رواية سوداريلا (6)
بقلم رؤي حسن علي
#سوداريلا 《6》
#بقلم_رؤي_حسن_علي
انا : اها وقال ليك شنو ؟
عمر : والله ياسندس قلبي ،،، اتكلمتا معاهو كتييير ووصلني بأشرف والمهم ما داير اتعب تفكيرك !!! بس انا حسين ما بخليهو ،،، والحيوانه دي ما شبهنا ماعندي بيها شغلة !!!
انا : ياعمر جد انا زهجااانه شدييييييد يااااخ ،،، معليش للعملتو ده ؟
عمر : حبيبتي انا والله العظيم انا مبسوووووووط وجد حسيت احساس حللللووووووو مرتي وحبيبتي وبتغير علي ،،،، ودايرة تحافظي علي عشنا الصغير … الله ما يحرمني منك !
انا : اللهم اميييييييين يارب العالمين 😍😍😍 … تسلم لي ،،،
عمر : حبيبتي انا هسي عندي مشوار معا الحاج ده بمشي وبجي طيب ياعسل !
انا : مامشكلة ،،، بس خلي بالك من نفسك !!!
عمر : حااااااضر ياروحي ،،،،
وقفلنا الخط ،،،،
مشيت لي ملك ،لقيتا بتتكلم بالتلفون 😒 ،،، امي ماسكه تلفون خالتي سميرة وبتتكلم معا خالتي ام حسين ! وشغاله تكووووورك امي وتقول ليها ،،،، انتي اختي علي شنو ؟ اصلو ماعندك قناعه انو في قسمة وفي نصيب ،،، وشكلة وخالتي سميرة تقول ليها ،،، اقفلي الخط في وشها المجنونه دي ! وانا خلااااااص اتضايقتا ضيق ،،، وبيني وبين نفسي ، امي دي كان عرفت العملو حسين تعمل شنو طيب !!! …. بعد امي قفلت الخط نفسها قام وتعبت شديد ،،، الا وديناها المستوصف كلنا ،،، ادوها اكسجين ! يحليلا حننتني 😰 ،،،، جينا راجعين ،،، نومنا امي ،،، طوالي قلتا لي خالتي سميرة ،،،، ياخي خالتي دي تاني ما تتكلموا معاها بس ،،، جات العرس جات ما جات عليكم الله ما تحرقوا دمكم ! …. قالت لي خلاص تمام ! ….
يلا وقت النوم ،، جاتني ملك عشان ترقد معاي في الحوش ؛؛؛؛ طوالي قالت لي : يا سندس انا خايفه اوافق علي مصعب ، واندم بعدين !
انا : يابت انتي غبية ؟
ملك : ماغبية بس انتي اذا كنتي في مكاني كنتي حتعملي شنو ؟
انا : كنتا حاواجهو باي شي في قلبي ، حتي عدم ثقتي فيهوئ حاوريهو بيها ،،، عشان الناس تكون علي بينة يا ملك فهمتي !!!!
ملك : ياخي الحاجه دي صعبة وانتي قلبك قوي !
انا : الحاجه دي لا صعبة ولا دايرة قوة قلب ،،،، دي دايرة ليها انك تتعاملي بطبيعتك وصراحتك معا الزول الحتختاريهو شريك حياتك ، ليس الا !
ملك : كويس يا ليس الا انتي !!! يلا النوم !! وللا منتظرة عمر !
انا : بري حانوم طالع ليهو مشوار الله عالم يرجع منو متين !
ملك : خلاص تمام ؛ يلا تصبحي علي الف خير …
انا : وانتي من اهل الخير حبيبتي
تاني يوم صحيت بي تلفون عمر ،،،
عمر : الو صحي النوم ياعروس ؛؛؛
انا : فجاة !!!
عمر : افاجئك بالسمح !!!
انا : ياااارب دايمااااا ،،،
عمر : عايني احول ليك قروش في تلفونك للشيلة عشان تبدي تجيبيها ؟ وللا تنتظري بكرة خالتي جاية ؟
انا :، والله علي حسب كم القروش !
عمر :مرسل ليكي ١٠ الف واذا نقص اي شي ،،، بس وريني حبيبتي تمام !!!
انا : تمااااام ،،، خلاص حبيبي بنتظر خالتك احسن !
عمر :، خلاص تمام ، يلا قومي صلي ،،،ونتفاهم بعدين تمام ؟
انا : اةوووووووكي يلا سلام …
قفلتا الخط ، وصحيت ملك مشينا صلينا ودخلنا علي المطبخ عملنا الشاي ،،،ملك قالت لي الليله عندي جامعه حامشي بدري ،،، قلتا ليها تمااااام !!! …
بعد شربنا الشاي امي مرقت دايرة تجيب حاجات ! وقدمت ملك ،،، وانا مشيت لي خالتي سميرة انضف معاها ،،، واتونسنااااا،،،
انا : خالتو يا خالتو !!!
خ سميرة : حبيبة خالتو !!!
انا : اها جهزتي توب العرس وللا لا !
خ سميرة : كان ماجاهز جاهز ان شاء الله !!
انا : ههههه تمام !!!
خ سميرة : طبعا ما كلمتك ياسندس !
انا : اها سامعاكي !!!
خ سميرة : طبعا اتصلتا علي حسين !
انا :، سجمي 😳 ،،، قلتي ليهو شنو ؟؟؟
خ سميرة : قبل اقول ليكي ،، عاوذة اوريكي معلومة !
انا : اها !!!
خ سميرة :، عمر ده بهابني ،،، بخاااااااف مني من هو صغير ؟؟!
انا : الليله وووووب اها اها شوقتيني طبعا 😳
خ سميرة : ضربتا ليهو ورددا لي :
(حسين : اوووووو احلي خالة ؛؛ والله تلفوني منوووور،،ولندن مبسوطه بي صوتك !
خ سميرة : حسين ،،، لا اله الا الله !
حسين : محمدا رسول الله !
خ سميرة : شوف انتي ولد اختي ،،، وفي مقام ولدي ،،، بس عمري ما كنتا اتصور انك ممكن تعمل في سندس لحمك ودمك كده !!!!!
حسين : ش شن شنو يا خالتي :: انا بس لكن ،،،قصدك شنو!؟
خ سميرة : انتا عاااااارف شنو ،،، الفيديو والبت البترسل لي سندس ،،، وبتبتز راجلا !! … معليش يعني دي اخلاقك يا حسين ،،، كان دي اخلاقك وبتعمل كده معا لحمك ودمك ،،، ياربي تعدم المامن لحمك ودمك عشان ما تطعنهم في الضهر ،،، وخجلتنب ووالله جد خجلانه لييييك اخووووووو،،،، اهل الياباني والتاباني ،،، تانب مابثق فيك ياحسين مهما كان ،،، يعني نلاقيها من امك ولاا منك ،،، غايتو بس حسبي الله ونعم الوكيل !
حسين : ياخالتي بتبالغي حسبي الله ونعم الوكيل دي كبيره ياخي وكده دمرتيني ،،، كدي اسمعيني !
خ سميرة : شنو ،غايتو سبحان الله طيب كان قلتا ليك حسبي الله ونعم الوكيل فيك حيحصل ليك شنو !!!! انتي تأذي في الناس وما داير تضوق طعم الشي الحار ،،،، حسين معا السلامه ،،، وغايتو كان نيتك سوداء الله يسودا عليك وين ماتقبل ،،، وكان فيك حبيبة خير وحقانية الله يتوب ويرضي عليك ويفتحا عليك بعد يهديك وتصلح اغلاطك ،،،،،
وانا ماعافيه ليك ،،، والسلام عليكم ) ..
خ سميرة ،: ده الحصل ياسندس بعد قفلتا الخط !
سندس : واااااي ياخالتو 😰 ده كلللو حصل من وراي …. ما كلمتيني ليه ومتين كان ؟؟؟
خ سميرة : امس بالليل !
انا :،ماعارفه اقول ليكي شنو بس ! غير الله يخليكي لينا ومايحرمنا منك يا حبيبتنا ياعمود بيتنا 😘 والله جد عمود بيتنا ❤
خ سميرة : حبيبتي انا ،،،وربنا يحفظكم لي ،،، بس امي ما تعرف شي ،،، خليها في المغسة العايشة فيها دي !!! الحمد لله …
انا : ونعم بالله …
بعداك اتونسنا انا وهي شوية ووريتها اني حابدا الشيلة وبعداك مشينا نحضر حاجات الفطور ،،،،
البتفقدو ،،عز جوطتك بتتفاجأ انو قاعد ❤
بعد ما جهزنا الفطور امي كان جات ،،،، فطرنا ولملمنا حاجاتنا وواصلتا برنامج حبستي دخان واكل وشراب ،،، وبتونس اليوم كللو معا راجلي بالواتساب والتلفون ,,, بالعصر كده جات ملك ،، استحمت ومشت اتغدت وجاتني في الغرفة ؛؛؛؛
ملك : عروستنا اززززيك مشتاقييييين ،،،
انا : بالاكتر يا حلوة ،،، اها الجامعه كيف ؟؟؟
ملك : تمام ،، بس قبيل زهجتا شدييييد !
انا : ليييه في شنو بسم الله !!!
ملك : اتصل علي مصعب قال حيجو بعد بكرة ،،، وانا صراحه اتعودتا عليكم وما دايرة ارجع لا لي بيتنا لا بيت ناس مصعب ،!!
انا :، هههههه يحليلك حبيبتي ،،،، عارفاكي بس اهو نحنا قريبين ،،، تعالي لي كل يوم طيب ،،،
ملك : اصلا بدون ماتقولي لي ؛؛؛
انا : اسمعيني بكرة برنامجك شنو !!!،
ملك : عندي اوف !
انا : حلوووووو،،، عشان تمشي معاي نجيب حاجات الشيلة !
ملك :، عاوذة تجيبيهم من وين طيب !
انا :، في واحده بتجيب حاجات من برة السودان امي بتعرفا ،،، حامشي اجيب منها !!!
ملك :، لكن بتكون النوع الببيع بالغالي ،،،!؟؟؟؟
انا : عمر مرسل لي قروش كويسة ،،، وبعدين انا دايرة اعز نفسي 😅
ملك : انتي الاولي 😂 ،،، يعني هسي القروش جاهزة !؟ كان جاهزة بعدين بالمساء بنمشي !
انا : بكرة حتجيبهم خالة عمر طيب !
ملك : اهاااا كان كده تمام ،،، خلاص اسمعيني انا ماشة انوووووم ,,,
انا : طيب …
ملك :، هيي سمسمة جاية متين ،!!؟
انا :، بكرة من الصباح ،،، اتصلت علي قبيل !
ملك :، خلاص تمام !!!
انا :يلا طوالي نومي بكرة راجينا كتير 😍😍😍😍 ….
بعد ملك مشت نامت مشيت لي ناس امي لقبتهم بتكلمو معا خالي محمد ،،،سلمتا عليهو واتوووونستااااا معاهم وفرحتا شدييييييد لمن قال لي انو جاي بعد بكرة !!! ،،،
اليوم داك بالليل كده حسين يشيل ويتصل بي ،،، وانا ابيت ارد نهاااائي ،،،،، وملك تشيل وتسال فيني ده منو ده منو !!!! قلتا ليهو ده حسين وماعاوذة ارد عليهو !!! .. ملك سكتت خلتني ،،، ياخي زهجني قريب ال١٥مكالمة ورا بعض ،،،، وابيت ارد ،،، رسل لي رسالة ،”سندس الله يرضا عليكي ردي لي ” وانا ابييييت كلو كلو ,, بعداك وقف اتصالات !!!! طوالي مسكتا تلفوني واتصلتا علي عمر ؛؛؛؛
عمر : الو ازيك ياحلوة ،،،
انا : اهلين عمورة ؛؛؛؛
عمر : مالك في شنو ؟
انا : حسين ده بتصل علي من قبيل ياخي !!! وزهجني !
عمر : شنو 😡؟!!!
انا : زي ما انتا سامع !!!
عمر : رديتي ليهو يعني ؟! 😡
انا : مارديت ليهو ياعمر !!!!
عمر : كوووويس طيب ،،، اسمعيني ،،، ماتردي عليهو ،،،مهما حصل !!! ويا سندس انا راجلك من هنا ولي قدام وبعد نتزوج وبعد نجيب اطفال ،،، اذا حالة تخسريني ردي عليهو طيب !
انا : ياعمر انتا هسي بتقول الكلام ده لييييه 😡 !!!! انا اذا عاوذة ارد علبهو كنتا رديت عليهو من الاول ،،، بعدين ده ولد خالتي في مقام اخوي ،،، ياما حتجي مواقف ياعمر حيكون هو في اذا مدا يدو يسلم ما ارد ،،، والسلام سنة !! فهمك شنو انتا !!!!
عمر : سندس 😡انتي عاااارفه قصدي شنو بالضبط وانا ما اهبل افتكر في حاجات الزول براعي ليها فهمتي ،،،، بس انا وريتك !!!!
انا : حاضر حبيبي خلاص ما تزهج طيب !
عمر : خلاص يا قلبي مامشكلة انا بتصرف طيب !
انا : طيب.
عمر : اسمعيني ،،، بكرة خالتي بتجيكي من الصباح ،،، لانو حيتحركوا بدري شديد طيب !
انا : طيب ،،،،بس خلي بالك من نفسك !
عمر : خلاص حبيبتي ،،،وماتزعلي مني ،،، انتا عارفه انا بقول كده ليه !!!
انا : عارفه ياروحي ….
عمر : طيب يللا مع السلامه حبيبتي ؛؛؛
انا ؛: الله يسلمك حبيبي !
بعداك طبعا بقيت زهجااااااانه وماعارفه مالي ،،، جاتني ملك ،،،
ملك : باسندس ممكن اقول ليكي حاجه !
انا : اها سامعاكي !
ملك : حسين دا لازم اتأدب عشان جد جد ما منو ثقة ! وعمر بحبك والله .. والحيوان داك داير يخرب عليكي ،،، والناس بفتكروا لمن يفضحو الزول ويكشفوهو معناتا بيوقفوهو عند حدو ،،، بالعكس في ناس بتعفرنو زياده وانا خايفة عليكم ،،، لانو البيقتل مرة بيقتل مرتين وانتي عارف كده كووووويس !!!!
انا : عارفة ياملك !!!
ملك : خلاص طيب ،،، اسمعي كلام راجلك واحزريهو ياخي بس ،،، حيوان خلاص !
انا : طيييييب ياسكرة ،،، اها ما سالتك ! عملتي شنو في موضوع مصعب !
ملك : سندس عليكي الله اقفلي الموضوع !
انا : طيب حبيبتي ،،، بس اوعديني تستخيري وتفكري !
ملك :، ياسندس انا قاعدة افكر واستخير ,, بس جد قلبي بقا مابيهو والله العظيك ما قادرة اتقبلو بعد ده !!!!
انا :، ياستي مامشكلة حصل كل خير حبيبتي ،،،، ربنا يخلف ليكي الاحسن ويرزقك بالانتي تكوني مرتاحه معاهو وهو يكون شاريكي وراجل بحق وحقيقي 😘….
ملك : اللهم امييييين يارب العالمبن ؛؛؛
انا : يلا بعد دا انا ماشه امووووووم جد بكرة الراجينا كتير ،،،،،
ملك : خلاص تمام ,,,,
ونمنا نومة ماحاسين بحاجه ،،،،،،
اخوك عدوك
والبعاديك في لحظة يصونك !!!!
صحيت الصباح بصوت نساوين كتيرررين في البيت ،،، قمتا صحيت ملك ،،، مشينا صلينا الصبح وشربنا الشاي ،،،،والصالون مليان نساوين الحلة كلللللهم ماشاء الله زغاريد وحال 😍😍😍 ،،، جد كنتا مبسوطه ،،، ولحدي ساعه الفطور قاعدين ،،، فطروا وجزء كبير طلع منهم فضل كان زي مرتين وشغعهم ،،، في اللحظه ديكي سمسمة جات ودخلوها الصالون ،،، جااتني ملك تضحك : طبعا ياسندس الخلق القبل شوية الطلعوا ديل كللهم سالو من سمسمة لمن جات داخلة هي منو ! غايتو انا وامك وخالتك اي مرة بنعرفا ،،، ههههه اذا كنا قلنا ليهم البترقص سندس كان اتخموووو ليكي كللهم في الصالون ،،،ههههههه ،،،،، وانا اشيل واضحك ” سجمي سجمي والله ولا كنتا هببتا ليهم شي ،،،، جات خالتي سميرة ” يختي تتفاصحي كده بعدين عاوذة ترقصي براكي يعني في الحوش ما جمب خلق الله ديل كلهم ؛؛؛؛ رديت ليها ” بعدين بكون امام الامر الواقع ياخالتو ،،،، خ سميرة ” الامر الواقع في عينك ياسندس ،،، امشي ارقصي جمب المرتين الجوة ديل واتعودي حبة حبة حتي تعالي اتفاصحي لي
