المسؤولية الجزء الأخير ♥️
بقلم حتة أمل
المسؤوليه 《6》#
بقلم~حتة~امل#
كلهم مشو المستشفي واسراء كانت بتبكي جا عمرو ماسك مصحف قال ليها قومي اقري قرآن وادعي وان شاء الله عمي ح يبقي كويس
وفعلا استغفرت وقامت تقرا والعمليه عدت ٥ ساعات واثناء ما هم قاعدين جو خيلان اسراء وفي عيونهم نظرة شماته
عمرو: نعم جايين لي شنو
عمران: جاي اسوق بت اختي بعد ابوها يموت اصلا هو ح يموت
عمرو كور يدو وعاوز يضربه جا محمد مسكو وقال ليهو طول بالك وعاين لي اسراء المنهاره دي
عمرو : قسما بالله تقربو من اسراء ادفنكم هنا
عاصم : وانت بتتكلم بصفتك شنو
عمرو: صفتي بتعرفها بعدين دا ما وقتو ومشي وقف جنب إسراء الكانت حاضناها سميه و وقاعدين قدام غرفة العمليه
عمرو: سرو نحن اتفقنا علي شنو
اسراء :انا ما قادره اشوفهم هنا قلبي بتقبض من منظرهم طلعهم من هنا يا عمرو وبقت تبكي ولي اول مره تترمي في حضنه وهي بتبكي
عمرو: حاضر
عمران : جا وعاوز يمد يدو عليها وهو بقول عاوزه تقلي ادبك مع الاولاد قبل ابوك يموت دا الكنت عارف انه ح يحصل فجأه جاهو كف لمن وشو قبل علي الجهه التانيه والشكله دورت وجا وعاصم عاوز يضرب عمرو وعمرو ضربه هو كمان لمن طلعوهم برا
في مكتب الامن بتاع المستشفي
ممكن افهم الفوضي الحاصله دي شنو انتو ناسين انكم جنب غرفة العمليات
عمرو: ممكن اتكلم معاك علي انفراد
وقفو هو مدير الامن
عمرو: المريض يبقي ابو زوجتي
والاتنين ديل خيلان زوجتي وكان عاوز يسوقها بالغصب وبقول ليها اصلا ابوك ما ح يطلع حي وهم ما عارفين انها اتزوجت لانه بينهم خلافات وهم نيتهم يسوقوها عشان طمعانين في ورثتها في امها وياريت ما تكلمهم لانه ما عارفين موضوع زواجنا
مدير الامن : طيب انا بشوف
مرقو لي خيلانها اها ممكن تحكو لي مالكم
والله يا ولدي انا جيت لي بت اختي وقلنا نسوقها قبل ابوها يموت عشان اصلا هو تعبان
مدير الامن لمن يموت تعالو بعدين نشوف ويلا اطلعو قبل ما اتصرف تصرف تاني
عمران وعاصم كانو بعاينو لي عمرو بي غل
عمران : مصيرها تبقي معانا
عمرو : 😠😠😠😠😠
ورجع عمرو و اسراء اول ما شافتو جرت عليهو بي لهفه وقالت ليهو فاتو صاح مشو ؟؟؟
عمرو: اي ولو جو تاني بكسرهم
وفي اللحظه دي الدكتور مرق من غرفة العمليات جرو عليهو
اسراء: اها يا دكتور ابوي كيف وهي بتبكي
الدكتور : الحمد لله العمليه تمت بنجاح وكلها ساعه والمريض يطلع للعنايه طبعا ما بتقدرو تدخلو ليهو إلا بعد فتره بتتحدد حسب وضعه بعد يوعي
سميه جات مسكت اسراء عليها وبقو يبكو من الفرح
الدكتور : بنديكم لحدي ما يوعي وتعاينو ليهو من ورا ألقزاز وبعدها تمشو عشان المريض زاتو لمن يلقي اهله برتاح نفسيا بس ياريت تبطلو بكاء
عمرو: سمعتو ويلا نتوضي ونصلي ركعتين شكر وبعدها نجي نلقاهو وعي ان شاء الله وفعلا مشو وجو راجعين لقو الدكتور منتظرهم ودخلو سلمو عليهو من ورا القزاز واسراء كانت شويه وتبكي
عمرو: ميل عليها سرويتي نحن اتفقنا علي شنو
اسراء: ابتسمت لي ابوها وطلعو
عدت الايام وجا يوم طلوع ابوها من المستشفي وكان عمرو مجهز ليهم شقه في بيتهم فوق عشان يكونو قريبين منهم وعشان نقل اسراء مع رونق رغم احتجاج المدرسه لانها الاولي بس اقتنعو بي ظروفهم
القاسم : تعرف يا دكتور انا ما فرحان عشاني لا انا فرحان عشان بتي
الدكتور : الله يخليها ليك وتفرح بي اولادها
باب الغرفه دق ودخلو عمرو واسراء
اسراء: ابووووووووي وجرت عليهو وبقت ماسكه فيهو وتبكي
عمرو : حمد لله على السلامة يا عمي
ازيك يا دكتور وشكرا ليك كتير
الدكتور : العفو دا واجبنا وطلع
القاسم: كيفك يا ولدي وشكرا ليكم لولاكم بعد الله ما كنت ح اعرف البحصل لينا شنو
عمرو : في زول بشكر ولده ؟؟
القاسم: ونعم الولد والله
عمرو: طيب يلا نطلع البيت
القاسم: ح نمشي بيتنا يا ولدي
عمرو: يا عمي كدي بالاول نمشي بيتنا وبعدين نتناقش
القاسم : يلا
طلعو ومجرد ما وصلو لقو حسين وعلي ولده الكبيره كان جا من الغربه ومعاهم محمد ماسكين الخروف و واقفين ضبحو كرامه للقاسم
عدا اليوم والضيوف فاتو
عمرو : عمي انا اتخذت قرارات فترة رقادك في المستشفي واتمني اني اكون صاح
عمرو : عمي انا اتخذت قرارات فترة رقادك في المستشفي واتمني اني اكون صاح
القاسم: انا بثق فيك وفي قراراتك دايما
عمرو: الله يديك العافيه يا عمي
اول القرارات انا نقلت إسراء في مدرسه هنا لانه ما واثق من تصرفات خيلانها وحكي ليهو الحصل يوم العمليه وبصراحه ممكن يشتكونا لانه عمرها ما تم ١٨ سنه وتعتبر قاصر عشان كدا انا ما وريتهم موضوع العقد
القاسم: الله لا بارك فيهم الكلاب
عمرو: عمي الانفعال كعب عشانك ياريت تهدأ
القرار التاني اني فرشت ليكم الشقه الفوق ويارييييييييت ما ترفض
القاسم: عارفك ما عاوز تفارق مرتك 😉
عمرو: امممممم معقول انا مكشوف كدا
القاسم: شديد 😂😂😂
عمرو: الله يصبرني لحدي ما تخلص وانا علي وعدي ومستعد انتظر
القاسم : طيب يا ولدي
بدت سنه تالته و رونق واسراء مجتهدات وجات الامتحانات ويوم النتيجه كالعاده اسراء بتبكي قبل تعرفها و رونق بي خوف اسراء زاتها بقت خايفه
القاسم: يلا يا بنات المؤتمر بدا
اسراء : والله انا خايفه
عمرو قولي بسم الله وتعالي اقعدي وان شاء الله النتيجه ح تكون حلوه ذي ستها
اسراء 😊😊 ابوي بكون سامعك
عمرو: مش انا راجلك
اسراء : لمن يتم العرس
عمرو : يعني موافقه علي 😍😍😍😍😍😍😍
اسراء: ☺️☺️☺️☺️☺️ ابوي بناديني للمؤتمر
عمرو :جري على امه وقال ليها اتقبلتني يمه قالت لي بعد نتم العرس يا امي
سميه : الله يسعدك يا ولدي كنت عارفه انه ربنا ح يفرحك لانك تستاهل الخير
قوم ارح نحضر المؤتمر
مشو و اول ما دخل اسراء دنقرت بي خجل وهو ابتسم
المؤتمر بدأ
الوزير : الاول الطالبه إسراء القاسم احمد القاسم مدرسة المنار النموزجيه بنسبة ٩٨%
اسراء اتفقعت بالبكاء والناس بتبارك ليها وسميه بتزغرد بي طول حسها
المؤتمر مستمر وقبل يتمو الميه الاوائل
الوزير السبعون مشترك رونق حسين علي المبارك مدرسة المنار النموزجيه بنسبة ٩٤.٥ %
تاني سميه قامت تزغرد والبيت كلو يبارك ليهم
رونق : اسراء حبيبتي واختي الفضل بعد الله برجع ليك لانك وقفتي جنبي وعلمتيني الاهتمام بي مستقبلي
عملو كرامه وعزمو فيها الاهل والجيران وكالعاده عمرو لازم احتفاله يكون خاص
عمرو : امي سوقي البنات واطلعي انا عامل ليهم مفاجأة
سميه : حاضر وساقتهم وطلعت علي اساس عاوزه تشتري ليهم هدايا النجاح ومشو لفو علي محلات الدهب وأشترت لي كل وحده خاتم سلسل هديه وفي الفتره دي عمرو كان غير استايل غرفهم وجايب لي كل وحده لابتوب هديه
سميه : رايكم شنو نمشي ناكل بيتزا وبعدين نمشي البيت
اسراء ورونق : يارييييييييييييت
سميه : في سرها الولد دا مالو هسي انا اتحجج بي شنو تاني الزمن اتاخر وقطع تفكيرها تلفونها متصل وكان عمرو
عمرو : انتو وين
سميه : في محل البيتزا الجنب البيت
عمرو : خلاص تعالو
مشو واسراء لاقت عمرو في السلم
اسراء: مساء الخير
عمرو: مساء الورد مشتاقين
اسراء : ☺️ وين مختفي الليله من الصباح
عمرو : كنت بحضر ليكم في مفاجأه
اسراء: 😍😍😍😍 بالجد
عمرو : ايوا ويلا امشي ارتاحي وبعدين بجي عليكم
……….
عند رونق
دخلت الغرفه وبقت تصرخ من الفرحه بمنظر الغرفه وشافت علبة هدايا في السرير جرت عليها لقتها لابتوب
رونق : عععععععععع يا اميييي
سميه : الله يعينو راجلك ح يجيهو صرع من صريخك دا
………
اسراء طلعت ولقت ابوها في الهول جات تتونس معاهو قال ليها امشي غرفتك وتعالي اتحيرت لكن مشت ومجرد ما دخلت هي كمان بقت تصرخ ما خلاص اتعلمت الجن من رونق 😅😅
المساء
الاسره كلها مجتمعه للشاي وعامله ليهم الكيك اسراء
عمرو جا داخل وجرو عليهو الاتنين عشان يشكرو علي الهدايا
قعدو يشربو في الشاي ويشكرو في الكيك والعملت الكيك كالعاده
عدت الايام وقدمو واتقبلو في جامعة الخرطوم اسراء طب و رونق قانون ومرت ٣ سنوات وماشاء الله اسراء ماسكه اول الدفعه بجداره
في يوم بعد عمرو وصلهم وقفه واحد وبدا يعرف نفسه
اكرم: سلام عليكم استاذ عمرو
عمرو: وعليكم السلام
اكرم :انا اكرم معيد في الكليه وبصراحه انا معجب بي اختك وجيت افاتحك في الموضوع انا زول ما بحب اللف والدوارن ولحدي الان ما اتكلمت معاها كنت منتظر اتكلم مع الرجال اول
عمرو: بصراحه عجبني تصرفك دا وبتمني تجينا زياره في البيت وان شاء الله يحصل كل خير
تسريع للاحداث
اكرم جاهم وطلب رونق وحددو العرس بعد سنه تكون هي خلصت جامعه
عمرو: همس لي اسراء عقبالنا 😘
اسراء: عمرووووو ما تخجلني
القاسم: وانا موافق
عمرو 🥹🥹🥹🥹🥹🥹 عمي
القاسم: ايوا سمعتكم وشايف انه نتم العرس مع اختها ويبقي الفرحه فرحتين والسنه دي انا واثق انه بتي ح تتفوق فيها برضو
عمرو 😍😍😍😍😍😍😍😍😍😍😍
جرت الايام والعرس قرب وسميه تعبانه مع تجهيز العروسات
يوم الزفاف جو اكرم وعمرو وهم لابسين ذي بعض وكل واحد عندو هيبه براهو
وكانت الحلفه حلوه جدا وكانو اسعد اربعه في العالم
مرت السنين واسراء أتخصصت في القلب وكانت متميزه جدا في مجالها وكمان متميزه في حياتها السخصيه وعندهم ٤ اطفال ٣ اولاد وبت ودي آخر العنقود دلوعة ابوها
عمرو: يا اولاد دا منو المزعل بتي حبيبتي
اولاده بي صوت واحد : والله ما انا هههههههههههه
عمرو : طيب منو
احمد : دي ماما 😬 وانت حر مع مرتك وقامو جارين التلاته
عمرو : زعلانه من امك كدا يبقي حل المشكله زاتو مشكله 😅
اسراء: انا سامعه سيرتي
عمرو : قام سلم في راسها وقال ليها بتي الكبيره ليه شاكلتي بتي الصغيره
احمد وإخوانه بي ورا ابوهم: مش قلت ليكم هسي لو دا واحد فينا كان دقونا 😂😂😂😂😂😂😂😂😂😂😂😂😂
عمرو: انا وعدتها اني اكون سند ليها وما ازعلها في يوم مهما كان ♥️♥️♥️♥️♥️♥️
دايما اختاري صاح اختاري البكون سند قبل ما يكون زوج الممكن يفهمك من نظره
