الأحب لقلبي (4)
بقلم أمل محمد
#الأحب – لقلبي 《4》
#بقلم أمل محمد
ابراهيم: امل عاوز اسمع صوتك ،،اقصد نتكلم
امل: لا م ينفع
ابراهيم: لى بس ؟ ممكن اعرف م حصل رسلتى لى ريكورد بي الغلط ساى
امل : ابراهيم لا أنا م بقدر اتكلم معاك لا ومكالمة كمان …صعبة والله
ابراهيم: فضل يتكلم ويتكلم وقال ليها نحن لينا فترة من اتعرفتا ….في النهاية امل رضت تتكلم معاو لى مدة دقيقتين🌚🖤
” اى عارفة هبلة 🥱😂”
# عاشق التمرد 🖤✨يتصل بك
قطع الاتصال وم رديت …يمكن هبالة منى يمكن خوف يمكن توتر ويمكن كنت بعيدة ويمكن ويمكن ويمكن ختو احتمالات كتيرة 🥱💔
ولسة فاتحة الشبكة رسل لى
ابراهيم: امل في جرس لى م بتردى
امل : …….
ابراهيم: ي بت ؟
امل : اوكى اتصل طيب
ابراهيم: تمام
المرة دى اتصل وانا رديت وبرجف😂💔
ابراهيم: الووو
امل : هلا
ابراهيم :……
امل: …….
‘ كنا معاقين والله😂💔’
ابراهيم: امل
امل : نعمين
ابراهيم: كيفك
امل : الحمد لله عال العال انت كيف عامل
ابراهيم: الحمد لله بسط
امل : ديمة ي رب
ابراهيم: يدووم عزك
امل : جمعا ي رب
ابراهيم :……
امل : على فكرة مرت دقيقة 🌚
ابراهيم: 😂بايخة خلاص
امل : ادرى والله🔪
ابراهيم: عاوز اقول ليكى
امل : سووورى الدقيقتين انتهو
ابراهيم: خلاص مرة تانية
امل : م اظن في مرة تانية بس نقول إن شاء الله
ابراهيم: اااى م تتكلمى سااى انتى
امل: حاضر 😂
ابراهيم: يلا جااااو
وعلى كدة انقطع الاتصال 🥵💔
امل بينها وبين نفسها بتتكلم
ختيت يدى في قلبي ….وااى ي اللة من رهابة صوتو ي اللة من كلامو ي اللة من ظرافتو لا أنا انبراشتة حرفيآ كدة ولي الجد صوتو بيستاهل الانبراااش 🤤♥️
” ي بت الناس خليكى ثابتة شوى 🌚😂”
فتحت البيانات ولقيت ابراهيم مرسل لى
ابراهيم: دقيقتين لاكن احلى دقيقتين في حياتى
امل : بكااااش🌚😂
إبراهيم: ابدا والله
امل : اممممم🥱
ابراهيم: عاوز اقول حاجة
امل : اتفضل
ابراهيم: والله ي امل صوتك حلو😔♥️
امل : 😂😂م تضحكنى بلاى
ابراهيم: أنا جادى على فكرة
امل : صوتى حلو وانا نهائى م بتجى 😂💔
ابراهيم: حلو في نظرى حلو وفي نظر الكل حلو ♥️لا اقصد نظرى أنا
امل : …اها الجديد شنو🌚😂
ابراهيم: 😂😂اهو سماع صوتك بس
ابرار : احم احم الواحد يجى يلقاكى ماسكة التلفون لا وبتبتسمى كمان كدة كتير 🌚
امل : ابرار جن😂♥️اشتقنا
ابرار : لا أشك في انك بتعرفى شخصية اسمها ابرار
امل : معقولة ي صحبتي
ابرار: معقولة ونص وخمسة ….دة المنو البخليكى تضحكى زى المجنونة ؟
امل : تعالى نديكى الزيت تعالى 😂🖤
ابرار : ي اللة شمااار ؟
امل : يب
ابرار : أرح أرح 🥵
امل : شفقااانة😂🔪…..المهم ي ستى اتعرفت على ناس زى م عارفة من القروب ومن بينهم عاشق التمرد
ابرار : واو الاسم في قلبي
امل : ي بت احترمى نفسك 😒🔪
ابرار : لا بقينا نغير🤦🏻♀️🤣🤣🤣 أنة الحب ي ساادة
امل : ي بت غيرة شنو هو صحبي عرفتى يعنى اخووى
ابرار : خوخة قدر الدلوكة دة م على ي بتى أنا البعرفك اوكى 🥱🔪
امل : المهم كنت بتكلم معاو ونسة وكدة الليلة اتكلمت معاو مكالمة
ابرار : وااى براحة على ونسة مع ولد ومكالمة كمان ؟ بتكزبي على انتى صح 🙂
امل : أبدآ والله لمن يتصل لى تانى حخليكى تتكلمى معاو عشان تتأكدى 🌚هوووى لاكن أنا قوتة تانى مافى مكالمة 😂
ابرار: اتراجعتى سريع شايفاكى 😂
امل : يخ انتى م شفتى هيبة صوتو الموزون ♥️
ابرار : يحلنى الحلال منك الليلة لى الصباح حتقدينى بي زولك دة 🙂
امل : وانتى لاقيانى وين يختى💅🏻
ابرار : اها وتانى
امل : أنا جعانة يخ 🙂
ابرار : تاكلى السم اليوووم كلو جعانة دى شنو دى يخ
امل : فطوركم بي شنو
ابرار : منو قال عندنا فطور م عندنا اكل اقتصادنا انتهى بي سببك😒
امل ولا كضبت لفحت توبا ومشت بيت ناس ابرار وخلت ابرار تضحك قدرتا بي الحركة العملتا😂♥️
” يخ أنا بحب التعامل الزى دة بين الاصحاب 😔♥️لى صاحب من غيرة يغنينى إن ضاقت الدنيا اراة يمينى😔♥️ ”
الحمد لله مشيت طقيت تمام في بيت ناس ابرار اقصد امى جواهر ‘ ام ابرار ‘
وهى الفصعوونة لحقتنى واكلت معاى كمان 😂🖤
اتونست مع امى جواهر وابرار وبعدو رجعت البيت
وجدان : بتى المابشوفا كتير
امل : هلا هلا 😂
وجدان : ي التلفون ي ابرار وانا مافى لى زمن صح
امل : معقولة ي ست الكل يخ♥️
وجدان : 😂😂
امل : اها م قوتى لى ابوى بي موضوع الجزيرة
وجدان : اااى كلمتو بس قال احسن نمشى بعد الخريف
امل: ااى كدة احسن زاتو ..
وجدان : نطلع الليلة؟
امل : اتحمست ااى نطلع
وجدان : بس وين
امل : الترعة🌚
وجدان : في عينك أنا اقول ليكى نطلع معناها نمشى مطعم او منتزة أو نرفة في ماركت أو السوق تقول لى ترعة …الأولاد خلو الترعة انتى ماشة لى😂👊🏻
امل : ماما يخ اصلا الترعة بتكون ظابطة في الخريف أنا وابرار وانتى نمشى العصر ومعانا امى جواهر
وجدان : برى أنا و جواهر بنقع ساى والله امشو انتو
امل : عجزتو خلاص 😂
وجدان : لا يخ لسة شباب 💅🏻
امل : خلاص باليل نمشى مطعم ظابط
وجدان : من عينيا ي عينيا
امل : يخلى لى عيوووونك السمحات ديل ♥️
وجدان : ويخلى لى بتى السمحة
امل قالت افتح الواتس وتدردش مع صحباتا تانى قالت لا تقرا رواية افضل
قرت رواية شرق 8 و أنت لى و سنموت معآ😔وطموووحى 🤤♥️ ….اااى في وقت واحد اصلا عدم الموضوع بيعمل اكتر من كدة 🙂😂
” الروايات ديل من اجمل م قرأت🤤”
هى تعالو نختم البارت يخ🥱
# ي خالق الروووح هب لروحها راحة لا تنقطع ♥️
قبل م نبدا البارت خلونى اسالكم..هل بتامنو بى حب الميديا ؟ يكون عن طريق الميديا يعنى م شفتى ولا شافك ؟ ‘ حشوف ردكم في الكومنتات😴 ‘
شذ
امل بتحكى 🖤
الليلة من الصباح قاطعة موضوع وابرار طافشة عند أهل ابوها حرفيا كدة أنا بدون نكد الزفتة دى م بقدر 😭
اعمل شنو يخ افتح التلفون ؟ لا أنا زهجتة😴اممم لاكن افضل افتح الواتس ♥️
بعد دردشت جاتنى مكالمة من سجم السجم زى م بحب اقول ليو
المهم رديت واتونست عادى ف بعد مسافة ابراهيم قال لى
ابراهيم: امل عاوز اقول ليكى حاجة بس م تفهمينى غلط
امل : اتفضل يخ
ابراهيم: أنا بحبك
امل : 😶😲
ابراهيم: ي بت
امل : ….
ابراهيم: امل انتى معاى ؟
امل : ….( البت في حالة صدمة كفتوها😂💔)
ابراهيم: يخ م تسكتى طيب قولى أى حاجة أنا عارف انو الموضوع فجاءة وكدة بس والله م بحبك من الليلة ولا من امبارح
انا حبيتك من ونستنا فى القروب وبغير لمن تردى لى زول غيرى في الشات أنا م عارف كيف متين بس والله انا بحبك ي امل ممكن تسمعينى صوتك وم تفضلى ساكتة كدة ؟
امل : ابراهيم م عارفة اقول ليك شنو لكن ااا ااا
تعالو اوريكم سر ✨اصلا امل بدت تعجب بي ابراهيم وبدت تحبو
ف الحصل انو امل وإبراهيم ارتبطو …اااى ارتبطو 😂♥️
مرت الايام وحبهم كل مرة يزيد
غايز أنا الفترة دى فاقدة شغف كتابة والله ف ادعو لى النفسيات دى تروح منى يخ واقدر اكتب ليكم
لان البارت دة حرفيآ كدة بسيط وانا عارفة أن شاء الله بعزكم في ال 9 اعفو لى يخ وم تنسو تدسونى في دعواتكم في الأيام المباركة دى ويوم التروية 😔
# أحبك ….لانى منذ عثرت عليك وانت تحول كل جزء من حولى لى شئ ذا معنى …..
إبراهيم♥️♥️♥️
ـــــــــــــــــــــــــــــــــــــــــــــــــــــــــــ
