حبيت ود البندر(4)
بقلم سجي المدني
#حبيت~ود~البندر 《07》
#بقلم~سجى~المدني
سمعت ياسمين بتتكلم بالتلفون وكانت بتكلم مجاهد! وكانت بتقول ليه! عاين ي زول البينا انتهى وانا م عايزه منك اااي حاجه وااي فلس صرفتو على ح ارجعو ليك!.. اللحظه ديك فتحت عويناتي كبار! وقلت وبعلي وبعلي! كان عمو صالح عرف بكتله! نحن م عندنا هنا واحده بتنهي علاقته مع زول من غير سبب أو من غير م يعرف ابوها الحاصل شنو! والبت عندنا نهائي م بتعمل حاجه من راسها قبل م تكلم ابوها! ي ربي ياسمين ورت ابوها ولا براها! ااا اتزكرت إنو هي قالت م عايزه مجاهد معناته إتكلمت معاه من غير م يعرف عمو صالح وااي والله لو عرف بقطع راسك ي ياسمين شيلي شيلتك! هي كانت في الغرفه وشكلها سمعت صوت الماسوره اتلفتت عليها بس قبلي م تشوفني جريت! وانا لسه بفكر في نفس الموضوع! كر على هسي لو امها في م كانت خلتها عملت زي دا! بس امها ميته!
ياسمين دي عايشه حاجه غير بيئتها! وعامله نفسها خلاص هي بت البندر!..
خشيت الراكوبه يمه قالت لي كنتي وين ي فطوم من قبيل بنادي ليك عشان تسوي الشاي! مع حنان(بت عمتي)
=مشيت اغسل يدي!
_خلاص امشي سوي الشاي!
=مشيت المطبخ لقيت حنان مولعه الكانون وخاته كفتيرة الشاي قبلت على وقالت! :فطوم واااي تعالى احكي ليك!
جريت لي بنبر جنبها وقلت ليها احكي!!
_واااي ي فطوم م شفتي صهيب سمح كيف!؟ حلات السرور عليه! اريتو راجلي ي يمه!
اللحظه ديك قربت اقوم واكفتها! حسيت إني ماف زول بقدر يقول إنو صهيب سمح غيري انا!!
صريت ليها وشي وقلت:سوى شاهيك ومالك ومال سماحتو!
إستغربت فيني وقالت:أجي كيفن مالي ومال سماحتو! قومي مني قومي قومي!
عاينت ليها وطلعت بعد شويه جات خاشه ياسمين وكانت مبسوطه طوالي خشت لي حنان في المطبخ!
“حنان وياسمين في المطبخ”
ياسمين:ونهيت علاقتي مع مجاهد!
حنان نططت عيونها كبار وقالت:كيف يعني! ن ن نهيتيها كيف يعني!
ياسمين! :نهيته عديل كدا انا دايره صهيب يختي!
حنان:وااي والله لو عرفك عمو صالح بقتلك! انت م عارفه م عندنا مره هنا بتاخد قرار براها! وبعدين صهيب شنو التعرسي انت!
ياسمين عقدت حواجبها وقالت:كيف يعني صهيب شنو الاعرسو!
حنان:ياسمين.. صهيب دا حقي انا!
ياسمين قامت من البنبر وقالت:م عشان علمتك لهجت بنات البندر! تطلعي لي فراسي! وتقلي أدبك! وكمان عايزه تعرسي الانا عايزاه!
حنان:ياسمين! احسن ليك اوعك تقلي أدبك معاي! والله لو قللتي مني تاني تعرفي مني حاجه تانيه!
____
فاطمه:-
إستغربت في ياسمين وإنو ليه طوالي خشت لي حنان بالطريقه دي! اه نسيت هي م صحبتها واكيد ماشه توريها بالخبر! ااخخ خايفه عليك شديد ي ياسمين!
___
صهيب:-
اليوم التاني بالصباح بعد ودعت ناس حبوبه ومشيت بيت ناس فاطمه! بس حسره لقيتها نايمه! طلعت من بيتهم طوالي ركبت العربيه واتحركت على الخرطوم!
زي الساعه١وصلت!
سلمت على ناس وامي وقعدت معاهم!
اساور:صهيب انت هسي يعني كيف قدرت تقعد اليومين ديل معاهم! انا ربع يوم م بقدر خلي يومين!
=دي إنت ودا انا بنختلف صاح ولا م غلط!
اساور:غايتو بس الحمدلله!
ليلي:خلي ي أساور اصلا صهيب م بسمع كلامنا!
=امي ابوي عايز اتكلم معاكم في موضوع!
امي:إتفضل ي ولدي!
ابوي:إن شاء الله خير
=خير الحمدلله
امي:اها قول
=انا طلبت يد فاطمه من عمو حسن!
امي قالت وبفرح وببسمه للضرس:اخيرا مناي ح يتحقق!
أساور فتحت عيونها كبار وقامت من الكرسي وقالت:يوع يوع يوع طلبتها كيف يعني انت م جادي!؟
=أساور لمى نفسك عشان م اقوم اغلط معاك!
أساور قالت وهي بتحاول تبكي! :شفتي ي امي شفتي عشان البت القرويه المتخلفه ديك عايز يرفع يدو على اختو!
صهيب قال بنهره:اساور سيبي قلة الأدب دي انا هسي رفعة يدي عليك وريييني!؟
أساور طلعت دموع منها وجرت فاتت الغرفه!
ليلي:لا بالجد ي صهيب انت فقدت عقلك!
وهي كمان فاتت الغرفه!
امي:م تشغتل بيهم ديل قليلات ادب ساي!
ابوي:انا م عندي مانع نهائي إنك تعرس فاطمه بس مش كان نمشي نحن كلنا معاك وتتقدم ليها
=انا هسي م أتقدمت ليها رسمي انا اتكلمت مع عمي حسن وقلت ليه إني بس عايز احجزها وبعد تتم ١٨ سنه ح اعرسها!
امي:معاك في كل قرار ي ولدي!
ابوي:وانا برضو!
“ليلي واساور في الغرفه”
أساور وهي بتقوم من السرير وبتمسح جبهتا بيدها قالت:لا بجد يعني صهيب دا جنه كيف يعني يعرس ليه قرويه! هسي البنات الرشحناهم ليه ديل كلهم م عجبنو!؟ لا وفي الاخر يقول عايز قرويه!
ليلي:غايتو لو جات وقعدت معانا في البيت دا انا ح انتحر عديل!
اساور:والله ي ليلي ح اضوقها الحنضل! م ح اخليها تعيش بسلام!
ليلي:انا خايفه نفسي اقتلها!
____
فاطمه:-
بالصباح أثناء م بشرب في الشاي يمه قالت لي صهيب سافر ولمن جا يودعنا لقاك نايمه! اللحظه ديك اللقيمه الكانت في حلقي خنقتني! وبقيت بكح بسرعه ودموعي جرو! يمه بقت بتدبلني في ضهري وادتني مويه شربت وقالت لي مالك ي بت شن في!
=لالا ماف شئ!
شربت ومشيت خشيت العوضه وانا مخنوقه شديد ودموعي في عيوني! قربت ابكي عديل! م عارفه ليه متضايقه من مشيتو ي ربي دا شنو!؟
يوم ورا يوم وانا بشتاق لي صهيب وشديد كمان!.. م عارفه الأنا حاسه بيه دا شنو! قلت إلا امشي اسأل خدوج!! لبست توبي ومشيت!
فطوم:خدوجججج😍
خدوج:فطوم!
فطوم:كيفك!
خدوج:كويسه الحمد لله
فطوم:عايزه أسألك سريع كدا عشان ماشه!
خدوج:أسألي!
فطوم:بتعرفي صهيب!
خدوج:صهيب؟!!
فطوم:صهيب ود عمو حامد!
خدوج:اايا اايا عرفتو! مالو!
فطوم:الود دا انا كل يوم بشتاق ليه م عارفه ليه ي خدوج!
خدوج بإبتسامه:بتغاري عليه!
فطوم:بتغاري عليه؟؟!!
خدوج:قصدي بتزعلي مثلا لمن بت تقعد معاه وتتكلم معاه أو لمن تقول هو سمح وكدا يعني(طبعا خدوج مشت النبدر واتعلمت كلامهم!)
اتزكرت لمن ياسمين كانت قاعده معاه وانا إتضايقت شديد ولمن حنان قالت هو سمح وانا م رضيت! قبلت عليها وقلت:اياا!
قامت من السرير وهي مبستمه وبتقول واي واي واي!
=شن في ي خدوج؟!
_انت حبيتي معقوله!
= حبيت!؟
_حبيتي ي بت حبيتي صهيب صهيب!
قمت السرير وقلت ليها كيف يعني حبيت صهيب!
=ي بت أغلبية المؤشرات بتقول كدا! إنو إنت بتحبيه يحليلك ي فطوم!؟
_شن في!
_هسي قولي عجبنو بنات البندو و م عرسك انت! وهو اصلا بعاين لينا!؟
=شن اعمل ي خدوج!؟هسي زاتوو م وقتو حبي دا!
_م مشكله حبيبتي! لو القسمه جمعتكم متأكده ح تعرسي!!
طلعت من خدوج وبقيت بقول مع نفسي! ي ربي هو بحبني! انا الحب دا زاتو م حصل حسيت بيه بس بسمعو عند الناس وفي المسلسل!..
بس أكيد هو م ح يعاين لي انا! اكيد ح يعرس بنات البندر البفكن شعرهن! والبعملن روج! والبلبسن البناطلين! والفساتنين السمحه والمفتحه!
طلعت من دوامة التفكير دي بصوت يمه لمن جيت داخله! و قالت لي فطوم ي بتي قالو عمك صالح جا عشان كدا ح نمشي نتغدا معاهم سوى الملحات وانا بوسي الكسره ؟!
=كويس!
طلعت توبي ومشيت على المطبخ وبقيت بسوي فيهن! قلت ي ربي عمو صالح لو عرف بالعملتو ياسمين شن ح يعمل!؟ انا خايفه تاني م يخطب ليها عديل! أصلا الطريق الماشه فيهو ياسمين دا من أولو غلط!..
زي الساعه ٣اتحركنا مشينا سلمنا على عمو صالح! ي يمه عاد بقى حلات السرور عليه ابياض وناير! وسمح! وعاد المركوب النضيف دا م يديك الدرب والجلابيه السمنيه وب علينا! بس الشئ الخايفه إنها تتلطخ بدم ياسمين وكر عليك الليله! انا متأكده إنو عمو صالح دا جاي لي حاجه! لأنو لمن يجي البيت كلو بكون عارف!.. لكن الليله ح تحصل مصيبه!
بعد إتغدنيا عمو صالح قال لينا كلكم اتلمو في الراكوبه! وب علينا خلاص نتجهز لي الجاينا!
___
صهيب:-
كل الايام المرو دي انا راسي شغال تفكير! في إنو فاطمه ح تقبل أو لا! ايوه عارف إنو عندهم كلام الراجل بيمشي والمره هي البتسمع والبتنفذ! بس انا الاهم عندي رأيها هي لأنها هي الح تعيش معاي!
كل م تمر على لحظات صعبه! بتذكرها هي وكانت ملاح وشها كفيله بإنها تهديني في اللحظات دي او تثبتني!
تقريبا سمعت إنو عمو صلاح جا ف إنتهزت الفرصه دي وقلت امش! بس تاني غيرت رأي وقلت م أكتر البوش! ♥️😂…
كل المره لمن أمشي ليهم بتعلق
بيها اكتر! وشوقي ليها بزيد! وكدا م بقدر اتحمل بعادي عنها! عشان كدا تاني ح اخفف مشيااتي!
ي رب هي كيف هسي كويسه!؟
