حبيت ود البندر (3)
بقلم سجي المدني
#حبيت~ود~البندر 《3》
#بقلم~سجى~المدني
ہہـــــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
اليوم التاني بالعصريه قلت لي امي ماشه اسلم على حبوبه! قالت لي كويس! لفحت توبي وطلعت مشيت!
بس قلت اول كديه اغشي خدوج! طبعا هم مسافرين بكره! خشيت ليها لقيتها قاعده في العوضه! قلت ليها العروس! رفعت رأسها وإبتسمت وقالت لي فطوم!
=بكره مسافره البندر!؟؟؟؟
_ااايا ااايا صدقي ي فطوم واخيرا ح اشوفها♥️😂
=تصلي بالسلامه ي خدوج!
اتكلمت معاها وطلعت! لقيت حبوبه قاعده في الراكوبه ومعاها ياسمين! سلمت عليهم وقعدت!
ياسمين:ياريتك لو مشيتي معانا البندر! عاد حلات السرورو عليها!
=بري احسن لي بلدي دي!
حبوبه:مش ي بتي!
بقيت اتونس معاهم وفجأه جا خاشي صهيب انا كنت منزله طرحتي سرعه سرعه رفعتها! جا مد يدو لي وانا بقيت بعاين ليها مسافه بعدين مديت يدي! قال لي كيفك!
=تمام الحمدلله..
_الحمدلله
=مبروك العمره عقبال الحج!
كنت خجلانه ومنزله راسي قعد جنب حبوبه في السرير وقعد يتونس معاها ومره يعاين لي ومره يتونس مع حبوبه! تاني ياسمين شاركتهم الونسه ومشت جابت كرسي وختتو جنب المحل القاعد فيه صهيب! وكانت بتعاين ليه شديد! وكل مره تتكلم معاه! لصقه متخلفه!
طبعا انا بس بقيت بعاين ليها! واااي..
بعد شويه حبوبه عاينت لي وقال لي فطوم بتي أمشي شيلي البسله واحلبي العنزه قبل الواطه تمغرب!
=كويس!
_ياسمين أمشي معاها!
ياسمين:أسفه ي حبوب لاني صراحه المره دي م بقدر! لأنو ماشه لي إقبال صحبتي!
_ياسمين ي بتي يعني تخلى فطوم تمشي براها!
صهيب:خليها انا بمشي معاها!
اللحظه ديك انا رفعت عيني وبقيت بعاين ليه شديد وهو كذالك! بس إنتبهت لي نفسي ونزلت عيني!
مشيت جبت البسله وطلعنا وصلنا الزريبه! قبلي م احلب! صهيب قال لي بقيتي حلوه شديد ي فطوم!
عاينت ليه بإستغراب وخجلت نزلت راسي و م رديت!
صهيب:الخجل يليق بك♥️ِ
فطوم:انت بتجيب الكلام الحلو دا من وين!
ضحك وقال لي اول شئ بنتج من قلبي! وثانيا بجي في راسي! يعني الكلام دا يجيبو من قلبي وراسي! 😂♥️
قعدت اضحك فيه وقلت ليه م تاخرني ي زول خليني احلب العنزه عشان ارجع سريع البيت!
حلبت العنزه ورجعنا البيت!
أديت حبوبه البسله وقلت راجعه البيت بس صهيب قال إلا يوصلني لأنو الواطه بالليل وأصلا هو قال لي إنو الليله بايت معانا! وصلنا البيت هو سلم على يمه ويابا مشيت صليت المغرب! وجيت قعدت وهو كان قاعد وبتونس مع يمه ويابا! يمه قالت لي سوي شاي ولقيمات!
سويتهم وجيت ختيتهم! جبت الشاي وبدينا نشرب!
بعد ونسه طويله كنت بسمع فيها وكانت ناتجه من ناس يابا! نعست صليت العشاء ومشيت الراكوبه نمت عشان هم كانو قاعدين في الحوش!
___
صهيب:-
بالليل زي الساعه ١١ أثناء م كنت قاعد في السرير وبقلب في صور! فاطمه! اايوه عندي ليها صور لأنو كل م اجي باخد ليها صوره! كنت بتأمل فيها وفي ملامحها الحلوه زيها! يعني بالجد فاطمه دي اايه من الجمال!
فكرت وقلت إلا اطلب يد فاطمه من عمي حسن سريع سريع! حتى لو م إتزوجتها هسي احجزها! لقايت م تكبر أعقد عليها! انا اصلا ماسك نفسي ساي من إني اخد لي قرار متهور! واقول اعرسها هسي!
طبعا م ح اعرسها هسي لأنها صغيره وتعتبر قاصر! بس بعد تتم ١٨ سنه بالضبط ح أجي واعقد!
م ح أقدر اتحمل كل السنين دي! بس ح أجبر نفسي!عشانها! تصدقو انا م حصل حبيت ولا ح احب واحده زيها!
كل البنات الكانو برشحوهم لي اخواتي سواء كانو صحباتهم أو لا! م كانو بتقارنو بي فاطمه بحسها حاجه نادره شديد! ومافي زول بشبها! بحسها بس هي البتحستق الحب الأنا مدي ليها دا!
فاطمه في قلبي وح تفضل في قلبي♥️
___
#حتى_وانت_فقربي_اشتاق_إليك!
الليله صحيت الصباح بدري! سويت الشاي واللقيمات! وفرشت البيت جوا وغشيت المطبخ! يمه قامت إسوكت وجات قعدت جنبي جبت الشاي وانا وهي شربنا!
يابا جا وقال اجيب سيرمس الشاي واللقيمات!
اديتهم ليه ومشى!
“صهيب وعمو حسن في الصالون”
صهيب:عمي حسن عايز اتكلم معاك في موضوع ضروري!
حسن:زمني ليك ي لدي!
صهيب:صراحه ي عمي عايز اطلب يد فاطمه منك!
حسن بإبتسامه:ابشر ي ولدي!اديناها ليك! ولد عمها أولى بيها وبعدين نحن نلقي زيك وين ليها! ابشر أبشر والله!
صهيب:بس!
حسن: بس؟؟
صهيب!:انا هسي بس عايز احجزها ي عمي يعني م عايز اعرسها هسي!
حسن اختفت البسمه الكانت في وشو وقاال بإستغراب:كيفن الكلام دا ي صهيب ولدي!
صهيب:بالمختصر ي عمي العايز اوصلو ليك إنو فاطمه هسي صغيره وتعتبر قاصر! يعني انا م ح اعرسها هسي لأنها صغيره! بس مجرد م تتم ١٨ سنه انا ح أعقد عليها! وكلامي دا كلو جدي ي عمي!
حسن:بس صهيب ي ولدي نحن م عندنا بت بتعرس عشرين سنه! نحن من ١٥ ١٦ سنه بنعرس ليهم!
صهيب:خلي فاطمه تكون حالة إستثناء!
حسن: شن؟؟؟ إستثناء؟؟ ي ولدي!!
صهيب:هههه قصدي ي عمي خليها اول بت تعرس عندكم وعمرها عشرين سنه!
حسن:والله ي ولدي م عارفه اقول ليك شنو!
صهيب:قول العايزو
حسن:انت ود عمها وأولى بيها خلاص إتفقنا!
صهيب قال بفرح :بسطتني ي عمي+عندي طلب!
حسن:قول ي ولدي!
صهيب:م تفتح ااي سيره لي زول بالقلنا!
حسن:ليه!
صهيب:خليهم يعرفو لمن يتحقق كلامنا!
حسن:إتفقنا ي ولدي!
____
صهيب:-
صراحه اللحظه دي كنت مستنيها زمان!م إتوقعت عمي يوافق! لأنهم متشددين شديد! وبتمسكو بعادتهم لدرجه بعيده! يمكن المره دي الحظ وقف معي أو حبي هو الوقف معاي! انا لو عمي رفض ممكن اموت عادي في الموضوع دا! لأنو الموضوع دا مهم شديد بالنسبه لي!ومعتبرو موضوع حياة أو موت! لأنو بالمختصر فاطمه هي الاكسجين الأنا بتنفسو! لو انعدم انا بنعدم من الحياه! حقيقي انا بحس نفسي مرات مجنون شديد! لأنو ممكن اعمل ااي حاجه عشان احصل على اكتر قطعه نادره! ف إنها تكون ف حياتي!
يمكن فاطمه م حاسه بي الأنا حاسي! أو هي م بتكنى لي نفس المشاعر البكنها ليها! بس متأكد بعد اتزوجها! اكيد ح تكني لي نفس مشاعري واكتر!
عمري م كنت بعتبر حبي لي فاطمه إنو حاجه و ح تزول لأنو هي صغيره و م حتكون من نصيبي! لا كنت معتبرو أكبر معافره انا لازم اعافرها عشان أأحصل عليها! وحبي عمرو ليها م حيزول! لأنو الحب م كان بالعمر ولا بالزمن! الحب بالمعافره! والإجتهاد! عشان تحصل على القطعه النادره الإنت عايزها!
فاطمه حتفضل أفضل خيار انا إخترتو!
____
فاطمه:-
يابا جاب الصينيه وجا معاو صهيب سلم على يمه وسلم على وقعد يتكلم مع يمه! فجأه من غير مقدمات قال ليها ح اسافر بكره! اللحظه ديك م عارفه انا ليه زعلت! وكنت بس عايزه اقول ليه عليك الله اقعد معانا!.. اصلا انا بعرفوا من بتين عشان ازعل! دا شنو الانا حاسه بيه دا! عمري م حسيت بحاجه زي دي إتجاه زول! أو قصدي اقول ولد!
عمري كلو م حصل إرتحت لي ولد!أو بالأصح روحي اتعلقت بيه! ياسر ود عمو صالح بكون بتين عايزه يطلع من بيتنا لمن يجينا عشان ارتاح! بس حاصل العكس!
بقيت بعاين ليه وهو بيتكلم مع يمه ويمه بتقول ليه:ليه ي ولدي تم معانا الإسبوع دا وامش!
_المره الجايه بجيكم بقعد معاكم شهور خلي إسبوع!
قام مشى وانا كنت متمنيه يتكلم معاي أو يفتح خشيمو معاي بس ليه م عارفه!
أثناء م قاعده في السرير يمه طقتني وقالت لي فطوم الليله الجمعه!؟
=ايااا ي يمه!
_نسيتي الليله بنمش ناس حبوبتك! قومي سوي الملاحات وعوسي العصيده!
=كويس!
قمت سويتهم وزي الساعه ١١ مشينا ناس حبوبه ومشى معانا يابا وصهيب! ناس يابا خشو للرجال في الصالون! ونحن قعدنا مع ناس حبوبه! حتى لقيت عماتي كلهم ومعاهم أولادهم! وياسمين معاهم!
بعد إتونسنا ختينا الفطور وفطرنا! قمت عايزه اغسل يدي! عاملين لينا ماسوره كدا بضهر! العوضه!مع إنو في الإبريق بس بحب الماسوره! طلعت من الراكوبه ومشيت عليها! أثناء م بغسل يدي سمعت ياسمين وهي بتتكلم بالتلفون!
