سوداريلا (4)
بقلم رؤي حسن علي
#سوداريلا 《4》
#بقلم_رؤي_حسن_علي
طوالي حملتا الفيديو وبقيت منتظرة ،،، وعمر طلع من الواتساب كان عندو اجتماع ،،، مشيت جبتا سماعتي عشان امي ماتصحي ،، لمن شلتا التلفون شفتا الفيدو نزل ،،، والصورة الثابته فيهو يد عمر ، 😳 اتخلعتا شدييييد ،،، طلعتا مشيت غرفتي وقفلتا الباب علي ولبستا السماعه ،،، وفتحتا الفيديو 💔 ،،، ياخي لمن شفتو ،، حسيت في زول شال سكين وطعني بيها في قلبي وطلعو لي برا 😭😭💔 ،،، الفيديو مصور كدا ” عمر قاعد جمب بت ويدينو حوالينا ،،، وماسك كاس فيهو زي الويسكي والتانيه سجارة عادية 😳💔 وهو والبت حاضنين بعض ! وهو بسلم عليها وحاجات فظيعه شديد لمن قرفتا وبطني طمت منو 😡 !!! ” طوالي قفلتا الفيديو وقعدتا ابكي وارررررجف لمن صدعتا ! بالمساء كده اتصل علي عمر …
عمر : سندس حبيبتي …
انا : نعم ، داير شنو ؟
عمر 😳 : في شنو ياسندس بتبكي كده لييه يابت ،،، وده شنو الرد ده ؟
انا : طلقني يا عمر …
عمر اتخلع شديد 💔😳 : يابت ده كلام شنو ؟
انا : قلتا ليك بس طلقني 😡 !!!
عمر : سندس 😡 والله اجي هسي في شنو ياخي بتكلم معاكي 😡😡😡😡…
انا : افتح الواتساب حارسل ليك هسي حاجه وحتعرف في شنو ؟
وقفلتا في وشو … وطوالي انتظرتا مسافه الفيديو اترسل ليهو ،،، وقفلتا تلفوني وقعدتا ابببكي شدييييد 😭😭😭😭😭 … امي جات دقت لي الباب ،،، يابت افتحي الباب ، من قبيل ما اكلتي شي ! .. وانا عملتا فيها ناااايمه ماحبيت اقلقا لانو جد كنتا مخنوقه وتعبانه شديد !!! 😭😭😭😭😭 …
صحيت الصباح ، مشيت لي امي ،،، قلتا ليها انا دايرة انزل الامتحانات ! بقت تكووووورك فيني انتي يابت قايلاهو لعب ،،، يابت ماتجنيني !!! بقيت ببكي شديييييييد اشيل وابكي 😭😭😭😭 اصلو كلو كلو ابت لي ،،، لبستا عبايتي وطلعتا برة البيت مشيت لي ملك !! وانا وهي بقينا لافين في الحلة شارع شارع ،،، والله في شوارع اول مرة اشوفا .. مشيت كترة مشي من شده الزهج الجواي 💔 وتعبتا بت الناس معاي ،،، بعد ٣ ساعات من اللف رجعنا انا وملك وشكرتها ومشيت علي البيت لقيت عربية عمر برة ،،، دخلتا جوة سامعه ام بتبكي وبتتكلم معا خالي ،،، وانا ماشه كده الساعه الاشوف ليكم عمر جاي علي ،،، وبس دايرة افتح فمي عشان اتكلم يديني واحد كف لمن عمل صوت 💔 ! وانت بقيت عاملة كده 😳 ومصدومه شديد 😭 ولاقادرة اتكلم ،،، ولا قادرة ابكي 😳 … طوالي حضني عليهو شديد وبقا يبكي زي الشافع 😰 ” خوفتيني عليكي ياخي ،،، يا سندس انا بحبك شديد والله العظيم وبموت فيكي ياروحي ! ليه تعملي كده !؟ ” وانا كنتا بحاول افك نفسي منو ،،، وهو ابا كلو كلو ،،، واستأذن امي قال ليها عايني حادخلا صالون الرجال بس عندي كلام مهم معاها وحاخلي ليك البيت فاتح تمام ! امي قالت ليهو طيب …
مسكني من ايدي وساقني جوة الصالون وانا نفسي مقطوع من المشي ومن البكا 💔😰 بقا بهدئ فيني وانا بس جاتني هستريا عديل وببكي باعلي صوتي وبدق فيهو وبقول ليهو ” طلقني بس طلقني انتا خاين وحيوان ياخ ! جرحتني وجرحتا مشاعري ، وخنتني ،،، وهسي اديتني كف امي ما ضربتني وقمتا من محلي ،،، الساعه القام وتاني اداني كف والمرة دي قدام امي ” شوفي ياسندس ،،، انا سكتا ليك كتير ،،،جاب المصحف وحلف لي انومن شافني ساي ماعندو حاجه لي زول ولا بعرف بت ،،، وكان زهجان وجا وقف قدامي ومسكني من اكتافي ” واااااي بضربك كف لانك مرتي… ومابستقوي عليكي بس عشان تفهمي انك زولة غير زولة غيرت حياتي … ياخي اي زول عندو ماضي وكلنا بشر وربنا بيهدي في النهاية ،،،، وانتي مرتي وماحاطلقك وعلي جثتي ياسندس كان تكرهيني فهمتي 😡 ! … وطلع مشا خلاني ببكي زي المجنونه ،، لمن كتمتا نفس ،، وام تبكي وجات حضنتني ،،، وبقت تهدي فيني وبتقول لي اصلو الحصل شنو !!!!؟ ابيت احكي ليها بالتفصيل غير انو شفتا صورة هو واقف جمب واحده وغرتا شديد …. امي اتكلمت معاي كتير ومشت جابت لي حبة مهدئة ادتني ليها ونمتا بدون ما احس بنفسي 💔😰
الضر ممكن يجيك من زولا قريب
الاحقاد مالية الماعندو قليب….
صحيت انصاص الليالي … لقيت امي راقده جمبي ،،، وبتبكي ،، قمتا سلمتا عليها ،،، فتحت النور ،،، مشيت جبتا ليها موية وعصير،،، وبقيت ببكي ليها شديد ،،، انو ماقصدي ازعلك يا امي والله ،،، وهي هداتني وقالت لي افتحي التلفون يابتي ،،، راجلك بكون مقللق عليكي حبيبتي ،، الله يرضا عليكي ،،، وانا عشان امي ختيت التلفون في الشاحن وفتحتو ،،، وانا من جواي ،، واجعاني الكفوف الاتكفتها دي 😂😂😂👊 …. وسبحان الله غير سمعتا صوتا ماحسيت باي احساس 😅 . .. بعد ما اكلتا وشربتا اذان الصبح اذن مشينا انا وامي صلينا ،،، وجيت للتلفون فتحتا النت ،،، لقيت نفس الرقم الرسل الفيديو مرسل رسالة ” اها استمتعتي بينا وللا لا ؟؟ ياحلوة مافي زول بخلي قديمو ! عشان كده اتطلقي قبل اطين عيشتك !!! “”” طبعا لمن قريت الرساله ماعارفه الحصل لي شنو !؟ جاتني قوة من مافي حسستنس انو البتكلم معاها دي حشرة اصغر من النملة وبتتدعس عادي ،،، واحتمال ده التفكير الخلاني افكر بهدوء وابعد الزعل والغضب شوية !!!!
اصبحنا الحمدلله … حسيت اني احسن ،،، اتصلتا علي عمر ،،، رددا علي صحبو الساكن جمبنا ” عمر ده تعبان من امس ضغطوا مرتفع شديد !!!!! 😰 طبعا من الخلعه ما عملتا اي شي غير لبستا عبايتي واتسوكتا وغسلتا وشي من الماسورة وانا طالعه … امي وقفتني يابت بسم الله في شنو مالك ؟ ماشه وين ،،، بقيت ببكي وبقول ليها : يا امي عمر عيان شديد ….امي قالت لي اقيفي ،،، شالت توبا لبستو ،،، وطلعتنا للشارع اتصلتا علي تلفون عمر ورددا عليا صاحبو وصف لي البيت ؛؛؛ انا وامي يحليلا ركبنا ركشة ،،، ولمن وصلنا لقينا صاحبو منتظر برة ،،، اول ما شفتو قلبي اتقطع علي عمر بقيت بكووورك زي المجنونه عمر وين ،،، اتكلم سررريع وينو ،،، دخلنا جوة لقيت عمر نفسو قايم وحمتو فظيعه اول ما شافني قعد يبكي وقال لي تعالي ياسندس ،،، مشيت جريت عليهو وحضنتو ،،، ورقدتا في صدروا وبقيت ببكي شديد ” ياعمر مالك ،،، ياخي انا والله العظيم ما زعلانه منك ،، انا بحبك يعني ما اغير عليك حبيبي …! “‘ وهو يشيل ويبكي ويبوس في راسي 😭 ” ياسندس انا والله العظيم بحبك واخترتك مرتي ومقتنع ياخي !! الفيديو ده مصورو حسين كان ،،، واليوم داك اول يوم امشي معاهو لي شلتو في شقة علي شارع النيل ،، واداني العصير والله العظيم قايلو عصير ،،، وحصل الحصل ! انا زاتي مخلوع زيك ،، وحسين انا بقتلو مابخليهو ؛؛””” انا طوالي هداتو وقلتا ليهو ” لالا ما تقول كده حبيبي ،،، حسين ده واحد حيوان وممكن انا وانتا نتصرف معاهو تصرف يأدبو بهداوة طيب “”” عمر مسح دموعو واخد نفس طووووويل ومسك يدي وباسا! امي جات حمدت ليهو السلامه ،،، عمر عاين لي ومسك يديني وقال لي ” والله ياسندس انا ماملاك وما حاكذب عليكي واقول ليكي ماعرفتا بت قبالك او ما طلعتا معا بت قبالك !!! او مافكرتا اتزوح قبالك ! او ما طلعتا في شلليات لرحلات بحرية وغيرها !!!! ياسندس انا زي اي ولد ياحبيبتي ! بس انا من الاولاد الربنا انعم عليهم وهداهم واهداهم بنوتة عسل وحلوة زيك ياحبيبتي ،،، انتي مرتي وعمري ما حابدلك بي زول ،،، يابت انتي دنيتي ،،، ومن هسي حاحكي ليكي اموري كلللها الحابة تعرفيها ” هنا وقفتو ☺☺☺☺☺☺☺☺ ” لالا حبيبي .. زمان كانت حياتك ، وهسي حياتنا ،،، والبتهمني حياتنا ،،، وحياتك ما تشيل هم لانك انتا حياتي ياروحي ،،، وان شاء الله ما يحصل الا كل خير ،،،،…..
ياخي عمر ده فرح فرح لمن قام من السرير براهو وبقا مدنقر وببكي شديد 💔😰 ،،،، جيت بركتا ليهو في الارض واتحشرتا جوة حضنو 😍😍😍 وبقيت بسكت فيهو ،،، باس راسي وقومني قعدني جمبو ،،، صاحبو قال لي ” زولك ده من امس لا اكل لا شرب،،،طوالي قمتا خليت امي وصاحبو معا عمر ،،، مشيت عملتا عصير وجهزتا الاكل وجيت ختيتو ليهم وقلتا ليهم ” اكلو معاهو عشان تشجعوهو !!!””” عمر قال لي واولهم انتي 😆…
اكلتا معاهو اكل الهنا يايمما عمر قلبي 😍😍😍 ،،، كملنا اكل ،،، وبقيت احنسو عشان يمشي معانا البيت ،،، ابا كلو كلو ،،، الا بس يرجع ،،، عشان عندو شغل ،،، ومنها داير يجهز للعرس والحجوزات حقت السفر لي شهر العسل وكده 😀😍😍 ….
لمن مشا ،،، اتونسنا انا وامي معا صاحب عمر واهلو شوية واتعرفنا عليهم ورجعنا ،،،!!!! اول ما دخلنا البيت امي قالت لي بكرة خالتك ام حسين جاياني هي وسميرة خالتي التانيه عشان عايزين يبدو الريحه ،،، طبعا انا استغربتا 😳 وطوالي سألتها ” امي يعني هي ما زعلانه ؟! قالت لي ما زعلانه ” قلتا ليها الحمد لله ،،، بس امي شكلها دست مني كلام كتييييير تحت تحت ،،، يحليلا نبع الحنان ❤ ،،، المهم بقينا بنطلع حاجات المطبخ وعفش البيت عاوذين نبدا نضافه للبيت من الصفر عشان العرس وكده ☺ … وسبحان الله علي حسن حظنا ،،، جات ملك بت اهل مصعب ،،، احلي زولة ،،، سلمت علينا وطلعت عبايتا وطرحتا وبقت شغاله معانا فزعة صاح 😍😍😍 ،،، ونشيل ونضحك ونشيل ونتونس ،،،، هههههه وطلعت زولة بتحب الزنق 😂😂😂👊 ،،، اغانيها كللها ” قفل تلفونو مني ،،، ترارارارارارارا ،، ده الكلام مجنني ،،،” 😂😂😂 ” وبتتدقا تيرارارارا ،،، بتدقا ايوا هههه” ياخي متعتني وبسطتني شديد ،،، وانا وهي بنرقص في نص الحوش رقيص الشماسة دااااك 😂😂😂😂😂 ،،، وامي تضحك وتقول ” غايتو يابتي بطريقتك دي لا جاهزة لي بيت ! لا جاهزة لي راجل 👊😂 ،،،،، وانا شغاله ليها ‘” ايوا ياحاجه تمام تمام ايوة ايوة ايوة “”” وملك تبشر ليها ،،، غايتو امي يحليلا ههههه تعبت معانا تعب شديد …. 👊 …
بعد انتهينا من اغلب الحاجات كان خلاص العصر جا ،،، امي قالت لينا امشوا ارتاحو نومو شوية ،،، وانا ماشة علي ام مصعب دايرة اتونس معاها شوية ،،، …. فعلا مشينا رقدنا بس من شده الارهاق ما قدرنا ننوم 💔 ودار الحوار التالي ونحنا راقدين جمب بعض في السرير :
ملك : سندس انتي كويسه ؟
انا : اي ليه في شنو يابت ؟
ملك : عيونك واااارمة شديد ؛؛؛
انا : ارهاق بس !
ملك : ياسندس انا اختك ياخي ،،، اذا في اي شي عاوذة تقوليهو وريني ،،
انا : مافي حاجه حبيبتي تسلمي
ملك : خلاص تمام ياعسل ،،،،
ملك قامت من جمبي ومشت رقدت في السرير التاني وغمضت عيونا دايرة تنوم ،،، طوالي مشيت ليها ،،،
انا : ملك ملك ممكن اقول ليكي شي !
ملك : ايوة حبيبتي في شنو ؟
انا :، في رقم غريب كده رسل لي فيديو كعب شديد ،،، دايرا اعرف سيدو !
ملك : يابت انتي عويرة الزمن ده في نمبر بوك في ستين الف تطبيق بتعرفي بيهو سيدو ….
انا : ياخي عارفه انا ، ماهبلة !!!
ملك : طيب اها شنو ! مافهمتك !
انا : انا دايرة اعرف درب الزول سيد الرقم ده زاتو ،،،، واعرف هويتو ومكانو وتفاصيل كتيرة عننو !
ملك :، يابت قلقتيني ؛ احكي لي الحصل شنو !؟
انا :، يا ملك شوفي انا ما دايرة احكي بتفاصيل فهمتي ! بس في حد لازم الزول يوقف عندو الحيوانات البخربو بيوت الناس فاهماني ،،، عشان ما تبقي لعب ومهزلة وتبقي حياة الزول ترفيه للحيوانات دي …
ملك : فهمتك ياسندس ! خلاص اسمعيني ، كدي اديني رقم الحيوان العندك ده وانا بتصرف تمام !؟
انا : طيب حبيبتي ،،، بس طلب صغير ،،،
ملك : اتفضلي …
انا : من غير زول يعرف يا ملك ولا حتي مصعب … طيب الموضوع شوية حساس وخاص بي راجلي ،،، بس انا اختك واكيد حاهمك اكتر …
ملك : طبعا حبيبتي ده كلامك ،،، خلاص خير سرك في بير ياسندس مرة عمر …
انا 😂😂😅: احححححي يا قلبي جايبة سيرتو لي … ههههههه خليتي قلبي يقول ششششششح ههههههه
وقعدنا نضحك ونتونس ،،، لحدي المغرب جا ،،، ملك انتظرت امي تجي عشان ما اقعد براي وشالت الرقم ومشت ،،،،
وقتين تجيك بي جاي
اتلافاها لي زولا قريب ليك جاي …..
امي جات وعلي السرير طوالي حتي الشاي ابتو ،،، بس مسافه صلينا المغرب ،،،، ورقدة واحدة بس للصباح ! ! !
صباحاتنا نور ،،، قمنا صلينا وعملتا الشاي ،،، وامي بقت تجهز في حاجات الريحه وانا نضفتا البيت وبخرتو ،،،، شوية كده تلفوني ضرب …
عمر : حبيبتي الحلوة اعفي لي ما اتصلتا عليكي امس ،،،
انا : مامشكلة ياعمر ،،المهم انك وصلتا بخير حبيبي …
عمر ؛::، الحمدلله بس انشغلتا معا الشغل ،، وجيت لقيت البيت مليان ضيوف وبباركوا لي ابوي العقد …
انا : تماااام ماشاء الله والله !!!!
يلا انا وهو اتوووووونسنا لحدي ما خالتي سميرة جات ،،، وعرفتها بي الزغاريد ،،،، ايوي يوي يوووووووووي واخيرا ياسندس يابتي فرحتا ليكي 😍😍😍 ،،،، طوالي عمر استأذني وقال لي امشي سلمي علي خالتك وارجعي لي ،،،، بس قبل يقفل …
عمر : سندس !
انا : نعم حبيبي !!
عمر : بلاي لمن الريحه تخلص شمميني ليها بعدين 😛😛…
انا : هههههههههه عمر مع السلامه …
عمر : هههههههه طيب يلا حبيبي !
وقفلنا الخط ومشيت لي خالتي ،،،، سلمتا عليها ،،، ياخي خالتو دي عسسسسل 😘😘😘😘 تزغرد وتبكي ،،،، وانا بي بكاها العبرة وقفت لي ☺ … بعداك مشيت ضيفتها وجبتا العصر وجيت قعدتا جمبها في السرير وبقيت اتونس معاها ،،، وهي تشيل وتسال فيني من حاجات الريحه الجابوهم حاجه حاجه 😍 وانا ماعارفه ولا حاجه غير الصندلية ،،، والبخور شغالة اقول ليهم اعواد ياخي 😂😂😂😂😂😂😂 وهم يضحكوا وشغالين لي ” الاعواد دي هسي بتتقلب بخور ،،، من هسي فاشلة ،،، بقيت بضحك وبقول ليهم انا شايفاها كده انتو مالكم 😛😛😛 … اثناء الونسة الظربفه دي جات خالتي ام حسين ،،،
ام حسين : السلام عليكم ،،،،
كلنا : اهليييييييين ،،، كيفك وسلمنا عليها بالاحضان !!!
ام حسين : اسمعيني يا ام العروس وريني الحاجات الدايراني اعملا ليكي عشان انتهي منها واتخارج !!!
كلنا : كدي اقعدي اول النضيفك !!!
ام حسين : انا ماعندي زمن ،،، بس وريني اعمل شنو ! انا خليت بيتي عشان اجي اضيع زمني يعني ،،، ادوني الشي الاعملو خلوني انتهي !
هنا امي وقفت 🚫🚫🚫🚫🚫 ومسكتا من يدها ،،، وجرتا برة الحوش وقعدتا في السرير ،،، وضربت لي حسين قالت ليهو : تعال سوق امك سررررريع والا حتخسرني وقفلت !
خالتي ام حسين قامت في امي ” انتي فهمك شنو يعني !؟ وقصدك شنو ،،، انا سافرتا من بيتي في كافوري وتعبتا وجيتك هنا في الجزيرة وما مقدرة جيتي ،،،، امي طوالي ردت ليها : لمن انتي تقدري اختك من امك وابوكي وتقدري الجاية تشتغلي ليها دي وتقدري البينا ،،، انا بقدر جيتك دي فهمتي !!!! في اللحظه ديك جات خالتي سميرة والجوووووطه قامت وانا مشيت جوة قعدتا اببببكي ،،،، بعد مسافه سامعه حسين بقول ليها : امي بلاش فضايح ياخي بس اطلعي خلينا نتخارج ،،، وقال السلام عليكم وطلع !!!!
————————————–
دنيا غريبة ،،، غرابة كعبة ،،،
ناس يدوك لحياتك معني ،،، وغيرهم يقتلو فيك قدامك
دنيا غريبة ،،، غرابة كعبة ،،،
بعداك طلعتا لقيت امي زعلانه شديد خلاص ،،، ودخلت جوة زهجانه ،،، خالتي سميرة قالت لي ،،، ولا يهمك خالتك الزعل عاميها بس ،،، بكرة بتلعن الشيطان وبتتنازل ،،،، وانا اشيل وابكي وشغاله اقول ليها ” انا خالتو دي بريدا زي عيوني والله ،،، ليه تعمل كدا ياخي !!!! وخالتي حاضناني وشغاله لي ” يابتي ياسندس ،،، حسين ولدا وبكرة بتلدي بتعرفي قيمة الولد وما بترضي فيهو الحبة حتي كان هو غلطان ،،، وهي شايفاهو مكسور وكان دايرك وانتي مابياهو !!!! …. الساعه الاتفكيت منها وقلتا ليها ” يا خالتو حسين السواهو خلي ساي !!! وطوالي سكتا 😷 وقدر ما خالتي تودي فيني بي جاي وتجيبني بي جاي ابيت نهائي اوريها .. وبقيت بشده فيها لحدي ما قالت لي قومي الزمن يابت محسوب علينا !!! ،،،،
طوالي مشينا علي الغرفة ،،، وبدو يعملو الريحه ،،، اتصلتا علي ملك قلتا ليها سرررريع تعالي بعملو لي في الريحه … عقبال ريحتك … بس ملك الساعه الجاتنا وجابت هاك يا الجردل وبقت تغني لي ،،، مبروك عليك ده اليوم الدايرنو ليك ياسندس مبروك عليك … وانا بعيوني المحمرة دي اشييييل وازغرررررد 😅😂😂😍 ايوي يوي يووووووووووي … وعاد جبجبنا جبجبه وخالتي سميرة عسسسسل ياخي … تقوم وتجبجب بي كتفها وتززززغرد ههههه 😂😂😂😂 ،،،، غايتو عشتا لحظات مجنووووونه حلللللوة شديد ❤ ،،،،، بالعصر قبل المغرب بي شوية كده ،،، انتهينا من حاجات الريحه واشيل واصور فيها 😍 وارسل لي عمر ،،، وشابكاهو هاك شم 😂😂😂😂 ،،،، وهو يضحححححك ،،،، وخالتي سميرة جابت عفشا كلللو قاعده معانا للعرس 😘😘😘😘 مشيت خليتهم هي وامي بتونسوا … وانا قدمتا ملك علي الشارع …. قبل تمشي قالت لي يا سندس ،،، عندي ولد عمة صحبتي بعرفوا ساكن جمبنا وهو في المخابرات ،،،اتصلتا عليهو وقلتا ليهو دايرة اعرف اي صغيرة وكبيرة عن الرقم ده ،،، قال لي طوالي ما عندك مشكلة ،،، وانا شغاله ليها الليله وووووووب 😱😱😱😱😱😱😱 سجمي يابت مخابرات شنو ؟ سجمي سجمي سجمي …. وملك تضحك 😂 ،،، ياجبانه يابت معلومات بس انتي خايفه كده ليه ،،، وبعدين الزول ده اخوي لدرجه ما بتتخيليها ،،، واديكي الزيت كمان ،،، معرس اختي 😍 … انا صراحه بعد عرفتا المعلومة دي ارتحتا شوية كده 😂😂😂 قلتا ليها خلاص ان شالله خير ! ومشت بقيت فاتحه الباب لحدي ما لفت ،،، وقفلتا الباب مشيت جوة لي خالتي وامي …خالتي نادتني تعالي يا العروس قومي ارقصي لينا رقصه رقصتين كده يابت هههههههه .. وانا بضحك 😅 : انتو دايرين تهبلو بي صاح ! ! ! … وامي وخالتي يضحكوا : لالا ابدا ،،، دايرنك تتعلمي رقيص عروس يابت رايك شنو ؟! ❤ … وانا😍😍😍😍 ههههه بالجد 😘 ! خالتي : ااااي وانا بعلمك !!!! قعدتا اضحك طبعا ههههه : ههههي يا خالتو تقعدي تسيكيني ولمن يجي وقت الجد والناس يجو ، تقولي ما بعرف اغني …. الساعه خالتي فتحت قدوما ده وبقت تقول : يوم وقفوها حلاتا نونا وفي بيت ابوها وحلاتا نونا ….. وخالتي طلع عندها صوت بتاع قونات انا اول مرة اسمعو 😂😂😂 سمح سماااااحه ….. وامي تزغرد وتبشر … وانا اضحك واقول ليها : نونا دي منو !!! خالتي قعد تضحك : ههههه نونا ده دلعك في الرقيص دايراني اقول ليكي سوسا يعني ! ههههه … قلتا ليها : لالالالا 😱 خليكي في نونا دي يا خالتو … وهي شغاله لي : اي اي الصفقه الصفقة الصفقة …. يلا يابايرات ابشرن 😂 !!! وانا اشيل واضحك عاد اليوم داك فشفاشي انفجر من كترة الضحك ههههه 😂😂😂
بعداك استاذنتهم اني نعستا شديد ،،، ومشيت لقيت عمر متصل علي ..
عمر : حبيب قلبي انا ،،،،
انا : اهلا اهلا اهلا
عمر : الريحه عجيييييبةشديد ،،،، متيييين يا الله …
انا : هههههههه يا الله قرب البعيد ..
عمر : ااااي والله ،،، يابت تعالي اسالك سؤال ! طبعا انا راجلك ومافي بيناتنا استحياء صاح …
انا : اي مافي …
عمر : انتي الريحه دي الغرض منها شنو ؟!
انا : ههههه نتريح بيها !
عمر : وتاني …
انا : ههههههه نتريح بيها تاني 😂 ….
عمر: طيب اول يوم اسوقك من بيتكم وانتي مرتي البيحصل شنو ؟
انا : بنبدا حياتنا معا بعض!
عمر : سندس !
انا : ايوة حبيبي …
عمر : انتي عاوذانا بعد نعرس نجيب بيبي صح !
انا : اي اي 😍😍😍
عمر : طيب حنجيبو كيف ؟!
انا : حندعي ربنا وربنا ما حيبخل علينا ان شاء الله ..
عمر : استغفرتك يا ربي ؛؛؛ يابت انتي حتنجضيني بعدين …
انا : ومالو انجضك موش مرتك !
عمر : ااااااااخ يافشفاشي …
انا : حبيبي مالك !
عمر : مافي شي حبيبتي ،،، اها الاخبار شنو !
انا : دايرني أرقص رقيص عروس ! بس انا رافضه 😜 !
عمر : لييييييييييييييه ياخي 😰 ! ده احلي شي والله حلووووو ! ارقصي عليكي الله ارقصي …
انا : مابعرف ارقص 😬 !
عمر : بجيب ليكي قسمه عدييييل تعلمك !
انا : قسمه تحرق وشك ! كمان بتعرف قسمة 😡😡😡
عمر : خههههههه 😂😂😂 ،،،، يابت انتي مجنونه 😳👊
انا: خلي قسمة تنفعك …
عمر : يلا ما ترقص
