رواية جميلتي (4)
بقلم مروة يوسف
#جـميلتي《4》😍
#بقلم_ مروة_يوسف
ايناس: همام 😭😭😭😭😭خطوبتو الجمعة الجاية من ايمان😭😭😭😭💔💔
خالد: كيف يعني😳😳والكلمك منو ؟؟؟😳😳
ايناس: مش الايام الفاتو انا تلفوني كان بايظ ؟؟؟وانت مشيت صلحتو لي امبارح ؟؟؟ يلا من قبل م تصلحو اتصلتا علي همام من تلفون تقوى اختي وكلمتو انو تلفوني بايظ وقعدت اسبوع بدون واتس وبدون م اتواصل معاهو بعد صلحتو لي امبارح وقلتا اعملا ليهو مفاجأة دخلت بليل الواتس لقيتو خاتي اسكرين شوت في حالتو💔😓😓
خالد: فيها شنو💔💔احكي💔💔
ايناس مدت لي التلفون وفيهو الاسكرين💔(محتوي الاسكرين)
همام: ايمان عندي ليك مفاجأة
ايمان: شنو حبيبي ؟،، همام: اخدي لي ميعاد مع ابوك انو الجمعة الجاية حاجيكم اتقدم ليك😉
ايمان: واااااو ي همام😍😍😍انت جادي ؟؟؟؟؟ حااااضر حاكلمو ليك🙈🙈🙈🙈انا بحبك
همام: وانا بحبك😍😍
لمن شفت الاسكرين زعلتا واتخنقتا شديد م قدرت اشوف دموع ايناس
خالد: وقال ليك شنو ؟؟؟ ايناس: ولا شي💔😞
خالد: بيلقاهو😠،،، ايناس: خالد انا م قادرة اتحمل😭😭😭
خالد: عارف شعورك والله لانو مريت بالحالة دي💔💔
قضينا يومين سيئين شديد ايناس كانت زعلانة وانا كنت بحاول اراضيها كانت بتبسم لكن م زي زمان
جا يوم الجمعة ودمعتها م وقفت ولا دقيقة م قدرتا اتحمل شلتا تلفون ايناس وسجلتا رقم همام وطلعتا
ــــــــــــــــــــــــــــــــــــــــ
تاني يوم المغرب
خالد: عمي انا داير اسوق ايناس مطعم
فاروق: السبب شنو ي ولدي الكلام حيكتر عليكم وانا بخاف علي سمعت بتي
خالد: عمي خليك واثق فيني و حاسوق معانا نون السبب انو ايناس الفترة دي زهجانة شوية
فاروق: انا واثق فيك ي ولدي امشو
كلمت نون وايناس يلبسو لبسو وطلعنا
وصلنا المطعم وقعدنا نون لاقت صحبتها واختها قعدو معانا انا قمت منهم
ايناس: ماشي وين💔💔،،،خالد: البقالة عايز اشتري ليكم حاجات
ايناس: م تتاخر💔،،، خالد: حاضر واهي نون جنبك م حيحصل شي
اتحركتا منهم ايناس ندهت لي
ايناس: خالد💔💔انا ماشة معاك
خالد: ارح طيب❤️ ،،، طلعنا وبقينا ماشين مرينا بي بقالة
ايناس: خالد اهي بقالة ،،، خالد: م ماشين بقالة ماشين حتة تانية
ايناس: وين😳💔،،،،، خالد: امشي من سكوت انا في راسي حاجة
مشينا لمن وصلنا العمارة الفيها شقة همام وقفت قدام العربية واتصلتا علي همام
خالد: الو يا ** ي عفن ي*** كان راجل تعال لي برة
ايناس: واااي خالد دا كلام شنو😱😱😱
خالد: خليك قريبة مني ولمن اقول ليك اجري تجري
ايناس: شنو ؟؟؟😱😱😱
اقل من دقيقة وسمعنا الباب بفتح مسكت يد ايناس وجرينا😂😂همام شافنا جارين جرا ورانا
همام: ي*** اقيفو انتو لو اولاد رجال ي**
وصلنا ضلام ووقفت ايناس بعيد ووقفت لي همام اول م جا وقعت فيهو ضرب اتفشيت فيهو الغضب ودفعتو تمن اي دمعة نزلت من ايناس
خالد: دي لانك خليت ايناس تبكي ونزلتا دموعها الغالية لانك م اديتها حاجة غير الحزن
ايناس: خالد خليهو خالد ابعد منو💔💔💔💔
بعد اتفشيت وتعبتا رميتو في الارض
خالد: يا تافه م بتشبه الرجال وحركاتك م حركات اولاد رجال
همام: انا اسف💔💔والله اسف💔
ايناس بقت واقفة بعيد وبتعاين لينا مسكت همام رفعتو وتكلتو في كتفي وديتو البيت
خالد: عشان م اخليك في الشارع مرمي ،دا م طبعي لكن لمن تأذي ايناس او تقرب منها ساي اتاكد انك فاتح علي نفسك باب من جهنم😠
وقفتو فتح الباب ودخل رجعنا انا وايناس المطعم طول الشارع كانت ساكتة وم قالت شي دخلنا بقالة اشترينا الدايرنو وجينا طالعين ايناس وقفت في الشارع وكانت بتفكر
خالد: مالك وقفتي ؟؟ ارح
ايناس: ليه عملتا كدا💔💔ليه ضربتو ؟؟؟💔💔
خالد: بعد دا كلو بتدافي عنو ؟؟💔😠بتسأليني ليه ضربتو؟😠😠
ايناس: انا م بدافع عنو بس بسألك ليه💔
خالد: م قدرتا اتحمل شوفتك مكسورة وم اعمل شي😠م قدرتا اتحمل م اتحملت كسرت قلبك💔💔م اتحملتا💔😠
اعصابي فلتت وبقيت بصرخ فيها ايناس خافت ورجعت مني لي ورا لمن شفت الخوف في عيونها هديت
خالد: انا اسف م حاكورك تاني💔💔
ايناس: طيب وريني السبب شنو ؟؟💔💔ليه م اتحملتا وجعي وليه دافعتا عني💔💔قول لي💔💔
انا هنا م عرفت اقول شي بقيت واقف ساكت وبعاين ليها انا زاتي م عارف اقول شنو او ليه عملت كدا
ايناس: خالد💔جاوبني💔💔
في اللحظة دي اتصلت نون
خالد: ارح دي نون اتاخرنا عليها،،، مشيت وم قلتا ليها شي
رجعنا البيت وكنا ساكتين بس نون بتتكلم مع ايناس رقدتا في سريري قعدت افكر
كلامها صح ليه م اتحملتا اشوف وجعها وم اتحملتا دمعة عينها ليه عملت دا كلو ؟؟؟ انا طبعي م كدا ليه ضربتو السبب شنو ؟؟؟؟ م يكون انا….. لالا ياخ ،،، وليه لا ؟؟؟؟
بقيت مساهر وبفكر فيها في عيونها العسلية وضحكتها الحلوة في شعرها الناعم وتحملها لي حركاتي
قمت من سريري وفتحت باب الشارع
فاروق: دا منو ،،،، خالد: دا انا ي ابوي
فاروق: مالك خير ان شاءالله ماشي وين
خالد: م جايني نوم قلتا اقعد برة شوية احتمال انعس
فاروق: الساعة 1 بليل مالك م قادر تنوم
جيت قعدت جنب ابوي فاروق
خالد: م عارف والله بفكر كتير وفي اسئلة كتيرة في راسي م لاقي ليها اجابة
فاروق: حتلقا الاجابة بس لمن توسع فكرك وتتمهل في التفكير
خالد: راسي شاطب والله خايف اخد خطوة واكون غلطان او م اكون قدر الثقة خايف اكون سبب حزن بس💔💔
فاروق: مدام انت خايف علي الموضوع دا كدا يبقا انت قدرو
خالد:بالجد💔،،،، فاروق: لو م كنت خاتي للموضوع دا اهمية كبيرة م كان فكرت فيهو كان بس فكرت في نفسك واخدتا خطوة كبيرة وحتي بدون م تشوف عواقبها
خالد: يعني ؟؟؟؟،،،، فاروق: فكر علي مهلك واتوكل علي الله
شكرت ابوي فاروق وقمتا سريري رقدتا وختيت يدي تحت راسي وبقيت بتأمل في النجوم وببتسم وشارد في تفكيري
فاروق: خالد❤️ ،،، خالد: نعم ي ابوي
فروق: حتقدر تسعدها❤️❤️
خالد: اسعد منو ؟؟؟ ابوي فاروق م جاوب علي ورقد نام خلاني شارد زيادة
ــــــــــــــــــــــــــــــــــــــــ
تاني يوم الصباح جاتني ايناس
ايناس: خالد ممكن تمشي لي الدكان ؟؟
خالد: جدا دايرة شنو ؟؟
ورتني الحاجة الدايراها مشيت جبتها شالتها مني
ايناس: خالد انا اسفة لانو امبارح زعلت منك في تصرفك والليل كلو كنت بفكر في العملتو
خالد: م مشكلة في النهاية انتي بت عمي وم برضا تتأذي منك شعرة وبعدين هو م بيستاهل انك تزعلي وتبكي عشانو
ايناس:حاضر 😁😁اصلا اتأكدت انو م بيستاهل ازعل عليهو وربنا يسعدو
خالد: ان شاءالله يكون كلامك صح
ايناس: بالمناسبة الليلة طالعين رحلة انحنا الشباب
طلعنا واتنزهنا وفرحنا وتلفون ايناس كان بتصل وهي بتصمتو عاينت لي لقتني مراقبها فهمت من نظرتها انو دا همام. اتضايقتا وشلت تلفونها حظرتو واديتو ليها
ــــــــــــــــــــــــــــــــــــــــ
(بي صوت ايناس)
مرا اسبوعين وعلاقتي مع خالد بدت تتحسن وبديت اتعلق بيهو كنت ملاحظة اهتمامو بي م كنت عارفة تعلقي بيهو كان حوجة او لانو دافع عني او شنو بالظبط كنت كل يوم بتأملو وانحنا بنتكلم او لمن يهظر مع اخوانو او اخواني كنت بشوف فيهو حاجات حلوة ❤️❤️ كنت بحس بي حاجة م قادرة افسرها هي شنو شعور جميل اني اكون جنبو بدعي انو م يجي اليوم الحيسافر فيهو💔💔كان اول زول بحكي ليهو الحاجة البتضايقني
ــــــــــــــــــــــــــــــــــــــــ
(بي صوت خالد)
كنت قاعد بتكلم مع احلام اخت ايناس الصغيرة عمرها 12 سنة
احلام: بكرة ماشين لي ناس حبوبة
خالد: ماشين ؟؟💔😳
احلام: اي حنمشي نقعد معاها
ايناس حتمشي تخليني💔💔وم حاقدر اشوفها قريب💔💔
جات ايناس ماشة بي جنبنا
خالد: ايناس ،،، ايناس: ايوة
خالد:ممكن كلمتين ؟؟؟ ايناس: والله مشغوولة والله شغالة في المطبخ ارح هناك نتكلم
مشينا المطبخ وكانت بتسوي في بيتزا
ايناس: اها عايز تقول شنو ؟؟
خالد: حتمشي لي حبوبتك بكرة ؟؟
ايناس: لالا ماشة امي واحلام واياد اخوي وحنقعد انا وفدوى ومحمد هنا
خالد: بالجد😍😍😍يعني م حتمشي ؟؟؟ يااااا فرحتي😍😍
ايناس: وسببها شنو الفرحة دي😏
خالد: ااا😅😅انو ابوي فاروق م حيمشي😄،،، ايناس: امممم وليه م مشيت سألت ابوي 😏😏
اتحرجتا بقيت باكل في الجزر تاني شلتا زيتون
ايناس: هوي😳وقف خشمك شوية دا شنو دا شغال هرس في الحاجات
خالد: الجابهم منو😌،،، ايناس: خلاص طيب كملهم والعجين دا اعملو قراصة واكلها😒
خالد:خلاص خلاص😅،،،، ايناس: م تتهرب من سؤالي 😏😏
خالد:ماف مفر يعني🙄طيب ،،لانو م عايزك تمشي
في اللحظة دي ايناس وقفت شغلها كانت مدنقرة وخدودها حمرو وابتسمت
خالد: لانو حافقدك❤️و…
ايناس رفعت راسها: و شنو🙈🙈
عايز اتكلم جا محمد داخل
محمد: خالد انت بي جاي ؟؟؟ انا بفتش فيك من قبيل
خالد: الله يقبحك🐸💔،،، محمد: قلتا شنو
خالد: قلتا ود حلال هسي جيت اسأل منك هنا🐸💔
محمد: ارح ي مان عايزك في موضوع كدا
طلعنا ومحمد قاعد بيتكلم معاي سمعنا صوت صرخة جاية من المطبخ
