المسؤولية (4)
بقلم حتة أمل
#المسؤوليه 《04》
#بقلم~حتة~امل
مرت الايام والامتحانات خلصت وكان اليوم آخر امتحان طلعو كلهم واسراء كانت مبسوطه لانه جاهم ساهل عشان كانت خايفه منو وخصوصا انه كان تاريخ اكتر ماده بتكرها وكالعاده اسراء مشت مكتب المديره لكن لقت عمرو هو القاعد ما السواق سلمت عليهو وهي متحيره مالو الليله
إسراء: عمرو ؟! الليله مالك جبت انت ابوي كويس ؟؟
عمرو: بسم الله مالك يابت مخلوعه عم القاسم كوييييييس الحمد لله شكلك ما مبسوطه عشان جيت انا
اسراء : دنقرت بي خجل وقالت منو قال ليك كدا انا بس
عمرو: عارفك بتكونو مقلقه علي ابوك بس انا قلت الليله آخر إمتحان اطلعكم انتي و ورونق تغيرو جو
اسراء : نطت بي فرحه وقالت يا سلاااااااام رونق وينها طيب
عمرو: ح نغشاها في مدرستها
اسراء : طيب ممكن تلفونك اكلم ابوي
عمرو ؛ ( عجبه احترامها وانها رغم انه ابوها كلم ابوها قبل يجي بس اداها التلفون )
اسراء : زحت بعيد وقالت الو ابوي كيفك
القاسم: الحمد لله اها امتحنتي كيف
اسراء : كويس شدييييييييد عاوزه اقول ليك يا ابوي
القاسم: عارف يا بتي امشي غيري جو ودايما خلي عندك حدود في التعامل مع الاولاد حتي لو عمرو عشان البت المحترمه دايما بتتعامل بي حدود
إسراء: حااااااااضر يا ابوي
القاسم : اديني عمرو
مدت ليهو التلفون
عمرو: عمي كيفك
القاسم: الحمد لله بخير ما اوصيك عليها يا ولدي عارفك ما محتاج وصيه وقبل المغرب تكون في البيت
طلعو وكان بنات المدرسه كلهم بعاينو لي عمرو بي اعجاب
وصلو العربيه عمرو مد ليها هديه مغلفه قال ليها دي بمناسبة نهاية الامتحانات
إسراء: شكرا 😊 بس ليه متعب نفسك
عمرو : دي هديه بسيطه انتي تستاهلي اكتر من كدا وفي سره قال انا لو جبت ليك الدنيا كلها قليله عليك
وصلو مدرسة رونق وهي كانت واقفه مع صحباتها اول ما شافت عربية عمرو جات جاريه ولما لقت اسراء معاهو بقت تصرخ سروووووووووو
عمرو : يا مجنونه اركبي بالاول بعدين كوركي
رونق : ركبت ورا مع اسراء وبقت تسأل فيها اها اشتغلتي كيف
عمرو: انا السواق بتاعكم ؟؟
اسراء رفعت عيونها تعاين ليهو وهو سرح معاها وتاني دنقر و واصل في كلامه شنو قاعدين الاتنين ورا
رونق : مشتاقه ليها ياخ مالك
عمرو : في سره والله ما قدر شوقي لكن كل شي بالحلال حلو ومن تحت الكرسي طلع كرتونه هدايا كان خاتيها لي رونق عشان لما تدخل العربيه تلقاها ومداها ليها قال ليها خربي المفاجأة مسكتها وهي بتصرخ دي لي انا ععععععععععع
عمرو : لا إله إلا الله مزعجه دي
رونق : 😍😍😍😍😍 بحببببببك ياخ
عمرو : الهدايا افتحوها بعدين هسي نحن طالعين نغير جو
رونق : يا سلااااااااااااااام
عمرو واسراء كانو بضحكو علي جنها
عمرو : اها نمشي وين حددو
رونق : انا عاوزه بيتزا و ايسكريم
اسراء : حابه امشي توتي بحب النيل ومنظره
عمرو : يبقي نشتري البيتزا ومنها نمشي توتي ناكل هناك ونشرب حاجه سخنه وبعدين نمشي ناكل ايسكريم
عدو يومهم بين جن رونق وهدوء اسراء ونظرات عمرو الكانت مره مره بعاين بيها علي اسراء
قبل المغرب
عمرو: يلا يا بنات
رونق خلينا نلف بالعربيه شويه
عمرو: يابت ما بتزهجي انتي المغرب قرب واسراء لازم ترجع
اسراء : مره تانيه يا رونق نجي من الصباح انا لازم ارجع عشان ابوي براهو
وصلوها و دخلو سلمو علي ابوها ومرقو
اسراء : ابوي شوف عمرو جاب لينا انا و رونق شنو ومدت الهديه 🎁
القاسم: انا اخترت استلمت الهدايا الصباح قبل هو يصل المكتب وكنت عارف افتحيها نشوفها
اسراء: فتحتها لقتها تلفون ومعاهو شريحه بقت تنطط من الفرح
القاسم: امشي يابتي غيري وصلي وتعالي عاوزك في موضوع الليله انا عامل الشاي لكن الكيك ما عرفت فمشيت جبت من الدكان كيك بسكويت 😅
مشت إسراء استحمت وصلت وجات تشرب الشاي مع ابوها بعد شربو
القاسم: بصراحه يا اسراء يا بتي
القاسم : بصراحه يا اسراء يا بتي انا الدكتور حدد لي مواعيد العمليه وانا ما عندي غيرك ولا انتي عندك غيري عشان كدا انا كنت مؤجل موضوع العمليه لمن تكبري واتطمن عليك
اسراء: 😭😭 ياابوي لي أجلت العمليه انت صحتك عندي بالدنيا
القاسم: يا بتي انتي شفتي خيلانك كنت خايف يحصل لي شي وهم يجو يسوقوك
إسراء: الله يديك العافيه يا ابوي وقامت حضنت ابوها وبقت تبكي زياده
القاسم: طبعا يا بتي انتي بتعرفي اسرة عمك حسين ومتعوده عليهم
اسراء: ايوا ابوي وخالتو سميه بتعاملي ذي رونق
القاسم : عشان كدا انا قررت اعمل العمليه لانه ح اكون متطمن عليك معاهم لكن كمان بيتهم فيهو اولاد غرباء منك ما بنفع اخليك معاهم ساي كدا
اسراء : طيب يا ابوي الحل شنو انت لازم تعمل العمليه 😭
القاسم: في حل يا بتي
اسراء: اها شنو هو
تلفون القاسم ضرب وطلع دا خال اسراء قال ليهم
عاصم: الو قاسم كيفكم
قاسم : الحمد لله بخير انتو كيفكم
عاصم : والله يا قاسم ما عارف اقول ليك شنو بس عمران اخوي دا تعبان شويه ونحن حاليا في المستشفي
القاسم: يا لطيف حصل شنو
عاصم : ما عارفين فجأه وقع
القاسم: هسي انتو وين
عاصم : نحن في مستشفي ……….
القاسم: خلاص انا جاي عليكم
وقفل الخط وقال لي اسراء خالك تعبان في المستشفي ح امشي اشوفه وانتي امشي لي خالتك سعديه لمن اجي نكمل كلامنا
اسراء: ابوي ممكن ما تمشي 😭
القاسم: مالك يا بت
اسراء: ما عارفه يا ابوي بس قلبي قابضني وحاسه انه خالي ما عيان وانهم بدبرو في حاجه
قاسم لي لحظه فكر في كلامها وبعدها اتصل علي عمرو واتكلمو شويه وبعدها قال لي اسراء ارح البسي ليك عبايه خليت المستشفي بس طالعين مشوار
اسراء : مشوار شنو
القاسم : يلا ارح انتظرها لبست ومرق هو كمان شايل ورقه في يدو
اسراء: نحن مارقين بدون عربيه
القاسم : لا بس ح تركبي من هنا وخليك قاعده تحت كانك ما معاي
طلعو وهو بعد طلع العربيه وقف قدام في الباب وقال يلا يا بتي انا ما بتاخر
واسراء بتفكر ياربي ليه ابوي عمل كدا
في الطريق عمرو اتصل ردا عليهو القاسم
عمرو : اها طلعتو
القاسم: ايوا
عمرو: هسي في زول مراقب البيت لانه حاسي انهم كانو عاوزين يجو لي اسراء من وراك هسي انتو تعالو بيتنا ونشوف البحصل
القاسم : حسبنا الله ونعم الوكيل
بعد شويه جا ولد عمران الطايش وهو بتلفت وكسر الباب ودخل وهو بقول إسراء انا جيت والله ما بخليك ترفضيني انا وتطلعي وتنزلي مع الاسمو عمرو الليله انا بوريك
وخلاص دقايق كان العساكر ماسكنو وبكفتو فيهو
عمرو : يا عمي ظني طلع صاح
القاسم: اعوذ بالله اعوذ بالله
حسين : انتو تاخدو ليكم كم يوم معانا لحدي ما نعقد ليهم اما العواليق داك ح ياخد جزاهو
القاسم : طيب انا حابي اقعد مع اسراء واشرح ليهاعمرو : ح اناديها ليك وانا وابوي طالعين مشوار وجايين
دخل عمرو ونادي رونق قال ليها قولي لي اسراء ابوك عاوزك برا وانا وابوي طالعين مشوار وجايين
