المسؤولية (1)

#المسؤوليه (1)

#بقلم~حتة~امل

ـــ★★★ــــــــــــــــ♡♡♡ــــــــــــــــــ★★★ـــ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏

في مدرسه في حي من احياء الخرطوم الطرفيه كانت الاستاذه شايله شنطتها وماشه علي الفصل

ريم: يابنات استاذه امل جاااات

الفصل كلو بقي صاااااااااني

اسراء : المرا دي كلامها كتير انا راجعه الكنبه الورا عشان لو نمت ما تنتبه لي

نهله : انا بحب حصتها خلاص نتبدل تعالي مكاني

مسافة اتبدلو كان استاذه امل جات والحصه بدت وكانت عن غردون باشا واستاذه امل كانت بتشرح بي طريقه مبسطه كانها بتحكي وحده من حكاوي الحبوبات لمن الحصه انتهت والجرس ضرب

استاذه امل : خلاص يا بناتي نكمل المره الجايه ان شاء الله

طالبة ١ : عليك الله يا استاذه كملي القصه

طالبه ٢ : اي يا استاذه اصلا دي الحصه الاخيره

اسراء : ديل شنو المتخلفات ديل كرهتي التاريخ دا 😖

نهلة: والله ياريت

استاذه امل: يا بناتي ما بنفع نواصل عشان اليوم انتهي وكان اتاخرتو اهلكم بقلقو عليكم ان شاء الله الاسبوع الجاي نزيد زمن الحصه من هسي كل وحده تكلم اهلها الحصه الجايه ح تكون زياده ومرقت

اسراء : يلا يا بنات مع السلامه وشالت شنطتها وجري علي البيت عشان تلحق تجهز الغداء لي ابوها

يلا نعرفكم عليهم إسراء بت جميله جدا لونها قمحي وعيونها عسليه طالبه شاطره جدا بس بتكره التاريخ نفسها تجيب درجه كويسه وتدخل طب وتتخصص في امراض القلب عشان شايفه معاناة ابوها

.

ابوها القاسم شغال محاسب في شركة آليات ثقيلة ظهرت ليه مشكله في القلب بعد وفاة زوجته ( ام اسراء ) و ولده في حادث قرر انه ما ح يعرس بعد زوجته عايشين هو واسراء في بيت صغير عباره عن غرفه و وهول وصالون والمطبخ والحمام بس بيت انيق ومرتب ونضيف دايما

اسراء من هي صغيره بتحب شغل المطبخ ودايما كانت بتراقب ابوها وهو بجهز في الاكل ولمن كبرت شويه كانت بتمشي لي نهله صحبتها في البيت وام نهله كانت بتعاملها كانها بتها وتعلمهم الصاح من الغلط وتعلمهم النظافه والطبيخ واسراء عكس نهله تماما او يمكن عشان حابه تساعد ابوها

اسراء وصلت البيت استحمت ودخلت المطبخ جهزت الغداء وانتظرت ابوها جا اتغدو وقامت غسلت العده وعملت الشاي واستاذنت من ابوها عشان تقوم تقرا وتحل واجباتها

القاسم : الله يرضي عليك يا بتي و يوفقك واشوفك اكبر دكتوره

عدت الايام بنفس الروتين جا يوم السبت وكان ابوها شغال وناس نهله ماشين بيت حبوبتهم

القاسم : يا اسراء اجهزي اسوقك معاي عندي شغل بسيط اخلصه وبعدها نطلع نغير جو

اسراء : يا سلاااااااام الله يخليك لي يا ابوي

لبست تونك طويل لونه بيبي بلو وبنطلون اسود وطرحه فيها ورود واسبورت اسود وشنطة سوداء

القاسم : يا سرو اها جهزتي

اسراء : ايوا يا ابوي ارح

وطلعو علي الشركه وكان معظم الموظفين ما شغالين لانه اليوم سبت بس جزء بسيط كانو شغالين عشان عندهم آليات جايه

القاسم بدأ في شغله واسراء كانت بتقرا في كتاب الاحياء لحدي ما ابوها يخلص شغل ويطلعو باب المكتب دق ودخل شاب في الثلاثينات وهو بقول يا عم القاسم

عمرو : سلام عليكم معليش ما كنت قايل معاك ضيوف

القاسم : وعليكم السلام يا هندسه اتفضل دي اسراء بتي

عمرو : مرحب بيها ودخل سلم عليهم وقال ليهو انا جيت اقول ليك الليله الفطور في الكافي الجنب الشركه تقديرا لي تعبكم يوم الاجازه

القاسم : غايتو خزنتي دي كان ما الآليات الجديده وصلت ما بطلع ليكم منها اي نثريات 😂😂😂

عمرو : ما ح نهبش خزنتك الفطور من حسابي 🤣🤣

طلع عمرو وهو بعاين لي اسراء بي اعجاب

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏

عمرو وصل مكتبه وبقي سرحان

عمرو : مالك يا زول كانه اول مره تشوف بت

لكن البت صغيره انت جنيت يا عمرو

انا اكلم ابوها وبنتظرها ان شاء الله ١٠ سنه قطع شروده صوت الباب بدق قال اتفضل

دخل محمد( صاحب عمرو و مهندس في الشركه)

محمد : شنو يا هندسه لي ساعه في الباب

عمرو : كنت بفكر في موضوع

محمد : موضوع شنو البخليك سرحان قدر دا لو ما انا صحبك وعارفك كنت قايلك بتحب

عمرو : الصراحه وسكت مسااااافه

محمد : لااااااااا شكلو لقيت البتخليك تتغير

عمرو : تغير ساي هو انا نسيت انا منو زاتو

محمد : الموضوع عاوز قعده ارح نمشي الكافي لمن زمن الفطور يجي نشرب لينا قههوه وتحكي لي

طلعو من الشركه واتحركو علي الكافي

وهناك عمرو حكي لي محمد اعجابه بي اسراء وانه عاوز يكلم ابوها ومستعد ينتظرها لحدي ما تخلص قرايه

محمد : والله يا عمرو دايما بتثبت لي انك زول محترم ودغري رغم انه ممكن بي وضعك المادي تلف على البت وتاخد وتدي معاها لكن انت عاوز تمشي بالباب

عمرو : الحلال مافي اجمل منو وهي زاتها واضح عليها الادب والاحترام والهدوء اجمل شي فيها الهدوء قطع كلامهم صاحب الكافي وهو بقول يا باش مهندس عمرو المكان جاهز حضرنا ليكم صفره بالعدد الانت طلبتو

عمرو : تمام بس إذا امكن عاوز كرسي زياده عشان العدد زاد وانت يا محمد كلم الموظفين يجو للفطور

.

بدو الموظفين يجو وكان عمرو مخصص الكرسي الفي المقدمه لي محمد وهو يمين محمد والكرسي القصاده لي اسراء والجنبها لي ابوها عشان تكون قصاده وماف زول من الموظفين يعاين ليها حاسي انه ممكن يعمل مشكله لو زول عاين ليها

.

خلص الفطور واسراء كالعاده رايقه

عمرو : يا عم القاسم لو سمحت دقيقه

القاسم : انتظريني هنا يا إسراء واتحرك علي عمرو

عمرو : انا جاي المساء البيت عندكم إذا ممكن

القاسم : تشرف يا ولدي ودي كمان عاوزه اذن

عمرو : دي الاصول وبينا تلفون للمساء إن شاء الله

القاسم : اها يا سرو نمشي وين

اسراء : عاوزه امشي شارع النيل بحب المنظر هناك وعاوزه لمن نكون راجعين نغشي ايسكريم 41 لو ممكن

القاسم : بس كدا انا عيوني ليك كل الانتي عاوزاه الليله نعمله بس الليله جايننا ضيوف لازم نرجع بدري شويه عشان تعملي ليك الكيك الرهيب البتعملي كل مره

اسراء : ضيوف منو ما يكونو خيلاني انا يا ابوي ما بحبهم بحسهم بكرهوني ما بعرف ليه

القاسم : ( في نفسه ليك حق لانهم زعلانين عشان امك كاتبه ليك الشقتين الورثتهم وهم كانو ناوين يشيلوها بعد امك ماتت علي اساس هم الورثه ) لا لا يا بتي ما هم ويلا عشان ما نتاخر

مشو ذي ما اتفقو وخلصو مشاويرهم واشترو حاجات للكيك و وصلو اسراء دخلت عملت الكيك وجهزت الشاي في السيرمس ورتبت الصالون وختت فيهو بخور ودخلت غرفتها عشان تراجع شويه لانها طالبه مجتهده

••••••••••••••••••••••••••••••••••••••••••••••••••••••

اضغط هنا للانضمام لقروبات الواتس آب