطة بي كلام ابوها وشبة اقتنع
لمن فتحو الموضوع مع أسرة امل عمها و ولد عمها طوالى عارضو وقالو م عندنا بنات للعرس الاب قال لى المانع وانا سالت منهم وقالو كلام طيب ومطمن عنهم
ود العم ادخل وقال انا عاوزها بتك دى ي عمى واصلا البت لى ود عمها
الاب : ولى م جيت طلبتها وساكت لمن الزول داك ادخل
قال ليو كنت منتظرها تكمل قراية لانها عنيدة
بعد نقاش طويل ابو امل قال ليهم أنا اديت الناس كلمة وم بتراحع طبعا الولد زعل والعم قال مدام مافى قسمة نقول لى المتقدم مبروووك ♥️♥️
حددو العرس ويوم العقد ابراهيم اتصل فيديو وسمعها العقد وسمعت ابوها بقول سلمتك بتى أمانة وم تفرط في الأمانة الغالية دى ابراهيم قال على عينى والله وامانتك في الحفظ والصون ي عمى
نزلت من ابو أمل دمعة ساخنة 💔
بعدو المازون عقد عليهم وانتقلت امل من ذمة ابيها لى ذمة زوجها 😪♥️♥️
في اللحظة دى ام امل جات تبكى لمن سمعت الطلق من المسجد وصوت عقدو ي جماعة عقدو ايوووووى يوووووووى يووى💃🏻💃🏻💃🏻
امل حضنت امها وبقت فيها البنات وابرار فكوهم من بعض وقالو ليهم العريس جاى يبارك لى مرتو 🩵😪
الناس طلعت وخلو العريس يدخل وسط ابشر ي ابشر وهو يبشر ليهم♥️♥️♥️
دخل لى امل وقال ليها
* مرتى*
لا هو قال مرتى ولا أنا سمعت غلط ؟ مرتو ي جماعة بقيت مرتو في اللحظة دى قلبي عمل شحح🔥
قال يعنى م عاوزة توري وشك السمح دة لى راجلك؟
راجلى ؟ وااى حنجلط😪♥️” أنها البورة ي سادة 😂💔”
رفع راسي وضمانى عليو قال لى مبروووك على وي بختى بيكى ي ست البنات لحدهن عارفة انا مبسوط وفي النفس الحظة محظوظ بيكى قدر شنو ؟ يخ ربنا يقدرنى واسعدك م حقول ليكى حياتنا حتكون خالية من المشاكل بس اوعدك في يوم م اخليكى تنومى زعلانة منى ف مبروك لى بيكى ي ستى♥️♥️♥️
طلعو للكوافير امل وصحباتا كلهم ساعة الميكب ارتست بتظبط امل ابراهيم يشيل ويتصل كل بعد خمسة دقائق لمن زهجت منو ابرار ردت ليو وقالت هوى ي العريس الشفقان ساعات ومرتك حتكون معاك اصبر شوية 😂 وبعدين عملتو لى جفاف عاطفى ي انتو م ممكن معاكم 😪😪
جابو المراية بعد خلصت ميكب ولبس الابيض ” الزفاف ”
بي الجد اى بت بتحب تلبس الزفاف الابيض ي رب م تحرم ااى شابة من اللحظات دى قولو امين ي بايرين🙂🔪
المهم شافت روحها في المرايا وكانت اية من الجمال ♥️♥️♥️
تيت تيت تيت تيت تيت العرس وصل ي جماعة صوت البورى وصفارات الشباب 🩵🩵🩵
ابشر ي عريس مبروك ليكم وتتهنو ي رب اتفضل لى مرتك جوا دى الميكب ارتست
ابراهيم دخل وامل اتهابلت م خلتو يشوفها في الاول يجى يمين هى تمشى شمال والعكس 😂 في النهاية ثلبتها ورفع الغطاء عن وشها
اول حاجة قال ليها كدة م ينفع رايك شنو نخلى ليهم الحفلة ونفضل مع بعض
امل : 😂😂
ابراهيم: أنا جادى وبعدين بتقتلينى بي ضحكتك دى
امل : يخ خلاص 😂♥️
تعالى تعالى وبدأ يحصن فيها
باسها على جبينها وقال ليها انتى نعمة ممنوعة من الذوال صدقينى أنا م لقيتك بي الساهل عشان اذعلك أو أفرط فيكى بس ربنا يهنينا مع بعض وباذن المولى حسعدك ♥️♥️
يلا ي عريس كملو رومانسية بعدين ماشين نغنج بي الحفلة ورح مشوونا 😂♥️
دى زينو طبعا 🔪😂
بعد تشغيلات مرقو والكوافيرة اخدت ليهم كم صورة مع بعض وصلو الصالة دخلو ب ” بقينا اتنين ” و ” قولو ماشاء الله”
قعدو في الكراسي المخصصة ليها وامل دى ميتة خجل ابراهيم ماسك يدها ورافض يفكها نهائى قدر ك تلكزو وتقول بيو الناس يقول ليها م عندى شغلة بيهم مرتى وانا حر 😂
رقصو شوية وهججو
# الجرتق من تفاصيل العرس البحبها حبوبة جرتقتهم وعملو كل المراسم ♥️
# لحظة الوداع وفراق البت لى أهلها من اللحظات المابحبها☹️ امل وامها ديل بكو قدرتهم والعريس كان واقف مع الأب وعلى م اعتقد كان بوصيو وكدة ابراهيم طمنو وقال ليو والله اختها في عيونى وحعاملها أميرة وادلعها ذيك واكتر كمان
الاب ربت على كتفو وقال لى على ثقة ي ولدى ♥️♥️
العريس انتبة لى عروسو ومشا هداها شوية وسلم على الأم وركبوا العربية الطريق كلو كان بقول ليها كلام حلو ويتغزل فيها عشان يضحكا ويقول ليها كل م تشتاقى لي امك حتمشى ليها حاضر ♥️
المهم عاشوو في استكانة وامل مغمورة بي حب ابراهيم لى يومنا هذا ♥️♥️
# نرجع …
وتين : كدة ي ماما الدصة انتهت ” القصة ”
امل : اااى ي روح ماما انتهت
وتين : اااااة حبيت وبقت تصفق بحبك ي بابا بحبك ي ماما ♥️♥️
ابراهيم: ونحن بنحبك ي قلب ماما وبابا
امل : إلى النهاية ؟
ابراهيم: وما بعدها
♥️♥️♥️
يلا الختام بعد كدة شباب ودعواتكم لى الجوووز ديل ♥️♥️♥️
ابقوا عافية🩵
ألـنـهـــــــأيــــــــــــة ♥️ THE End
