الأحب لقلبي (5)
بقلم أمل محمد
#الأحب – لقلبي 《5》
#بقلم أمل محمد
امل مبسووطة ي ناس بي حب ابراهيم وانو اعترف بي حبو ودة كان من اجمل م سمعت امل🐤♥️واليوم كلو مسكينة تتبسم زى الهبلة🙆🏻♀️
‘ دة الحب ي جماعة تلقائيا كدة بتحس نفسك محظووظ بي شخصك المفضل فجاءة بنحس بي فرحة م عادية والدنيا دى م واسعانا الحب اهتمام الحب ثقة الحب تفاهم بين الطرفين الحب انت تعصب أنا أرخى الحب فرحة ف ماتبخل بي فرحة محبوبتك💞’
ابرار: الشاغل بالك يتهنى بيو
امل : ابراهيم طبعا
ابرار: شنو 🌚
امل : حبيت ي بتى أنا حبيت
ابرار: وقعتى وم اتسميتى😂
امل : احلى وقعة ي ناس والله احلى وقعة
ابرار: لا دقيقة كيف يعنى ي أمل حبيتو ؟
امل : ووين المشكلة ؟
ابرار: قصدى انو اولا حاجة اتعرفتو عن طريق الميديا صح ؟
امل: يب 🐤
ابرار: طيب م حصل شفتى ولا حصل شافك دة اول شى انتى بتحبي زول م شفتى في حياتك كيف ي هبلة
امل : ي بت قالو الحب اعمى وبعدين أنا لو شفتو أو لا والله م بهمنى لأن أنا حبيتو بي قلبي قبل م اشوفو والشكل دة م مهم وربنا سبحانه وتعالى خلقنا في احسن صوره♥️
ابرار: اوكى بس كيف وثقتى في زول كدة م قادرة افهم بعدين حب الميديا دة أنا م بصدقو نهائى كلو طلس ي زولتى كلو طلس هو بقضى بيكى زمن بس
امل : أنا معاكى في حتة انو ممكن يكون بكزب على أو يمكن م صادق في كلامو وبعدين ي ابرار اصابع اليد دى م واحد صح يعنى م كل الشباب واحد أنا حسيت بيو صادق وم بكزب
ابرار: اووكى بس حاولى خلى مساحة بتاعت خزلان أو يسيبك
امل : 😴💔اوكى
كلام ابرار اثر فى امل والليل كلو بتفكر إذا العلاقة دى صحيحة وتانى بتقول اصلا العلاقات حرام هو لو بي الجد شارينى يجى بي الباب وتانى بتقول واى نحن اسي اتعرفتا كدى أدى لى علاقتنا دى فرصة يمكن تمشى لى قدام ويكون جادى
” وانا رأى انو م كل الشباب واحد وحب الميديا ممكن يكون حقيقى وممكن يكون بكزب عليكى ف انتى ادي لى نفسك مساحة كدة وم تنهكى كل مشاعرك ”
وجدان : اموول
امل: عيوونا ♥️
وجدان: عندى ليكى اخبار ظابطة
امل : محتاجة يخ بشرى
وجدان : ابوكى وافق وحنسافر بكرة للجزيرة 💚
امل : احلى خبر ي غلا🖤
اخيرا يخ
المهم بدو يرتبو ملابسهم اصلا م حيقعدو كتير امل مشت لى ابرار وقالت ليها مسافرين بكرة ابرار قالت ي ريت لو بقدر اسافر معاكم يخ 😔💔
اصبح الصباح واتجهو للجزيرة الحب كلو💚
امل اصلا من بدرى بتحب الجزيرة واهلها ف كان بتتمنى تزور البلد دى قريب اخدو زمن حتن وصلو
نزلو ولقو حسام ( ولد خالت امل )
منتظرهم ومعاو عربيتو المهم سلمو على بعض بي شووق وصلو البيت ونفس الحكاية خالتها منتظراهم في الباب 💞
في المسافة دى تعالو اعرفكم على خالت امل والاولاد 🐤
فاطمة خالتا💞ام لى ٤ اولاد زولة حنوونة كدة لمن غلط بتحب الناس عامتآ كدة وم بتفرز بين دة ودة دغرية في كلاما وم بتحب المجاملات بتريد امل دى ريدة م عادية ♥️
حاتم الولد الكبير ثلاثينى كدة 💞اتخرج من هندسة وشاغال في الخرطوم خاطب بت عمتو اسيل زول عصبي شديد بس حنون♥️
حسين الولد التانى عمرو ٢٨ سنة ودة عبارة عن نكتة بس يخ دمو خفيف خفيف خالتو فاطمه دى عندو الكل في الكل ودائما ساعى لى رضاها ♥️ طبعا دة عاطل ساى 😂طلع من المدرسة ومشى ورا الزراعة بس نفعت معاو ودة قريب لى امل من بين اخوانو هو وحسام
حسام الولد التالت عمرو ٢٤ حاليا بقرا لغات ودة برضو قريب من امل زول بارد جدآ وهظارو كتير بس وقت الجد جد وم بيرضى في بنات اهلو نهائي عادى ممكن يتهور 😁وطبعا حسام دة كتاب مفتوح يعنى انت بتقدر تقراو وتفهمو عكس حاتم قريب من امو جدآ 💜
اخر العنقود حمزة ممتحن شهادة سودانية السنة دى ” تحية للمنتحرين السنة وم معروف إذا حيقرو ويمتحنو مع الجوطة دى😴 💔”
ودة نفس دقة حسين زول هظار وضحك وحسين دة قدتو يعنى شوية كدة وحيطلع من المدرسة ويبارى الزراعة😂♥️
حسام : والله ي بت الخالة منورة الليلة انتى وخالتى
أمل: بي وجودكم ي الغالى …وين البقية م شايفاهم
حسام : حاتم في الخرطووم بس تقريبا بكرة بيرحع وحمزة مع اصحابو اما حسين ف معروف وين 😂
امل : مع البقر وفى الزراعة صح😂💔
حسين : توووووووش طبعا جاا داخل بي حركة كدة زى بتاعت الافلام نظام حاجة واو كدة جاارى ي خوانا وبوووو ازحلق في الأرض و وقع😂
امل : 😂😂😂😂😂😂😂😂😂😂😂😂😂
حسام : اها شرف السيد وفضحنا😂😂😂💔
حسين : ااى اتعرصو فينى كويس نان دة الفالحين فيو 🦦
امل : اقسم بالله انت عسل 😂💔الاخبار شنو
حسين : بت الخالة الجافتنا😢لاكن مشتاق ليكى 💜
امل : كتير ي قلبو🐤♥️
# من أنت ؟ أريد جواباً فلسفيآ وليس اسمك🐤🖤
ردو على سوالى في الكومنتات🐤♥️+ الكتكوت دة 🐤م ظابط بلاى ؟😂💜
اليوم التانى صحيت زى الساعة 9 شربت الشاى وخالتو قالت لى اليوم حاتم بيصل اتونست معاها زين وهى وامى بدو في موضوع الفطور وكدة قوتة احسن بدل اقعد خملة ساى أخير اضاير البيت المهم نضفت وخالتى تشيل وتقول لى تعبناكى معانا انتى متين جيتى اصلا وحسين الرمة شاغال يقول هى من متين مرتاحة تنزل شغل طوالى وخالتى دى تحدر ليو بس وقال اصلا امول دى بقرة ” سمينة🥲” ف الاحسن نكسب فيها اجر وتبقى زى البنيات قوتة ليو في زمتك أنا سمينة قال لى بلحيل🐤😂
حسين : سجمانة
امل : عيونا
حسين : رايك شنو نمشى الترعة العصر؟
امل : اصلا دة الفالح ليو بدل م تقول لى اعزمك عشاء أو افسحك 🌚
حسين : الحسنة في الملعون م بتنفع اصلا انتى همك كلو بطنك😂
امل : 😂💔فكرة سمحة والله ومنو اشوف الزراعة الفاشلة تبعك
حسين : حبهرك 😌 يخ م نافع في المدرسة معقول م أبدع في شغلى نان بالغتى 🥲
امل : المشكلة انك معترف بي فشلك ي ظريف
أها تانى حتودينى وين
حسين : في جنينة كدة قريبة لو الوقت م انتهى طوالى نمشى
امل : حسون أنا بحبك🥹
حسين : لا تحبيبي لا احبك م بدور بت حنكووشة اليوم كلو ياى البعوض وااى السخانة وااف من عدم الشبكة 😒
امل : 😂😂😂😂😂😂
حسين : تضحكى ؟ بلا سنون شاحد الله وقال شنو م بعيدة تقولى لى يي دة شنو أنا م باكل العصيدة وبتحسس من الويكة وب حسون الا بيتزا أو فطائر فاضى ليكى أنا 😌؟ وبعدين المريودة قاعدة اوديكى وين انتى
امل 😂😂😂😂😂😂😂💔 والله م قادرة عليك أنا متين بتكلم كدة وي بشاعة صوتى لو بتكلم زى م بتقلدنى حالياً وبعيداً عن ااى حاجة قوتة لى مريودة ؟ متين كبرنا ي ود امبارح لمن تعشق وتتمعشق😂
حسين : ي زولة ماشايفة الدقن ولا الشنب دة افوو😶
امل : 😂😂😂😂😂حسين قوم لف
حسين : مع السلامة خلاص😂💔وخليكى جاهزة العصر غايتو لحدى م تخلص الجلبيط البتعملو في وشكم دة ساعة ساعتين
امل : هى انا م بجلبط بعدين كلو روج وايلاينر
على كدة حسين مشا شغلو وحسام لسة نايم وحمزة المسكين في المدرسة
خ فاطمة: اموول تعالى افطرى
امل : خالتو أنا اسي شربت الشاى فطور شنو
وجدان : أنا م قوتة ليكى م بتفطر اسي
خ فاطمة: نان شباب الزمن ديل 😂م مشكلة نفطر بعدين
امل : حاتم م قرب ؟
خ فاطمة: ااى قرب كمان ساعة أو ساعتين كدة ويصل
امل : اوكى 🖤
خ فاطمة: الله عالم ي بتى أنا كنت بدورك لى حاتم ولدى
امل : 😳😳
خ فاطمة: م تطيرى لى عويناتك ديل😒اسالى امك دى أنا من بدرى شارياكى لى ولدى
وجدان : عاد جننتنى بيكى كل مرة تفتح الموضوع بس مافى قسمة 😂
خ فاطمة: والعجب أنا عشمت ولدى سااى بت خالتك ولا خالتك بس فجاءة اسيل كانت قسمتو وظهرت
امل : 🙂🙂
وجدان: دى مالا اتصمغت😂💔
خ فاطمة: برى م خابرة 😂💔
امل : غايتو انتو 😂💔زى م حسين فردتى حاتم دة اخوى يخ عرس شنو وتانى شنو بالغو ي حريم🙂
خ فاطمة: م مشكلة حسين قاعد بنديكى ليو
امل : 😂💔م قادرة اليوم كلو حيضحكنى خلاص موافقة 😌🖤
خ فاطمة: نقول مبروك
وجدان : سجمك فاطمة دى بتصدق هظارك دة وطوالى بتفتح الموضوع
خ فاطمة: 😂😂😂اكيد
امل : هوووى بهظر أنا 😂
زى الساعة ١ حاتم وصل وامو استقبلتو بي دموع فرح وكانت مبسوطة بي جيتو لأن المرة دى طول شوية وسلم على خالتو وبت خالتو بي حب ورحبهم وكان مبسوط بي جيتهم..
بعد ارتاح جاب لى كل زول هديتو♥️وفضل بتونس معاهم عن البلد وم البلد 💔
حسين اتصل لى امل تلفونا مقفول
وصل البيت ولقاها جاهزة منتظراو في الصالون🙂😂
حسين : بسم الله سلام قولا من رب رحيم
امل : عفوا ؟ شفت شيطان ولا حاجة لا سمح الله؟
حسين : انتى براكى م شيطان 🙂
امل : انقلع وخلينا نطير
حسين : تطيرى م تركى
امل: ارك في بيتك ي قساى🙂
حسين : انقلعى طيب😂💔مسافة اسلم على الاخو الشرف دة واجيكى
امل : قدام
حسين سلم على اخو وحاتم طلع للصالة شاف امل لابسة فستان بسيط لاكن جميل قال ليهم ماشين وين ي حوامين
حسين : يخ شفت البت دى من جات م خلتنى اتهنى وارتاح قالت لى الا تودينى الترعة أو الجناين
امل : اللهم اغفر لة كزبتة🤲🏻
حاتم : ااى أنا بعرفو الزول دة بحب الطلس زى عيونو👊🏻😂
حسين : والله خفت منك تقول لى م تطلعو ي بيبي 😶
حاتم : انطم ي ود🙂
حسين : حاضر ي بيبي😂
حاتم : م حتتلمى يعنى صح
حسين: ابدا والله اتلميت😂💔
امل : مشينا ؟
حسين : ورح💞
حاتم : اوكى بس م تتاخرو ي شباب قبل المغرب بلاى 🙂
امل : عفواً؟
حسين : قال لى امل براحة هس🏃🏻♂️ وقال لى حاتم حاضر م بنتاخر
وعلى كدة طلعو
امل : وين العربية
حسين : 😂😂عربية ي بعيدة تمشى بي كرعيناتك ديل
امل : 😂إمرة لله طيب
حسين : أصلا م بعيد شديد
امل : ورح♥️
” مع العلم انو امل وحسين فرد من زمان يعنى واصحاب لى درجة بعيدة ♥️”
امل : انت عارف ي حسين مع انو م عندى اخوان لاكن انتو اخوانى واكتر والله جد كدة بعزكم ي أغلى ناس
حسين : اصلا حاسبة نفسك منو ؟ م اختى انتى ونحن اصلا م عندنا ب
نات ف انتى اختنا ودلعوتنا ي السمحة ربي يديمك لينا🐤♥️
امل : الود بقا عميق ي ناس 🥹💞
حسين : م بتستاهلى يلا 😒
# الإخوة غيووم نستظل بها …ف اللهم اخوتى حتى عتبات الجنة
