حبيت ود البندر (الأخيرة) 🥰
بقلم سجي المدني
#حبيت~ود~البندر الأخيرة 🥰
#بقلم~سجى~المدني
بقينا قاعدين ومستنين عمو صالح وعاد اعصابي دي باظت وجسمي كلو برد! وأطرافي تلجت! م كنت خايفه من الحيقولو لاني عارفه! الحيتكلم بيه كويس! بس كنت خايفه من الح يعملو!
جا قعد وجا معاهو ياسر وابوي واعمامي الباقين ورجال عماتي! كان ياسر بعاين لي ياسمين شديد وبحدر ليها!
انا خلاص اتأكد من إنو احساسي صاح!
عمي جا خت كرسي قدام وبدأ يتكلم!
عمو صالح:انتن عارفات ي نسوان نحن ديمه كلمتنا بتمشي! وماف واحده بتعلى كلمتها علينا! ونحن الهنا البناخد القرارت! حصل مره اخدت قرار من راسها!؟؟؟
ياسمين دي بقت تعاين ليه وتنزل رأسها! حبوبه قالت ليه شن في ي ولدي صالح!؟
عمو صالح:ياسمين قومي تعالى هنا!
هي قامت من السرير وبترجف ودموعها في عيونها!
وقفت قدام عمو صالح! وهو قال ليها:شفتي مره في البيت دا بتاخد قرار براها!؟
_لا!
عمو صالح:طيب انت العملتي دا شنو!؟؟
_عملت شنو!
عمو صالح! :وكمان تعملي نفسك م عامله حاجه!
رفع يدو وبدأ يديها ام كفووف وبقول ليها تنهي علاقتك مع مجاهد من دون م توريني وليه! واصلا انت منو الادك الحق عشان تاخدي قرارات!
كلهم ختو يدينهم في خشومهوم وبقو مصدومين!
عمو صالح:ياخ صغرتيني قدام الولد ياخ! هسي لو هنا كان والله اخلي يضربك! جايباني من الإمارات ومصغراني قدام مجاهد ومخلياه يتصل على عشان سبب زي دا وعشان ترضى نفسك!؟؟
وقام تاني فيها كفوف! وتاني ساقها ودخلها العوضه ونزل فيها ضرب! وهي بتقول ليه ابوي خلاص ي ابوي والله والله م اعمل حاجه زي دي تاني! جضومي اتقطعن خلاص خليني! جسمي حرقني ي ابوي خلاص!
إنت لو م عايزه الضرب بتقلي أدبك ليه!!
طبعا حنان اللحظه ديك بقت مولعه عويناتها زي لمبة البطاريه! عرفتها بتكون فكرت في إنو لو قالت عايزه صهيب! ورفضت تعرس ود عمو عامر الأصل دايرنو ليها بطلعو زيتها😂…
طبعا رجعنا البيت ويابا ويمه لسه مصدومين!
يمه بعد مشينا الراكوبه قالت لي: كيفن ياسمين تعمل كدا انا لي هنا اكتر من عشرين سنه م حصل سمعت بنيه! بتعمل حاجه من راسها! وبدون م يقرر ابوها!
=يحليلها والله خفت عليها شديد هسي ي ربي بتكون كيف!
بالليل زي الساعه ٩مساء كنت قاعده وبشوف في النجوم ومنظر السماء! وخصوصا والكهرباء قاطعه! كان منظرها حلو شديد وهي في السماء! فجأه من غير مقدمات بقيت بفكر في صهيب💛
___
صهيب:-
كنت قاعد مع نبع الحنان وبنتكلم!
امي:بتين يمرو السنين ديل ي ولدي عشان تعرس فطوم!
=أمي افتكرتك ح ترفضي على فكره!
امي:أرفض لشنو يختي فطوم بت السرورو عليها!
أساور جات ماره وكانت خاشه المطبخ سمعت كلام امي! قامت أساور ردت وقالت:انت شايفه انها حلات السرورو عليها! امي انا زهجت من الكلام معاكم لكن إتأكدو انا م ح اخلي البت دي تعيش بسلام!
كنت قايم عليها بس امي قعدتني قصدها شنو يعني بإنها م ح تخليها تعيش بسلام!
=والله ووالله العظيم تلاته ي أساور تغلطي تاني برفع يدي عليك!
_ارفعها ااي ارفعها! اصلا عادي تضربني عشانها صاح شكرا ليك شكرا!
مسحت جبتهي بيدي وقلت والله ي امي بناتك ديل تاني إلا تلقى ليهم حته يمشن ليها لاني والله إتحملتهم شديد ف لو غلطو تاني وأصغر غلطه انا بحاسبهم عليها!
قمت من محلي ومشيت على الصالون! فتحت المكيف وطفيت النور ورقدت فتحت تلفوني وبقيت بتفرج على صور فاطمه! حسيت نفسي شويه روقت!
بقيت بفكر وقلت ي ربي هسي لو عرست فاطمه وجبتها هنا ح يعملو ليها شنو مثلا ناس أساور ديل!؟؟؟
بعد مرور اربعه سنه:-
مرو اربعه سنين وانا م حصل لمحت صهيب ولا بالغلط كبرت! وحسيت نفسي بقيت احلى اكتر بس أكيد م أحلى من صهيب مع إنو م شفتو بس حاسه كدا! كل يوم حبي بزيد لي صهيب وم بزيد شويه بس! لا بزيد كتير وكتير شديد كمان!
كان حبي ليهو من بعيد و م كنت عارفه هو بحبني ولا لا! لحدي في يوم يابا جانا انا ويمه وقال عايزنا في موضوع ضروي! قعدنا في السرير ويمه قالت ليه شن في ي حسن!
حسن:بدرو اقول ليكم حاجه انا مبسوط بيها شديد والله
فطوم! :شن في ي يابا؟
حسن:قبل فترة صهيب طلب يد فاطمه مني! وهسي اتصل على وقال لي جاينكم الليله!!
يمه:ايوي يوي يوي يوي واخيرا بتي ح تبقى عروس! بتي الما عندي غيرها! واخيرا ح احضر عرسها واشيل جناها ايوي يوي يوي!
انا اللحظه ديك كنت في حالة ذهول م عارفه هل يابا دا بقول الحقيقه ولا لأنو مستحيل صهيب يعرسني انا! لالا مستحيل يخلي بنات البندر ديل كلهم ويجيني انا! عاينت لي يابا وانا عيوني مليانه دموع م عارفاها اللحظه ديك كانت دموع شنو فرح! مشاعر ملخطبه م عارفه! عاينت لي يابا وقلت ليه:يابا انت جادي!
_وليه م اكون جادي ي بتي! المهم أبدو جهزو سريع لأنو الناس ديل المغرب جاين! وخلي انا امشي أوري ناس حبوبتك!
يابا طلع فات ويمه قعدت جنبي وانا لسه مصدومه قالت لي:بتي ح تبقى عروسي واخيرا ح ازفك!
عاينت ليها وهزيت راسي بإبتسامة! تاني قالت لي خلاص قومي نضفي البيت! أهل راجلك يجو يلقى البيت وسخان قومي قومي!
قمت شلت المكنسه وبديت اكنس! وبين مصدقه و م مصدقه! و م صدقت إلا شفتو بعيني ايوه شفتو بعد كل السنين دي شفتو زاد حلا كتيرر شديد! وملاح وشو بقت مورده وحلوه! بقيت فرحانه شديد يعني يابا كان صادق! كنت قاعده في العوضه وبعاين بالشباك كان بتكلم مع يابا ! تاني شفتهم كلهم ابتسمو! كانو ناس حبوبه قاعدين في الراكوبه والرجال في الحوش بعد شويه هم فكو زغروته! اللحظه ديك انا قدر م فرحت م عرفت انزل من السرير😂❤️
“الرجال في الحوش”
صهيب:ممكن فاطمه تجي عشان نشوف رأيها!
يابا:انا اديتك تاني شن في ي ولدي!
صهيب:عاايز اسمع رأيها هي!
يابا:بس نحن م عندنا بت بتقول رأيها!
صهيب:مش هي ح تبقى مرتي وهي الح تعيش معي يبقى عندها الحق عشان تبدي رأيها!
عمو حامد:صهيب عمك اداك خلاص
صهيب:بس برضو مصر إني اسمع رأيها!
يابا:كويس ي ولدي!
“فاطمه”
كنت قاعده وانا لسه في الشباك فجأه جات خاشه ياسمين وهي صاره وشها وبتعاين لي من فوق لتحت! نزلت سريع من الشباك وقعدت في السرير قالت لي باخر نفس :عمو حسن طالبك برا!
=ليه!
_م تكتري اسأله وامشي م فاضيه ليك انا!
=انا سألتك ليه بدوروني برا!
قبلت على بعد م كانت ماشه وشالت نفس طويل وقالت لي:عايزين يشوفو رايك ي ست فاطمه!
كانت ماشه مسكتها من يدها وقلت ليها ياسمين انا بدور اعرف انت لي م بدوريني
_كده بس عشان انا شايفه م بتستحقي يدوروك!
=عشان كنتي دايره صهيب وهو دايرني انا! اعمل شنو ي ياسمين وريني! هو بدورني انا! يعني يدورك انت بالغصب!
_فاطمه أمشي م عايزه معاك كلام انا ي قرويه! ي متخلفه!
قالت كلامها وطلعت كان كلامها جارح شديد! بس م إشتغلت بيه لانو الليله ماف حاجه ح تعكر مزاجي! طلعت برا وأثناء م طالعه فكرت قلت كيف يابا وافق إنو ياخد رأي! اه.. طلعت مشيت ومن مشيت عيني وقعت على صهيب وهو بقى بعاين لي شديد وابتسم! مشيت جنب ابوي وقلت ليه نعم يابا!
_فاطمه ي بتي زي م انت عارفه صهيب دا جا واتقدم ليك وهسي بندور نشوف رايك!
قلت وأنا منزله راسي ومشبكه يديني مع بعض! :الراي رايك ي ابوي!
اللحظه ديك صهيب ابتسم وانا عاينت ليه ودخلت العوضه!
قعدت في السرير وبقيت ببكي وشديد كمان! يمكن دي دموع الفرح أو يمكن دي دموعي الما مصدقه إنو دا صهيب بالجد جا يتقدم لي!
تاني بقيت بتبسم براي الله ي صهيب واخيرا ح نتلمي!
بعد هم مشو وناس حبوبه برضو مشو بالليل كنا قاعدين انا ويمه ويابا! يابا قال لينا حددنا العرس بعد شهرين! قلت في سري مستعجل شديد ي صهيب😂❤️
_____
صهيب:-
م كنت متوقع انها تبقى حلوه زي دا! م عارف انا كيف انتظرت كل السنين دي عشان أتقدم ليها!
بس ياهو مشو بسرعة البرق! ف الاول قلت انها ح ترفض! بس قالت إنو الرأي رأي عمي!
كنت مستعجل شديد لفكرة العرس دي!
وكنت بتين عايزها تتلمي معاي في بيت واحد!
انا تقريبا لي سنين كتيره مستني إنها تبقي مرتي وكنت بعافر عشانها! وإجتهدت وكملت جامعتي وبينت نفسي! عشان اعرسها هي بس!!!
___
فاطمه:-
مرو الشهور بسرعه والليله العرس م كنت مصدقه طبعا هسي بتين جرو كدا! من الصباح كانت بتجهز فيني خدوج ومعاي بنات الحله!
خدوج:وي عاد شوفي القلنا طلع غلط! ياهو عرسك ود البندر يختي
=صح ههه!
جهزوني وطلعو عشان قالو صهيب جاي يبارك لي!
خشى وانا كنت متوتره شدديد وكنت م قادره اتوازن قربت أقع! جا خاشي وقف قدامي مسافه وفتح وشي بقى بعاين لي مسافه وقال لي مبروك علينا ي السمحه! أو ممكن اقول مبروك على انا! مبروك على إنو قدرت اتزوج انسانه زيك! مبروك على الوش السمح دا! مبروك على الايام الح اعيشها معاك! مبروك على انت ي السمحه!
عاينت ليه وقلت صهيب!!
_عيون صهيب!
=بحبك❤️
كنت خجلانه الوقت داك و م عارفه الكلمه دي طلعت مني كيف!؟ بس تلقائياً لقيتها طلعت مني!
_دقيقه دقيقه قلتي شنو!
عاينت ليه و م قدرت ارد المره دي!
_طلعتي بتحبيني!؟ فاطمه ردي علي!
=ايوه ي صهيب!
قرب علي ومسك يدي وقال لي وانا بعشقك ي ستهم!
___
صهيب:-
كنت منتظرين بتين الشهور تجري! ويجي اليوم المنتظر! وفعلا جا كنت شايف نفسي كأني في حلم وإنو فاطمه لسه م بقت لي، عقدنا! اللحظه دي كنت فرحان شديد شديد واخيرا فاطمه بقت في عصمتي! خلاص بقت مرتي وام اولادي!
لمن جيت خاشي ليها عشان ابارك العقد! حسيت براحه جواي م طبيعيه!
رفعت القمرصيص منها! م انصدمت لمن شفتها!لاني عارفها حلوه وإنها قطعة حلوى حُلوه!
بقيت اتكلم معاها! بعد شويه قالت صهيب رديت عليها وقلت عيون صهيب! لحظتها طلعت احلى كلمة وصدمتني كتير وكانت “بحبك” م إتوقعتها تكون بتحبني! بس فرحت شديد انها طلعت بتحبني برضو!
___
فاطمه:-
مرو شهور وصراحه علاقتي مع صهيب اقل حاجه ممكن تتقال عليها انها”عظيمه”الليله كنت قاعده مع خالتو سامرين في المطبخ كنت بطبخ ملاح الغداء وهي بتقطع في الخضار انتهت منو وقالت ماشه تستحم!
بقيت قاعده براي وبطبخ فجأه جات خاشه أساور عاينت لي من فوق لتحت وقالت! يوع بطتبخي انت ي قرويه!رمت كلامها دا وفتحت التلاجه شالت قزارة موية وطلعت فاتت مع إنو كلامها بجرحني شديد ودائما هم في حالة كلام سئ معي بس دايما كنت متصبره بي صهيب وكلامو البطبطب على ودفاعو عني وشكل اخواتو عشاني!..
من غير م احس طلعو دموع مني فجأه هو جا خاشي قال لي السمحه إن شاء الله سويتي الباميه المفروكه! رديت ليه بصوت ميت بعد مسحت دموعي سريع سريع وقلت:ايوه!
لاحظ على جا على وطفي البتوجاز وساقني من يدي ودخلني العوضه! قلت ليها صهيب شن في!
_بتبكي ليه!
=م قاعده ابكي كويسه انا!
عاين لي شديد من غير م ارد عرفت معاينتو لي دي معناته قولي الصدق!
=صهيب اختك أساور ايوه رمت لي كلام سئ وجارح بس عليك الله عليك الله م تشاكلها!
طلع من غير م يرد لي انا قعدت في السرير وبقيت ببكي!
“صهيب واساور”
صهيب كان زعلان شديد فتح باب غرفة أساور بقوه! هي كانت ماسكه التلفون شالو منها ومن غير م يحس أداها كف!
فتحت عيونها كبار وقالت صهيب دا شنو! ك ك كف عشان مرتك صاح عشان القرويه ديك صاح! وبدت تبكي
=اتحملتك كتير كتير وقلت انك ح تنعدلي بس لا كل م ليك ماشه للأسوأ اتأكدي لو سمعتك غلطي معاها مره تانيه! يدي ح تكون ديمه مرفعوعه عليك وطلع فات!
“فاطمه وصهيب”
لمن صهيب خشي مسحت دموعي سريع سريع وعدلت قعدتي جا قعد قدامي في الأرض لاني كنت قاعده على حافة السرير! مسك يديني وبقي بعاين لي شديد وقال! اتأكدي إنو تاني م ح اخلي دمعه تنزل منك!
عاينت ليه وقلت ليه صهيب هسي ماف داعي ت
قاطعني وقال سيبينا منها عايز اعترف ليك بحاجه!
=احكي!
_انت عارفه انا بحبك من انت في الفراشه!
استغربت وقعدت اضحك وقلت كيف يعني!
_يعني عشقتك من انت طفله!
كنت اول م مصدقه بس تاني قلت ليه إنت جادي!
_كيف م اكون جادي حتى شوفي!
فتح تلفونو ووراني صوري كنت صغيره شديد وحلاتي ي ناسي!
=ديل جبتهم من وين!؟
_كل م اجيكم باخد ليك صوره و انت عارفه انو انا م بجي إلا عشانك!
من غير مقدمات ضميتو وقلت ليه صهيب انا متأكده لو لفيت الدنيا كلها م ح القي زوج زيك!
_ أو خنقتيني خنقتيني!
بعدت منو وقلت ليه أسفه قعد يضحك وقال لي انا عمري كلو م بشبع من حضنك! تعالي تعالي اخنقيني وارتاحي!.
لويت خشمي وقلت ليه متخلف!
قعد يضحك وقال لي بحبك! ♥️
اليوم التاني بالصباح بعمل في الشاي وكنت بغني اغنية حماقي سمعتها عند صهيب وحفظتها وحتى حفظت إسم الفنان كانت بتقول:حبيتك يوم م إتلاقينا لما حكينا اول كلاااام حبيتك واحلف على دا تسمع زياده!
فجأه جا خاشي صهيب وقال لي!
لالا خلاص م عايز اسمع زياده! قعدت اضحك وقلت ليه كنت وين!؟لما صحيت لقيتك ماف! كنت في السطوح بشتغل!
=ايوا!
قبلت فجأه هو جا وقال لي ففو وفتح لي علبه كان فيها إسوره رهيبه كان مكتوب فيها حرفي وحرفو! خليت الشاي وبقي كل تركيزي معاو! هو انتبه وطفي الشاي وقال رايك فيها!
=حاجه جبتها انت اكيد ح تعجبني! مسك يدي وقال لي تعالي البسك ليها
فجأه جات خالتو سامرين ماره بالمطبخ! وقالت احم احم البيت دا فيه ناس على فكره! انا رجعت لي ورا وصهيب قعد يضحك وقال:بتصادفي إلا اللحظات ديل ي امي😂♥️
ضحكت ومشت لبسني ليها وقال لي طالعة حلوه شديد في يدك!
مرت ايام وتعامل صهيب معاي احلى من حلو! وحتى أساور جات اعتزرت مني بس حسيتها مجبوره!
م إشتغلت بيها وبقيت بس مركزه على حياتنا!♥️
بحب صهيب شديد شديد و ح أفضل أحبو♥️
النهـــــــــــــــــــ❤ـــــاية
