رواية جميلتي(3)
بقلم مروة يوسف
# جميلتي《3》
#بقلم _مروة_يوسف
اديتها هدومي تغسلهم رميتهم ليها في وشها
ايناس: ياااااااع
دا شراب ولا فار ميت
لا اله الا الله محمدا رسول الله غايتو مرتك بعدين الله يعينهام بعرف حتتحملك كيف
خالد: اهي هسي متحملاني
وشايلة هدومي تغسلها وكمان عايزة تكوي لي
ايناس: في احلامك
مشت غسلتهم لي وبدت تكوي فيهاحنيت علي حالتها ناديت نون تكويهم بدلها من قامت مشت رقدت في السرير نامت مشيت الدكان جبت ليها حاجات وجيت
انتظرو حتعرفو بعد شوية
ــــــــــــــــــــــــــــــــــــــــ
(بي صوت ايناس)
كنت نايمة بعد التعب الجاني من الاسمو خالد
صحيت لقيت الغرفة مقفولة علي قمت ولقيت شريط مربوط في صباعي جيت عشان افكو لقيت فيهو رسالة ( اتبعي الشريط
) تبعتا الشريط لقيت نهايتو في تربيزة فيها وردة بيضاء
وفيها صندوق فكرت
ايناس: احتمال الحاجةدي م حقتي
لكن لو م حقتي ربطو الشريط دا في صباعي انا ليه ؟؟
لالا ياها حقتي
شلتا الصندوق
صندوق احمر ومربوط بي شريط ابيضفتحتو لقيت فيها شوكلاتةبقيت انطط شلتا اكياس الشوكلاتة لقيت في صندوق جوة فتحتو لقيت فيهو 3 اندوميصرخت من الفرح شلتهم لقيت في علبة صغيرة جوة
ايناس: وااايلالا انا اكيد بحلم اكيد بحلموااااي همام م جاب لي مفاجأة زي دي
فتحت العلبة لقيت فيها اسورة فضية فيها الماسات وفيها ياقوتة كبيرة شكل قلب
شلتها طوالي لبستها وخميت حاجاتي وقعدت في نص السرير واتربعتا وبديت اكل
ــــــــــــــــــــــــــــــــــــــــ
(بي صوت خالد)
كنت مراقبها من صحت من النوم ولمن كانت بتنطط وهي مبسوطة حسيت بي راحة نفسية وانا شايف ابتسامتها وخصوصي لمن كنت انا سبب الابتسامة دي
قعدت في السرير وبقت تتكلم مع نفسها وخشمها ملان شوكلاتة
ايناس: وااااي انا حلمانةدا حلم حلو م عايزة اصحا منولالا ياخ م حلم اكيد حلم ي بت حيكون منو عمل كدام مهمالله اليقرصني زول عشان اتاكد اني م حلمانة
جيت بي وراها براحة وقرصتها في يدها شديييد
ايناس: اااااي
مالك ي خالد معاي
خالد: قلتي اقرصوني وقرصتك
ايناس: لكن م قاصدة المعني الحرفي
خالد عاين عليك الله عليييييك الله
انا مبسوطة م تخرب مزاجي
رجاااااءا رجاااااءا
خالد: اخرب مزاجك وانا الخليتك تنبسطي ؟؟
ايناس: دا انت ؟؟
لالا مستحيل
خالد: حيكون منو يعني جدي الشفيع الله يرحمو ؟؟
ايناس: ي سلاااامود عمي الظريف اداني هدية Big love
قعدت جنبها في السرير ومديت يدي عشان اشيل شوكلاتة بعد مسكتها ضربتني في يدي ووقعتها مني
خالد: مالك ي بت الناس
،، ايناس: دي حقتيم بديك ليه م اشتريت لي نفسكتمر الفكي شايلو ومشتهي
خالد: يشوي راسك،،، خطفت شوكلاتة ووقفتا ورفعتا يدي منها
ايناس: خالد بطل عوارة ورجعها لي
والله م بزعل منك
خالد: ابيت
،انا جبتهم عشان اراضيك وم تزعلي من العملتو فيك
ايناس:بالجد،، خالد: وكنت عايز اقول ليك انو حانسي السمعتو المرة الفاتت وم حتتعبي معاي تاني
ايناس: يوم الهناء،،،، خالد: لكن م حيحصل كلو عشان م دايرة تديني شوكلاتة
ايناس:ليه بس خلاص هاك الشوكلاتة م تغلي عليك
خالد: شكرا ،،، شلتها ومشيت خليتها زهجانةوقفت في الباب وعاينت ليها رميت فيها الشوكلاتة اتلفتت علي
خالد: نسيت الحاصل خلاص
وتتهني بيها
فرحت وتمت اكلها
ــــــــــــــــــــــــــــــــــــــــ
بعد اسبوع كان زواج عمي مؤمن هديت من تصرفاتي مع ايناس بقيت م بضايقها وم بسألها من شي وهي هدت وبقت م بتتغاظ من حاجة وحتي في الحفلة م سألتها من مكياجها ولا لبسها في الصالة قعدنا كلنا الشباب في تربيزة واحدة ايناس قعدت جنبي وكانت بتعاين لي وانا مطنشها
ايناس: خالد مالك في شنو ؟؟؟(عاينت ليها وانا ساكت) مالك م علقتا علي فستاني ولا علي مكياجي
خالد: لانو م فيهم شي بخليني اتكلم
بعترف انو المرة الفاتت اتعاورتا شديد وبعتذر (قمت من التربيزة مشيت علي الحمام قامت وراي ومسكتني من يدي)
ايناس: خالد مالك في شنو ؟؟ انت م علي طبيعتك في حاجة
خالد: ايناس انا متضايق ممكن تخليني براي ؟؟
ايناس: تعال معاي(ساقتني وطلعنا برة ) احكي لي مالك في شنو
خالد:
حبيبتي اتزوجت قبل سنتين وهسي عندها بت اتصلت علي الليلة وكلمتني انها اتطلقت بي سببي
ايناس: شنو ؟؟
كيف يعني
خالد: قالت راجلها شاف مراسلتنا القديمة المحتفظة بيها وشاف صوري واتشاكلو وهسي قالت لي انا بحبك وعايزة ارجع ليك
ايناس: وانت قلبك بقول ليك شنو ؟؟
خالد: انا م حارجع ليها نهائي لاني خلاص نسيتها ومستحيل افكر ارجع ليها
ايناس: طيب مالك متضايق ؟؟؟
خالد: م عارف حاسي بي وجع قلب وحاسي اني حاخسر حاجة غالية علي قلبي (قبلت عليها وبقيت بتأمل في عيونها)
ايناس: م تقول كدا م حتخسر حاجة تاني انا متاكدة
خالد: حاسي بي وحشة احساس م حلو حاسي بي الحنين لي زول وم عارف منو
ايناس: خالد انت بتحب ؟؟؟
ايناس: خالد انت بتحب ؟؟؟
خالد: لالا مستحيل م بحب ولا عايز احب
ايناس: طيب اهدا هسي انا م قلتي شي بتزعل
خالد:،،،، ايناس: كدي هسي اهدا وارح نكمل الحفلةبتعرف ترقص ؟؟
خالد: انا ؟؟؟؟ كملت حفلات لبنان كلها
ايناس: انا م بصدق بالقول بصدق الفعل بسارح قدامي نرقص
خالد: انوسة ؟؟؟ ،،، ايناس: وايانا سمعتا صح ؟؟
خالد: معولقةشكرا ليك
ايناس:علي شنو
،،، خالد: لانك خليتيني اطلع الجواي
ايناس: م مشكلةارح الحفلة هاهاها (وبدت ترقص مع الاغنية)
خالد: ي ببببت بطلي رقيص
ايناس: ايواااا دا خالد البعرفوارح كمل علي المنوال دا
خالد: ارح طيب
مشينا الحفلة ورقصنا وفرفشنا
ــــــــــــــــــــــــــــــــــــــــ
تاني يوم من الصباح عمي احمد الكبير رسلني السوق وايناس مشت تشتري حاجة سوقتها معاي وطلعنا اشترينا حاجاتنا
ايناس : خالد انا جعانة
خالد: خلاص طيب ارح نفطر ،،، دخلنا مطعم واكلنا قعدنا نتونس جانا واحد اخدراني اقصر مني بي حاجة بسيطة وقف قدامنا وصاري وشو ايناس شافتو سلمت عليهو
ايناس: همامازيك ؟؟؟
همام: دا منو،،، وقفت انا علي حيلي ومديت ليهو يدي
خالد: انا خالد ود عم ايناس جيت من لبنان
همام: علي اساس انك م بتطلعي مع زول م بتعرفيهو حق المعرفةودا جا ليهو كم لمن اتعودتي عليهو وتطلعي معاهو
ايناس: همام اقول ليك دا ود عمي وبعدين طلعنا السوق وكان شارعنا واحد وجينا
خالد: انتي بتبرري لي منوليه تبرري ليهو كدا هو منو هو اصلا
في الوقت دا جات بت صفراء طويلة وقفت جنب همام
ايمان البت: همام مالك في شنو ؟؟؟
همام: ايمان اااااا انا،،، ايناس: همام ؟؟؟؟
همام: ايناس دي ايمان وايمان دي ايناس
ايمان: اتشرفنا
نمشي ي همام ؟؟؟
همام: اي ارح
قعدت في الكرسي لقيت ايناس بتعاين لي همام وايمان وكانت ساكتة
خالد: هو مالو كان متوتر كدا ؟؟؟
ايناس م انتبهت لي وكانت مركزة شديد معاهم
خالد: ايناسايناس: ايوة قلتا حاجة ؟؟؟
خالد: مالك شاردة وين ،،، ايناس: لالا ماف شي
ــــــــــــــــــــــــــــــــــــــــ
رجعنا البيت ودخلتا غرفتي كنت متضايق شديد وبس بفكر في همام وغالبني اتحمل طلعت الحوش برة لقيت ايناس برة قاعدة تحت الشجرة وبتفكر
خالد: مالك في شنو ؟؟؟،،، ايناس: بالي مشغول بالبت الكانت مع همام قبيل
خالد: غرتي ؟؟،،،، ايناس: دا حبيبي ي خالد يعني م اغير ؟؟؟
خالد: امممم،،،، ايناس: مالك انت في شنو ؟؟
خالد: ماف شي ،،،، قمت من جنبها ورجعت الغرفة قعدت اتكلم مع اصحابي في لبنان
ــــــــــــــــــــــــــــــــــــــــ
بعد اسبوع لاحظت ايناس م طبيعية ومتضايقة من حاجة حاولت اهظر معاها واضحكها م نفع غظتها برضو م نفع
خالد: ايناس مالك في شنو ؟؟؟؟
من قلتا ليها مالك البت اتفقعت بكاء قعدت في الارض من ا
لبكاء
خالد: ايناسم تبكياحكي لي مالك
ايناس: همام 
خطوبتو الجمعة الجاية من ايمان
