الأحب لقلبي (2)
بقلم أمل محمد
الأحب – لقلبي 《2》
#بقلم أمل محمد
نرجع 7سنين…
امل و ابرار ماشين على ترحيل للمدرسة
ابرار : اوووف يخ زهجتة من تانية الكرية دى
امل : ي بتى باقى لى اخر ٣ امتحان ونخلص ونقعد الإجازة 💃🏻
ابرار: وارجع لى تلفونى 💃🏻
امل: يع يع أنا م عارفة بتهمى لى تلفونك كدة لى ؟
ابرار : اشتقتة للجكس يخ
امل : استغفر الله جكس اية وتانى اية
ابرار: عشان انتى سنجل بائس بتقولى كدة 🌚💔
امل : اننننن🙂💔
ابرار: جد كدة لو كان عندك حد تتكلمى معاو صباح ومساء كنتى حتفقدى تلفونك
امل : م عندى وم دايرة
ابرار: اصلا دى فجارة منك بس لو لقيتى زول يتكلم معاكى ويكسر ليكى تلج م حتقولى كدة
امل : أرح أرح قبل حمودى يسب لينا 🌚
ابرار: اى يخ عشان م نسمع كلام زى الحنضل من الصباح 😂
وصلو الترحيل وهم بطوطحو🌚( بيمشو براحة لغير الناطقين بها🙂🔪)
حمودى : اوووو الحلوات وصلو ؟
امل : ااى الحمد لله🤤
حمودى : حمد لله على السلامه يخ 🙂
ابرار: اللة يسمنك ي سلك الاقاشى 🙂
حمودى : انتى سدى بوزك عشان م ارميكى بي الشباك
امل : ولى قال انت م تقفل خشمك الحامض دة
حمودى : فوق م كل يوم متأخرين وكل يوم مطلعين لى لسانكم مترين بعد دة كلو بتركبو الترحيل؟ والله دى مشكلة
امل : وكانت عربية ابوك؟
ابرار : لكزتا قالت ليها ي بت م تفلتى دى فعلا غربية ابو 🙂😂
امل : لا ي سيدى م عربية ابوك ولا حاجة الترحيل دة عاملو لينا الراااابطة وقع ليك ولا أعيدو ليك ؟
حمودى : دائما بتغلبينى في الكلام 😂
امل : كت كت ي بطة 😒
ابرار: امل هوووس كفااتية يخ 🤣🤣🤣
والبنات ميتين بي الضحك 😂😂
حمودى قال ليهم بلا كلام فارغ معاكم ادخلوا واقفلو الباب دة سريع
قربو من المدرسة كدة امل قامت من كرسيها ومشت قدام الباب وبدت تطقطق القروش 🌚( اااى كمسارى بس 😂)
ابرار: كل يوم تتفصح مع حمودى وعادى بتلم ليو القروش
امل : 😂😂الشلاقة يخلوها لى منو ؟
لمت القروش ” اااى هى كمان بتدفع حزينة صح 🙂😂”
وقف جمب باب المدرسة والطلاب نزلو
امل مشت حاسبت حمودى واتجهت على باب المدرسة
قبل م تدخل عم يوسف كورك ليها
عم يوسف : امل جن
امل : ي حبينا
عم يوسف: مشتاقين والله 😂شفتى يوم السبت المدرسة دى بتكون هاادئة كيف
امل : كل سبت خلاص بجى 🌚
عم يوسف: 😂😂ادخلى ادخلى قبل المسخووطة تندمك
امل : ااى والله كفاية من الصباح وش نحس
امل دخلت المدرسة وبتسلم على ااى بت تلقاها في طريقها
امل : ي صباح النحس جد جد
ابرار : شفتى سجود ؟
امل : عاينى وراكى
سجود جات عليهم : هاااى غايز♥️
امل : وعليكم السلام😒
سجود : اها چاهزين للتيست ؟ ( حاولو تقلو الچيم زى الحناكيش قدام؟)
امل : جاهزين
سجود : ياى امبارح في السخانة م قدرت اقرا الا بابى شغل المولد 🥵
امل : عليك اللة ؟
سجود : ااى وحاتك
امل : احلفى بي ربك ي خلية
سجود : انتى لى قاسية كدة ي امول 🥹
امل : ي بت امشى اتفرعنى بعيد منى بلاى م ناقصة زولة سايحة زيك كدة
ابرار: 😂😂😂😅بي الظبط كدة
اتحركو من جمبا وخلو خشما ملح ملح المسكينة
ابرار: امول حرام يخ قالو البت دى اصلا لهجتا كدة
امل : وانا مالى ومال امها
ابرار: حاولى اتجاوزيها
امل : لا ي بتى عاوزة تتظارف وتعمل فيها واو تمشى بعيد منى
يلا دخلو الامتحان والمسافة دى تعالو اعرفكم على امل 🖤
امل اكبر البيت ” لاكن نتفق انو البكر م عوير ظابط 🔪 ”
وسط 5 بنات
عمرها 18سنة حالياً بتدرس في الصف الثانى ثانوى وحتخلص الامتحان النهائي وباذن الله لى مشوار تالتة 🖤صحبتا اسمها ابرار ولميضات حبتين كدة .. وامل م شريرة ولسانا م طويل بس لو م حبتك تعاملا بيظهر الحاجة دى
#وعند كرامتى لا اطوى الصفحة ،،بل أحرق الكتاب باكملة🖤
الليلة اخر يوم الامتحان💃🏻وكان انجليزى الغراام🤤
امل : بنوت🌚
ابرار: الليلة يومك 🥵
امل : 🤣اااعى يخ
ابرار: اسمعينى نبدل الورق ظابط
امل : قدام ي زولتى
ابرار: يلا ورح …وبعدين ظبط الطلعة أنا
امل : اصلا كلمت حجوجتى ورضت لى 🤤♥️
ابرار: رايك شنو في سجود
امل: شفتى بي لإعاقة حقت حرف الجيم دي لو مشت أنا بحرد الطلعة 🙂
ابرار: كنت عارفة ردك بهظر ي بتى 😂💔
امتحان الانجليزى خلص وكالعادة كان ظابط جدآ جدآ وطلعو مبسووطين🤤♥️♥️♥️
في ساحة المدرسة طبعا البنات م يدوك الدرب بي التلفونات والفجارة العاملنا😂💔وابرار بي تلفونا ومن طلعت تشيل وتصور وتتجدع المخلوووعة😂😂💔
امل دى بس تضحك في هبالتهم
البعاد من بعض ودعو بعضهم وااى حد اتجه على طريقو
وامل وشلتا قالو ي الشارع جاك زول
عم يوسف دة الغفير تبع المدرسة وبريد امل زى ابوها كدة …المهم لقاهم جمب الباب ودعم وقال حيشتاق لى هبلهم وشقاوتهم ♥️
اول شئ مشو لى مطعم “” اااى بطنى اهم حاجة 🌚””
طقو تمام وبعدو للبحر♥️ قاعدين في الكراسي وبقطعو في الماشى والجاى🌚💔
بس عيونهم وقعت على اتنين ماسكين يدين بعض واخر حبكانيات 🙂💔
امل : يع يع من بشاعة المنظر
ابرار : واو واو من جمال المنظر 🌚♥️
امل : بفكك بي شبشبي 👊🏻👊🏻
ابرار : اصلا انتى عندك جفاف عاطفى
وختت بدينها في خدها وبقت تعاين ليهم بي حنية وهبالة ♥️🤣
امل : واى أنا جد م كنت حتحمل الهبالة البتحصل دى حب شنو بلاى واااى الفكرة جدا هبلة
ابرار : انشوف شفتى يوم ترتبطى وزول يوقع راسك الكبير دة اليوم دة بس يحلك الحلال منى 🙂
امل : اطمنك بيبي م حيجى اليوم دة نوهائي💅🏻
امل قالت كدى فكينا بلاى من السيرة دى وتعالى قولى لى مخططة شنو في المستقبل أو طموحك لى تالتة
ابرار: طموحى راجل وبيت وبتنا في حضنى🥹♥️
امل : لا الة الا الله محمد رسول الله يخ دى شنو البايرة دى ،واللة كان أخير لى سجود منك
ابرار : جد كدة القرو عملو شنو 🙂💔أنا غايتو لو ابوى م بيكسحنى زمان كان عرست واسي تبو كان حتقول لي خالتو امل♥️
امل : تبو دى منو 🙂
ابرار : بتى طبعا 🥹♥️وي حليلو يوسف بيبكى بي جهة وعمران عاوز ينوم واسيل جعانة يااى😭
امل : 😂😂😂😂😂😂😂😂
بي ضحكت الرقاصات دى كان في شباب كلهم اتلفتو على امل وبقو يتهامسو
ابرار : يخ فضيحة انتى الواحد اصلا م يقوم يتظارف وتقومى تفكى ضحكة الرقاصات …اسي الشباب ديل يقولو شنو
امل : شارع زول فيهم ؟ لا صح المكان دة عام ي بتى والراجل يسالنى أنا اصلا جنس ادم دة بكرهو🙋🏻♀️🔪
أتلفت ورا ولقتهم لسة بعاينو
طقطقت ليهم اصابعا وقالت ليهم في مسرحية بي جاى ؟ مافى زول اتكلم وبقو شاغالين مع نفسهم
على كدة امل وابرار رجعو البيت وناس البيت اطمنو على شغلهم امل قالت لى ابرار يلا جاو بجيكى العصر ابرار قالت ليها م ناقصة وجع وش أنا 😂💔( الجبهة ي ناسي )امل ضحكت وم ردت عليها …ابرار قالت سمح وجيبي معاكى التلفون
#كسرة ابرار وامل في نفس الحى
# اختارو تعيشو مع ناس حنينة لينة القلب عشان تعرفوا تعاشروهم ،،لان القسوة وحشة ومنفرة والحنية هى الطف صفة في العالم
