المسؤولية
بقلم حتة أمل
#المسؤوليه 《02》
#بقلم~حتة~امل
ـــ★★★ــــــــــــــــ♡♡♡ــــــــــــــــــ★★★ـــ
المغرب الباب دق قام القاسم فتح الباب وكانو عمرو ومحمد
دخلو الصالون وكان مرتب ونضيف وريحته جميله
عمرو : حتي البيت هادئ ومريح نفسيا
محمد : فعلا لانه اصلا عم القاسم زوجته متوفيه وما عندو غير اسراء
عمرو : ربنا يرحمها ويغفر ليها
القاسم : اتفضلو يا شاب
قام عمرو شال الصينيه بتاعت الشاي ومحمد شال الكيك
عمرو : ماشاء الله الشاي مظبووووووط
محمد : الكيك جميل اكييييد ما انت العملتو
القاسم : ههههههههههههههههه كان عملتو انا كان تستعدو للمستشفي
كلهم ضحكو
القاسم : الشاي والكيك جهزتم اسراء بعد رجعنا الله يديها العافيه واشوفها دكتوره ذي ما بتتمني هي ست بيت شاطره اتعلمت شغل البيت من هي صغيره
عمرو : بصراحه يا عم القاسم انا جاي بخصوص اسراء انا عاوز اطلبها منك
القاسم : بس يا ولدي اسراء صغيره
عمرو : وانا مستعد انتظرها لحدي ما تخلص
محمد : يا عم القاسم ما عشان عمرو صحبي بس والله هو زول محترم وما بحب يلف يدور وكان علي اسراء ما تكلمها لمن تدخل الجامعه عشان ما نلخمها من قرايتها
القاسم: والله يا ولدي انا ما ح القي احسن منك لي بتي وخصوصا انا خايف اموت واخلها براها في الدنيا القاسيه دي
محمد وعمرو: ربنا يطول عمرك وتفرح بيها
القاسم : انا مفروص اعمل عمليه قلب مفتوح وحاسي اني ما بطلع منها عشان كدا مؤجلها لحدي ما اسراء تمتحن شهاده
عمرو : بإذن الله تعملها وتطلع بالسلامه
اتفقو انه اول ما اسراء تخلص امتحانات عمرو يجيب اهله و يعملو خطوبه رسميه وينتظر لمن تخلص جامعه
عمرو : يلا عم القاسم نحن نستأذن
القاسم : شرفتونا يا اولادي
وقبل ما يطلعو وقفت عربيه ونزلو منها خيلان اسراء ( عاصم . عمران ) ومعاهم ولد شاب ظاهر عليهو انه غير مسؤول وطايش
عمران : سلام عليكم
القاسم : وعليكم السلام
عمران : وين اسراء تجي تسلم علي عريسها
عمرو : كان بعاين بي غضب بس منتظر الرد من قاسم
القاسم : عريس شنو انا كلمتكم بتي لسه صغيره وطول ما انا عايش ما بعرس ليها ولدك الطائش دا
عمران : تقصد شنو يعني انت قايل نفسك ح تعيش ليها لي متين وانت مريض قلب بكره تتعب وتموت وبتك ما تلقي اليلمها
عاصم : اطلع يا اخوي نحن غلطانين زاتو البنفكر فيها هي زاتها بعد امها ماتت ما لاقيه البعلمها الصاح من الغلط تلقاها النهار كلو لافه بالحله
عمرو: انتو خيلان انتو يخسي علي الزيكم
فجأه سمعو حاجه وقعت اتلفتو لقو اسراء كانت واقعه في الارض خيلانها مرقو ابوها جري عليها اسراء يابت وهي ما بترد
عمرو : يا عم القاسم لبسها عبايه خلينا نوديها المستشفي
القاسم جرا جاب عبايه لبسها ليها ولبسها طرحتها وجا عمرو شالها وجرو المستشفي
دخولها الطواري وكان القاسم ظاهر عليهو التعب ماسك قلبه وفجاه وقع هو كمان رفعو في السرير الجنبها بدو الدكاتره يسعفو فيهم وحولو العنايه الوسيطه عشان مريض قلب
عمرو : لا حول ولا قوة إلا بالله ديل ما رجال لكن والله ما اخليهم
محمد : بالجد والله ربنا ينتقم منهم
الدكتور قرب منهم وقال ليهم الانسه وعت وبتبكي ياريت تجو عشان تهدأ شويه عمرو جرا لقاها تبكي وتقول ابوي وين انا عاوزه ابوي
عمرو قعد قدامها وقال ليها
عمرو : اهدي ابوك كويس هسي بجي هو بس مشي يدفع الرسوم وهسي بجي
اسراء : ابوي كويس صاح ما ح يموت ويخليني ذي ما امي واحمد فاتو خلوني وبقت تبكي تاني
جات الممرضه ادتها حقنه مهدئه ونامت
عمرو ما قادر يخليها فضل جنبها ومحمد كان متابع مع ابوها لحدي ما الدكتور جا واتكلم مع محمد
الدكتور : لو سمحت انت ولد المريض
محمد : ايوا يا دكتور
الدكتور : ممكن تجي المكتب
محمد : استر يا رب
الدكتور : بصراحه المريض قلبه تعبان جدا ولازم عمليه وهو حاليا وعي ورافض العمليه تماما
محمد : طيب يا دكتور ما ممكن ياخد علاج يحسن حالته حاليا
الدكتور : ما ح تكون ذي العمليه لانه العلاج ح يخلي الحاله ما تسوء لكن اقل زعل ممكن يأثر ذي ما انت شايف
محمد : تمام ان شاء الله نطمن علي اسراء ونقنعه بالعمليه
الدكتور : يكون احسن هو حاليا بكون خلص وممكن يمشي يطمن على بته واظن هي كمان ح تكون عاوزه تطمن عليهو
طلعو من المكتب ومشو لي القاسم ومحمد سنده لمن وصل الغرفه الفيها إسراء
القاسم : معليش يا اولادي تعبتكم معاي
عمرو : معقول يا عمي تقول كدا وانت بتقول لينا يا اولادي يعني في ولد بخلي ابوهو في موقف ذي دا
محمد : فعلا المفروض نحن اولادك
القاسم : ربنا يديكم العافيه وكويس انكم كنتو معاي ودموعه كانت نازله وهو بعاين لي اسراء
عمرو : الحمد لله هي كويسه و وعت قبل شويه كانت بتبكي وخايفه عليك ادوها حقنه مهدئه ونامت تاني لكن ممكن تطلع طوالي
القاسم : ننتظرها تصحي ونمشي
عمرو : يا عمي انا شايف انه خيلانها ما ح يخلوكم في حالكم وممكن في اي لحظه يجو تاني وبصراحه ولد خالها دا ممكن يعمل ذي ما بعمل الشباب الطايش ويتعرض ليها
القاسم : والحل شنو
عمرو: الحل انه اعقد عليها وانتظرها لمن تخلص
محمد : حل مناسب جدا
القاسم : بس هي امتحاناتها قربت موضوع العقد دا ممكن نخلي لمن تمتحن ؟؟
عمرو: ان شاء الله وانا لو سمحت لي ح اخصص ليها سواق يرجعها من المدرسه عشان ما ترجع براها
القاسم : الله يديك العافيه
اسراء صحت وبقت تبكي وتقول ابوي عمرو ومحمد طلعو
القاسم قرب منها : اسراء حبيبتي وحضنها وهي بقت تبكي وتقول ليهو ابوي كلامي خالي ما صاح انت ما ح تخليني ذي امي واحمد
القاسم مسح دموعه : يا بتي الموت دا ما بي يد زول وماف مرض قتل ليهو زول كل زول بموت فى يومه يعني كلام خالك دا ما تشتغلي بيهو
اسراء : ابوي انا بخاف من ولده دا كل ما يجي بعاين لي بي طريقه تخوف وكم مره بلقاهو جنب المدرسه
القاسم: والله يقرب منك اقتله ما تخافي يا بتي تاني ح تجي عربيه تسوقك من المدرسه تجيبك لي الشركه ومن هناك نمشي سوا واصلا الصباح انا بوصلك
اسراء اكتفت بي انها تهز راسها
القاسم : طيب صلحي طرحتك عشان نرجع البيت عمرو ح يوصلنا
اسراء : طيب صلحت طرحتها ومرقو هي وابوها لقو محمد بس واقف برا
محمد : حمد لله على السلامة
القاسم واسراء : الله يسلمك
القاسم : عمرو مشي ؟
عمرو من وراهو : لا يا عمي ( مشي دفع الحساب )
محمد : يلا نمشي
اتحركو على البيت وفي الطريق وقفو شالو اكل و فواكه والعلاجات
وصلوهم واتحركو
محمد : تعرف والله ربنا دايما بدبر امر المؤمن يعني جابنا الليله عشان نلحقهم ولا كان هسي حصلت ليهم حاجه وابوها تعب وخيلانها عقدو ليها علي ولدهم الطايش دا
عمرو : الحمد لله وان شاء الله ما اشوف فيها شين انا والله ما بخليهم و ح افضل عيني عليها والبقرب منها مستعد اقتله
محمد : ان شاء الله ما يحصل الا كل خير انت تمشي تفاتح اهلك في الموضوع عشان الامتحانات قربت
عمرو : هسسسسي بس اصل لو نايمين ح اصحيهم
محمد : هههههههههههههه شفقه عجيبه متخيل منظر خالتو سميه لمن تصحيها
عمرو : ح الم الشبشب من قدامها عشان ما تفكني بيهو 😂 لكن بعد تصحصح وتعرف انا بقول في شنو اكيييييد ح تفرح
محمد : اكييييييد خالتو سميه رغم انها بتنفعل سريع بس قلبها حنين شدييييييد ربنا يخليها انا بعتبرها امي التانيه
عمرو : فعلا
والله
عمرو وصل محمد واتحرك علي بيتهم
•••••••••••••••••••••••••••••••••••••••••••••••••••••••••••
