جميلتي 😍 (2)
بقلم مروة يوسف
# جميلتي《2》
#بقلم _مروة_يوسف
ضحكتا فيها واكلتا الاندومي ومشيت قعدتا مع عمي فاروق لمن الحفلة انتهت بعد الناس فاتو قعدنا العيلة كلها نتونس قعدتا اشاكل في ايناس تاني😆😆
فاروق العم: ي خالد انت مشكلتك شنو مع انوسة دي
ايناس: اسألو ي ابوي اسألو🙂جاب لي نفسيات والله
خالد: انا بكرهها البت دي😑😑
امينة(الحبوبة) :ليه ي وليدي مالها عملت شنو
خالد: من جات شالت حب ابوي فاروق كلو😑😑من قبل م تجي ابوي فاروق كان بحبني انا حتي اكتر من محمد ولدو الكبير
محمد: كويس انك عارف😂😂😂انا زاتي عارف وم مشكلة ي زول انت في النهاية توأمي وجينا في نفس الشهر
فاروق: لكن ي خالد دي اول بت لي😅وبريدها شديد
خالد: لا م تريدها اكتر مني😑😑انا بريدك اكتر منها ليه هي تحصل علي حبك اكتر💔💔💔ليه بس💔💔💔
قمتا منهم زهجان ومشيت خليتهم من الزعل م سمعتا اصواتهم وهم بنادوني مشيت قعدتا بي ورا الصالون في الضلام زهجان
ــــــــــــــــــــــــــــــــــــــــ
(بي صوت ايناس)
اتخلعتا بعد سمعت كلام خالد تلفوني ضرب وطلع سيد الريد🙈🙈همام🙈🙈🙈اتسحبتا براااحة ومشيت بي ورا اتكلم معاهو وانسجمتا شدييييد مع الونسة🙈🙈🙈🙈لمن سمعت صوت بي وراي لمن التلفون وقع من يدي😨😨اتجمدتا وم عرفتا اعمل شنو
ــــــــــــــــــــــــــــــــــــــــ
(بي صوت خالد)
كنت قاعد بي ورا في امان الله فجأة اسمع صوت ايناس جيت عشان اخلعها لقيتها بتتكلم مع حبيبها😆😆شغالة ي حبيبو وحبيبي😆😆وروحي 😆وبتعتذر لانها م قدرت ترجع ليهو انا وقفت في ضهرها وسمعت كلامهم بالحتة😂😂بعد قربت تقفل بعدتا شوية ونهرتها😂😂😂لمن التلفون وقع من يدها
خالد: ايناس😡😡بتتكلمي مع منو
ايناس: خالد ؟؟؟😰😰انا انا كنت😰😰😰اااا م تفهمني غلط
خالد: انا سمعتا اي شي وبي الثابت كمان 😠😠
ايناس: خالد عليك الله م توري ابوي💔💔والله حيزعل مني ي خالد مستعدة اعمل اي شي والله💔💔
خالد: اي شي😏،،،، ايناس: اي شي💔😰مع اني خايفة من نظرتك دي بس موافقة
خالز: سرك في بير😏بس تنفذي البقولو كللللو وبدون اعتراض😏😏
ايناس: حاضر😰💔
خالد: سمح😏ارح هسي قدامي
مشينا الحوش القدام مع العيلة ابوي فاروق شافنا جاين سوا
فاروق: اتفقتو ،؟؟😂😂،،، خالد: اااي اتفقنا مش كدا ي ايناس😏😏
محمد: كنتي وين ي ايناس
ايناس: انا كنت في الحمام
خالد: اتلاقينا هنا بي جاي واعتذرت مني واتفقنا خلاص
زين العابدين: كويس شديد❤️الله يهدي النفوس
ـــــــــــــــــــــــــــــــــــــــ
تاني يوم صحيت من بدري واتصلتا علي ايناس
ايناس: الو😪،،،، خالد: خناس😃
ايناس: نعم داير شنو😕،،، خالد: داير كيكة نشرب بيها الشاي
ايناس: الساعة5:30 انت ملاحظ ؟؟🙂🙂
خالد: وانا ماسك سرك انتي ملاحظة😏😏
ايناس: لا اله الا الله محمد رسول الله😭😭خليني انوم شوية
خالد: انتي وعدتيني لكن😏😏
ايناس: اااااه😩😩طيب
ظبطت لينا كيكة شربنا بيها الشاي وطلعتا ليها هدومي غسلتهم😂😂اليوم كلو عذبتها واتأمر فيها😆😆وهي قربت تبكي
ــــــــــــــــــــــــــــــــــــــــ
العصر قلتا اعمل ليها حاجة تراضيها مشيت لي عمي استأذنتا منو اسوق ايناس معاي مشوار عمي وافق،، مشيت عليها
خالد: ايناس تعالي جيبي تلفونك
ايناس: م تلفوني ي خالد💔💔بس دا الفضل وم عملتو😔💔
خالد: جيبيهو( شلتو منها لقيت الشاشة مكسورة شلتو ختيتو في جيبي) البسي عبايتك وارح قدامي
ايناس:وين😳،،، خالد: حتسألي كتير ،؟؟؟
ايناس: مشوار ؟؟😄😄لالا م بسأل ارح ارح🤩🥳
خالد:يلا بستناك برة😁😁،،، ايناس: دقيقة اقيف 😁😁البس ياتو عباية (طلعت عبايتين) دي ولا دي😁😁
خالد: انا بت🤨🤨؟؟ البسي الدايراها بس🤨🤨
ايناس:😒😒😒فيها شنو لو قلتا
خالد: البسي دي😄😄يلا سريع😒بديك 5 دقايق بس والقاك قدامي😒😒
ايناس وهي جارية وبتنطط: حااااضر😄😄
لبست العباية وعملت روج وجات طالعة
ايناس: خالد عليك الله م تعترض علي الروج دا🥺🥺💔💔 روج بس م معاهو شي تاني شوف🥺💔
خالد: سمح ارح اطلعي ،،،، شلتا مفانيح عربية عمي مؤمن وطلعنا
ايناس: اديني تلفوني🥺،، خالد:اسكتي😒😒
وصلنا السوق مشينا لي محل تلفونات غيرتا ليها الشاشة كانت بتضحك لي ضرسها الاخير😂😂اشتريت ليها جراب جديد واديتها التلفون بقت تضحك براها😂😂😂وسيد المحل متابعنا يعاين لينا ويضحك معانا😂😂
ضحكتها كانت حلوة❤️صوت قهقهاتها الجميل وعيونها العسلية 🧡🧡ومسكتها للتلفون زي الطفلة💙وحركات شفايفها وهي بتقول لي Thank you بدون صوت🤎🤎 اتبسطتا شديد
خالد: خلاص ؟؟؟ رضيتي ؟؟؟
ايناس: اكيييييد😍😍😍،،، خالد: ارح نشرب عصير ،،،، ايناس: ارح
دخلنا مطعم وقعدتها وطلبت العصير وطلعت البقالة الجنب المطعم بعد خمسة دقائق اتصلت علي ايناس وكانت بتبكي بي هستيريا
خالد: ايناس مالك في شنو💔😳بتبكي مالك الحصل شنو
ايناس: خالد😭😭😭انت وين😭😭
خالد:انا هنا في البقالة حصل شنو ؟؟اهو طالع عليك استنيني جيتك 💔💔
قفلت الخط وجريت علي المطعم لقيت ايناس لونها بقا شاحب وبترجف وبتبكي وفي بت بتهدي فيها
خالد: ايناس😧😧مالك💔💔
ايناس لمن شافتني زادت بكاء : مشيت وين😭😭😭😭ليه خليتني براي😭😭😭😭😭م عارف اني بخاف اكون براي في محل عام😭😭😭💔💔
خالد: ايناس انا اسف م عارف انك بتخافي💔💔انا اسف
البت مشت وقعدتا جنبها في الكرسي بسكت فيها ابت تسكت قعدت قدامها في الارض ومسكت يدها كانت بترجف وباردة شديد💔💔مسكت يدي وعصرتها شديييد وغمضت عيونها
خالد: ايناس ارح العربية ارح قومي
قامت معاي ومشينا ركبنا ورا قعدت جنبها وهي لسه ماسكة يدي شديد هدت شوية وبديت اقرا ليها في قرآن ختت راسها في رجولي وغمضت عيونها بقيت بمسح في راسها وانا بقرا
خالد: ايناس ؟؟؟،،، ايناس: نعم💔😥
خالد: انتي كويسة ؟؟؟
ايناس: اي كويسة هديت الْحٍمَدٍ للـّہ
خالد: انا اسف والله م عارف عمي م كلمني
ايناس رفعت راسها: م مشكلة حصل خير بس انت مشيت وين ؟؟؟
خالد: مشيت البقالة اجيب ليك حاجة
ايناس: شنو🤔،،، شلتا الكيس من الكرسي القدام ومديتو ليها من فتحتو قعدت تضحك
ايناس: اندوميييي😍😍😍😍م حتشيلهم مني تاني صح🥺🥺
خالد: لالا م تخافي😂😂😂اكليهم ارح يلا لازم نرجع بعد دا
ايناس: امشي اركب قدام وسوق😌
خالد: ارح قومي قدام انا سائقك الخاص ؟؟🤨🤨قومي قدامي
ايناس: سمح حاسامحك عشان الاندومي بس😌😂
ــــــــــــــــــــــــــــــــــــــــ
رجعنا البيت ومن دخلنا شالت التلفون ورتو لي عمي فاروق وهي بتنطط وتضحك😂😂
فاروق: خالد ،،، خالد: نعم ي ابوي
فاروق : ممكن كلمتين ؟؟،،، خالد: اتفضل طوالي
فاروق: الليلة اول مرة اشوف زول قدر يسعد ايناس غيري اول مرة تطلع مبسوطة مع زول م بتعرفو حق المعرفة هي بتحب المشاوير بس لازم يكون مع زول بتثق فيهو شديد لانها عندها رهاب لو كانت براها في محل عام
خالد: عارف ي ابوي الليلة خليتها في المطعم ومشيت البقالة جيت لقيتها بتبكي بس السبب شنو
فاروق: السبب انو لمن كانت شافعة طلعنا مشوار وكان في زحمة شديدة تاهت مننا انحنا بنفتش فيها 3 ساعات حتي لقيناها بس الموقف دا اثر فيها شديد وبقت تخاف لمن تطلع براها💔💔 ولمن طلبت مني الاذن م قدرتا ارفض ليك وهي وافقت وطلعت معاك اتبسطتا شديد انها ارتاحت ليك
خالد: بالجد م عارف اقول شنو ي ابوي لكن …
فاروق: خالد انا بأمن بتي امانة في رقبتك بعد وفاتي م بقدر اقول ليك اتزوجها غصب لكن بس حافظ علي سعادتها وشوف الزول البقدر يسعدها واجمعهم سوا لو م قدرتا تعتبرها زوجة ليك اعتبرها اختك
خالد: عمي الله يطول في عمرك وتسترها وتسلمها للراجل البصونها بي يدك
بعد كلام عمي انا م عرفت اعمل شنو وبالجد حسيت انو ايناس امانة في رقبتي ولازم احافظ عليها💙💙
ــــــــــــــــــــــــــــــــــــــــ
تاني يوم مشيت ناديتها وقعدنا تحت الشجرة نتكلم
خالد: اسمو منو ،،، ايناس: منو هو😳😳
خالد: حيكون منو يعني😒الزول البتتكلمي معاهو دا
ايناس: ايواااا همام😄😄،، خالد: امممم همام🙄وجادي معاك ولا بلعب
ايناس: جادي والله🙈🙈🙈،،،
خالد: م تقعدي تتخجلي كدا ووشك يحمر😒😒
ايناس: شغال في شركة ومتخرج ومشاءالله جادي بس اكمل الجامعة ويتقدم لي🙈🙈🙈
خالد: م حيتقدم ليك🙂🙂،،، ايناس: ليييه😕م تقول كدا
خالد: لانك بت عمي وحاعرسك وم حاخليهو يعرسك😂😂هااااهاااااهاااا
ايناس: ضحكت الشرير دي م تضحكها لي😑😑 وماااااا بعرسك ماااااا بعرسك😬😬
خالد: حتعرسيني😆😆
ايناس:😬😬انا قلتا اتغيرتا وبقيت بني ادم لكن لسه زي م انت😑😑،،، قامت من جنبي زهجانة وبتنقنق
خالد: اسمعي😌😌(اتلفتت علي بي زهج) داير بسبوسة تحلية وهدومي م اتكوت وشر
اباتي وسخانات😌😌
ايناس: في احلامك😑😑،،،، خالد: خلاص طيب حامشي لي عمي ونتفاهم راجل لي راجل😌😌
ايناس: خااااااللللد😬😬😬
